<p><span style="color: #000000;"><strong>ភ្នំពេញ៖</strong>ប្រទេសថៃចាប់ផ្តើមផ្សព្វផ្សាយឧស្សាហកម្ម ភាពយន្តរបស់ខ្លួនជាលើក ដំបូងឡើងវិញ បន្ទាប់ពីខ្សែភាពយន្តថៃ ត្រូវបានខកខាន អស់រយៈពេល១១ឆ្នាំ ចាប់តាំងពីឆ្នាំ២០០៣មក។</span></p>
<p><span style="color: #000000;">សន្និសីទព័ត៌មានស្តីពីផ្សព្វផ្សាយភាពយន្តថៃ ត្រូវបានរៀបចំឡើងនៅព្រឹកថ្ងៃទី១១ ខែកញ្ញា ឆ្នាំ២០១៤ នាផ្សារទំនើប AEON Mall ។ មន្ត្រីកម្ពុជា-ថៃ និយាយថា ការផ្សព្វផ្សាយនេះ គឺបង្ហាញពីចំណងមិត្តភាពកម្ពុជា -ថៃកាន់តែស្អិតរមួតឡើងថែមទៀត តាមរយៈជាប្រទេសភូមិផង របងតែមួយ។</span></p>
<p><span style="color: #000000;">ការផ្សព្វផ្សាយភាពយន្តថៃនេះ គឺជាការផ្តួចផ្តើមឡើងដោយ នាយកដ្ឋានជំរុញពាណិជ្ជកម្ម អន្តរជាតិ ក្រសួងពាណិជ្ជកម្មថៃ និង សមាគមន៍ភាពយន្តកម្ពុជា រួមទាំងក្រុមហ៊ុនរោងភាពយន្ត Major Cineplex ដោយមានរៀបចំការ ចាក់បញ្ចាំងភាពយន្តថៃ ៥រឿងជាប់គ្នា ចាប់ពីថ្ងៃទី១៨ ដល់ ២២ ខែកញ្ញា ឆ្នាំ២០១៤ នៅរោងភាពយន្ត Major Cineplex ផ្តល់ឱកាសឲ្យពលរដ្ឋកម្ពុជា ចូលទស្សនាដោយសេរី។</span></p>
<p><span style="color: #000000;">អគ្គទីប្រឹក្សាពាណិជ្ជកម្មប្រចាំទូតថៃនៅកម្ពុជា លោកស្រី ជីរ៉ាណាន់ វង្សមង្គល បានមានប្រសាសន៍ថា នេះជាពេលវេលា ល្អដែលប្រទេសថៃ ចាប់ផ្តើមផ្សព្វផ្សាយ ឧស្សាហកម្មភាពយន្ត របស់ខ្លួនក្នុងប្រទេសកម្ពុជា ឡើងវិញ នៅពេលរោងភាពយន្ត លំដាប់អន្តរជាតិ ដែលជាការវិនិយោគ របស់ថៃបានបើកនៅកម្ពុជា។ លោកស្រីបន្តថា «នេះជាលើកទី១ ដែលយើងចាប់ផ្តើម ផ្សព្វផ្សាយភាពយន្តថៃ ឡើងវិញ បន្ទាប់ពីបាត់ខ្លួន អស់រយៈពេលជាង១០ឆ្នាំ»។</span></p>
<p><span style="color: #000000;">មុនឆ្នាំ២០០៣ ខ្សែភាពយន្តថៃ ពេញនិយមយ៉ាងខ្លាំងនៅកម្ពុជា តែដោយសារសម្តី ប៉ុន្មានម៉ាត់របស់តារាភាពយន្តថៃនាង ឃីងខុង ដែលប្រជាជនកម្ពុជា ស្គាល់ថា «នាងផ្កាយព្រឹក»និយាយថា បើសិនជាចង់ឲ្យនាងមកថតភាពយន្តនៅកម្ពុជា ទាល់តែឲ្យអង្គរវត្តទៅថៃ។ សម្តីនេះហើយដែលធ្វើឲ្យ ប្រជាជនកម្ពុជា ខឹងសម្បា ឈានដល់ផ្ទុះហិង្សាដុតស្ថានទូតថៃនៅកម្ពុជា បង់អស់ប្រាក់ជាង ៥០លានដុល្លារអាម៉េរិក។</span></p>
