<div class="summary zing">
<p>ក្រុមហ៊ុនផលិតទូរស័ព្ទតៃវ៉ាន់ HTC ត្រូវបានគេចាប់បានថា បានប្រើប្រាស់ iPhone ក្នុងការថតរូប បង្ហាញណែនាំស្មាតហ្វូន One M9 ម៉ូដែលស្រោបមាស 24 karat សម្រាប់ការប្រកួតវគ្គផ្តាច់ព្រ័ត្រ Champions League។</p>
<p><a href="http://www.camnews.com.kh/News/Detail/84720/concept-iphone-7-with-new-design-of-camera"><span style="color: #3366ff;"><em>អាន៖ ក្រឡេកមកទស្សនា គំនិតច្នៃប្រឌិតថ្មីនៃ iPhone 7 ជាមួួយនឹងកាមេរ៉ាស្ទីលថ្មី យ៉ាងណាដែរ? (មានវីដេអូ)</em></span></a></p>
<p style="text-align: center;"><a class="thickbox" title="" href="/FileManager/Commons/2015/6/6/052-06-06-2015--19-41-10.png"><img src="/FileManager/Articles/mce/2015/6/6/052-06-06-2015--19-41-10.png" alt="" /></a></p>
<p style="text-align: center;"><span style="color: #999999;"><em>រូបភាពចំណាំងផ្លាតពី HTC One M9 ស្រោបមាសបានឲ្យឃើញថា អ្នកថតរូបប្រើប្រាស់ iPhone (រូបភាព: Twitter</em></span>)</p>
</div>
<p>កាលពីថ្ងៃទី ៥ ខែ មិថុនា ម្សិលមិញនេះ HTC បានធ្វើការបង្ហាញណែនាំជាផ្លូវការនូវស្មាតហ្វូន One M9 ម៉ូដែលស្រោបមាស 24 karat ជាមួយនឹងបរិមាណមានកំណត់មួយ។ ការបង្ហាញផលិតផលនេះ នឹង ប្រព្រឹត្តទៅដោយរលូន មិនមានការរំខាន បើសិនជាមិនមានអ្នករកឃើញថា នៅក្នុងរូបភាពមួយក្នុង ចំណោមរូបភាពបីសន្លឹករបស់ One M9 ម៉ូដែលស្រោបមាសនេះ (បង្ហោះនៅលើ Twitter) ត្រូវបានថត ចេញពីកាមេរ៉ារបស់ iPhone។</p>
<p>ម៉ូដែល One M9 ពិសេស ដែលនិយាយខាងលើនេះ បង្ហាញខ្លួនសម្រាប់ធ្វើជាអនុស្សាវរីយ៍ ក្នុងការ ប្រកួតបាល់ទាត់ UEFA Champions League 2014-2015។ នៅផ្នែកខាងក្រោយស្មាតហ្វូន HTC បានដាប់អក្សរសរសេរជាព័ត៌មាន ស្តីពីការប្រកួតវគ្គផ្តាច់ព្រ័ត្ររវាងក្លឹបបាល់ទាត់ FC Barcelona និង Juventus ដែលនឹងប្រព្រឹត្រធ្វើឡើងនៅយប់រំលងអាធ្រាត្រ ថ្ងៃទី ៦ ខែមិថុនា។</p>
<p><a href="http://www.camnews.com.kh/News/Detail/28743/lacked-photo-of-galaxy-s6-plus-screen-55-inch"><em><span style="color: #3366ff;">អាន៖ លេចចេញរូបភាពជាក់ស្តែង របស់ Galaxy S6 Plus អេក្រង់ទំហំ 5,5 inch</span></em></a></p>
<p>ដោយសារតែពេលវេលាបង្ហាញខ្លួនរាងយឺតបន្តិច HTC បានជ្រើសរើសការប្រកាស M9 ម៉ូដែលពិសេស នៅលើ Twitter។ បន្ទាប់ពីរូបភាពបានបង្ហោះរួចមក មានអ្នកប្រើប្រាស់ Twitter មិនតិចនាក់ឡើយ បានចាប់បានកំហុសឆ្គងខាងលើនេះ ហើយថែមទាំងចែករំលែករូបភាពនេះ ស្ទើរគ្រប់គ្នាផងដែរ។</p>
<p>ស្មាតហ្វូនស៊េរី One របស់ HTC ទាំងអស់ សុទ្ធតែមានចង្កោមកាមេរ៉ាបំពាក់នៅផ្នែកកណ្តាល ក្នុងពេល ដែលកាមេរ៉ា iPhone បំពាក់នៅជ្រុងខាងឆ្វេង។ នៅក្នុងរូបភាពចំណាំងផ្លាតពី One M9 ម៉ូដែលស្រោប មាស យើងអាចឃើញយ៉ាងច្បាស់ អ្នកថតរូបបានប្រើប្រាស់នូវស្មាតហ្វូន iPhone 6 ឬ 6 Plus ឬក៏យ៉ាង ហោចណាស់គឺប្រើស្មាតហ្វូន iPhone ក្លែងក្លាយ ពោលគឺមិនមែនផលិតផលពី HTC ឡើយ។</p>
<p><a href="http://www.camnews.com.kh/News/Detail/86950/iphone7c-screen-4-inch-will-be-introduced-in-2016"><span style="color: #3366ff;"><em>អាន៖ iPhone 7c អេក្រង់ ៤អ៊ីន នឹងបង្ហាញខ្លួន នៅក្នុងឆ្នាំ ២០១៦</em></span></a></p>
<p style="text-align: center;"><a class="thickbox" title="" href="/FileManager/Commons/2015/6/6/053-06-06-2015--19-43-41.png"><img src="/FileManager/Articles/mce/2015/6/6/053-06-06-2015--19-43-41.png" alt="" /></a></p>
<p style="text-align: center;"><span style="color: #999999;"><em>HTC, ក្រោយមកបានធ្វើការកែកំហុស តាមរយះការបង្ហោះបណ្តារូបភាពផ្សេង (រូបភាព: Twitter)</em></span></p>
<p>បន្ទាប់ពីលេចចេញនូវកំហុសឆ្គងនេះ HTC បានធ្វើការលុបចោល tweet មុនចោល និងបានបង្ហោះ ជំនួសមកវិញនូវ បណ្តារូបភាពផ្សេងវិញ។ និយាយពី HTC One M9 ម៉ូដែលបាល់ទាត់វគ្គផ្តាច់ព្រ័ត្រ UEFA Champions League, HTC នៅមិនទាន់បានបង្ហើបឲ្យដឹងពីព័ត៌មានថា ស្មាតហ្វូននឹងធ្វើការដាក់ លក់យ៉ាងណា តំលៃប៉ុន្មាននោះទេ។ ចំនុចដែលពិតប្រាកដនោះគឺ វាពិតជាស្មាតហ្វូនម៉ូដែលមាន បរិមាណផលិតកំណត់ ដែលធ្វើឲ្យមានការចាប់អារម្មណ៍បំផុតរបស់ HTC តាំងពីដើមរហូតមកបច្ចុប្បន្ន តាមរបៀបមួយដែលខ្លួន (HTC) មិនចង់បានទាល់តែសោះ៕</p>
<p> </p>
<p style="text-align: right;">ប្រែសម្រួល៖ ករុណា<br />ប្រភព៖ <em>zing</em></p>