<p><span style="color: #000000;">ប្រធាននាយកដ្ឋានសិល្បៈភាពយន្ត និងផ្សព្វផ្សាយវប្បធម៌ នៃក្រសួងវប្បធម៌ និងវិចិត្រសិល្បៈ លោក ស៊ិន ចាន់ឆាយ៉ា បានសម្តែងនូវការ ស្វាគមន៍ចំពោះប្រទេសថៃ ក្នុងការចូលមកផ្សព្វ ផ្សាយឧស្សាហកម្ម ភាពយន្តរបស់ខ្លួនឡើងវិញ។ លោកថា ប្រទេសកម្ពុជា ប្រកាន់យកទីផ្សារសេរី ហើយកម្ពុជាត្រូវការ បទពិសោធន៍ច្រើនទៀត ពីវិស័យភាពយន្តរបស់ថៃ។</span></p>
<p><span style="color: #000000;">លោកបញ្ជាក់ថា«វិស័យភាពយន្តនៅមានកម្រិតនៅឡើយ ដូច្នេះយើងត្រូវការដៃគូ ដែលមានបទពិសោធន៍ ពីការផលិតភាពយន្ត ពិសេសពីមិត្តថៃ របស់យើងតែម្តង»។</span></p>
<p><span style="color: #000000;">លោក ស៊ិន ចាន់ឆាយ៉ា ទទួលស្គាល់ថា វិស័យភាពយន្តនៅកម្ពុជា ពិតជាមានការហូរ ចូលភាពយន្តបរទេស យ៉ាងច្រើនសន្ធឹកមែន តែថាបើទោះជាមានភាពយន្ត បរទេសច្រើនក្តី ក៏ប្រជាជនខ្មែរ នៅតែគាំទ្រភាពយន្តក្នុងស្រុក ខ្លាំងជាងភាពយន្ត បរទេស បើទោះភាពយន្តហូលីវូដ ដែលល្បីពេញពិភពលោក និងចំណាយលុយរាប់ រយលានដុល្លារយ៉ាងណាក្តី។</span></p>
<p><span style="color: #000000;">គួរបញ្ចាក់ថា ភាពយន្តថៃចាប់ផ្តើមចាក់បញ្ចាំង លើកញ្ចក់ទូរទស្សន៍ កងយោទពលខេមរភូមិន្ទប៉ុស្តិ៍ លេខ៥ នៅពាក់កណ្តាលឆ្នាំ២០១៤នេះ ។ មន្ត្រីថៃនិយាយថា នាពេលខាងមុខប៉ុស្តិ៍ ទូរទស្សន៍ផ្សេង ទៀតក៏នឹងចាក់ផ្សាយ ភាពយន្តថៃផងដែរ ។ ភាពយន្តថៃត្រូវបាន គេមើលឃើញថា ស្ថិតក្នុងចំណាប់អារម្មណ៍ យ៉ាងខ្លាំងពីប្រជាពល រដ្ឋខ្មែរ ពិសេសបងប្អូនស្រី ។ ពួកគាត់ចូលចិត្តមើល តាមរយៈទូរទស្សន៍ VCD និងតាម Youtube ជាដើម៕</span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2014/September/ID-141/MSP-0429.jpg" alt="" width="600" /></span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2014/September/ID-141/MSP-0431.jpg" alt="" width="600" /></span></p>
<p style="text-align: right;"><a href="http://lookingtoday.com/index.php/entertainment-general-news/34075-2014-09-11-06-02-52.html" target="_blank"><span style="color: #000000;">ផ្តល់សិទ្ធដោយ ៖ ដើមអម្ពិល</span></a></p>