<p>មិនត្រឹមតែមានទំនៀមទម្លាប់បូជាសពដោយការហាលកណ្ដាលវាល ឬកាប់សាច់សាកសពបោះឱ្យសត្វត្មាតស៊ីប៉ុណ្ណោះទេ ប៉ុន្ដប្រជាជននៅទីបេ ក៏មានទម្លាប់បូជាសព្វចម្លែកៗ គួរឱ្យខាចជាច្រើនទៀត។<br /><br /><strong>ប្រភេទនៃការបូជាសព</strong></p>
<p>ការបូជាសពនៅទីបេ មានពីរប្រភេទសំខាន់ៗ ទីមួយគឺ ដង្ហែសពឡើងលើភ្នំ រួចទុកចោលឱ្យសត្វត្មាតស៊ី។ ចំណែកប្រភេទទីពីរ គឺមានពិធីបុណ្យស្មុគស្មាញជាងវិធីទីមួយ។ អាចារ្យ ឬសង្ឃឡាមៈ (Lama) នឹងធ្វើពិធីសូត្រធម៌បួងសួងឱ្យអ្នកស្លាប់ ដោយដាក់ឱ្យអង្គុយរយៈពេល ២៤ម៉ោង។ សាកសពត្រូវបានសូត្រធម៌បួងសួង លាងជម្រះ នឹងត្រូវបានរុំដោយក្រណាត់ពណ៌ស។ ចុងក្រោយ គេនឹងបំផ្លាញឆ្អឹងខ្នងរបស់សាកសព ដើម្បីងាយស្រួលនាំទៅកាន់កន្លែងបូជា។ សមាជិកគ្រួសារ ឬមិត្តជិតស្និទ្ធម្នាក់របស់សព នឹងស្ពាយសាកសពនេះនៅពីក្រោយខ្នង។</p>
<p style="text-align: center;"><a class="thickbox" title="" href="/FileManager/Commons/2013/11/2/s2-02-11-2013--17-23-42.jpg"><img src="/FileManager/Articles/mce/2013/11/2/s2-02-11-2013--17-23-42.jpg" alt="" /></a></p>
<p style="text-align: center;"><a class="thickbox" title="" href="/FileManager/Commons/2013/11/2/s3-02-11-2013--17-24-04.jpg"><img src="/FileManager/Articles/mce/2013/11/2/s3-02-11-2013--17-24-04.jpg" alt="" /></a></p>
<p>ការដង្ហែសពទៅកាន់ទីបូជា ចាប់ផ្ដើមពីព្រឹកព្រលឹម។ សមាជិកគ្រួសារ ដង្ហែសព និងមានការសូត្រធម៌ និងលេងភ្លេងកំដរសព ប៉ុន្ដែត្រូវរក្សាគំលាតពីសាកសព។ សពត្រូវបានគេដាក់ដេកផ្កាប់នៅលើដី ក្រុមអាចារ្យខ្មោច Rogyapa ដុតឈើមួយប្រភេទដើម្បីទាក់ទាញសត្វត្មាត ហើយចាប់ផ្ដើមការងាររបស់ខ្លួន ដោយប្រើកាំបិតមុតស្រួច។ រាងកាយនៃសពទាំងមូល ចាប់ពីសក់ ដើមទ្រូង សសៃ ពោះវាន ជើង ជាដើម ត្រូវបានកាត់ បំបែកចេញជាដុំៗ នឹងបោះទៅឱ្យសត្វត្មាតស៊ី។ ចំណែកឆ្អឹង ត្រូវបានអាចារ្យខ្មោច ដំបំបែកឱ្យខ្ទេច រួចច្របល់ជាមួយម្សៅអង្ករ ដើម្បីឱ្យសត្វងាយស្រួលស៊ី។<br /> <br /><strong>ប្រភពនៃជំនឿ</strong></p>
<p>ទីបេ មានផ្ទៃក្រឡាប្រមាណជា ១,២លានគីឡូម៉ែត្រ ស្ថិតនៅភាគឦសានប្រទេសឥណ្ឌា គឺជាផ្ទះរបស់ជួរភ្នំហេមពាន្ត (Himalaya) និងបណ្ដាតំបន់ដែលកម្រនឹងមានគេទៅដល់។ ប្រជាជនទីបេ ភាគច្រើនរស់នៅតំបន់ដែលមានកម្ពស់ប្រមាណ ៥ពាន់ម៉ែត្រ ធៀបនឹងកម្រិតទឹកសមុទ្រ ហើយនៅតំបន់ខ្ពង់រាបនេះ មានអាកាសធាតុត្រជាក់ដល់ឆ្អឹង។<br /><br />ខ្ពង់រាបទីបេ គឺជាកន្លែងខ្ពស់បំផុតក្នុងពិភពលោក ហើយដោយសារតែអាកាសធាតុ ប្រជាជនមិនអាចបញ្ចុះសពនៅក្រោមថ្ម ឬទឹកកក ចំណែកដី គឺមានតម្លៃថ្លៃ។ រីឯការបូជាដោយភ្លើង ក៏មានការលំបាក ព្រោះតែឱស និងសម្ភារៈសម្រាប់បូជាភ្លើង មិនមានច្រើន។ ប្រការទាំងនេះ នាំឱ្យកើតមានទម្លាប់បូជាសពដោយការបោះឱ្យសត្វស៊ី។</p>
<p style="text-align: center;"><a class="thickbox" title="" href="/FileManager/Commons/2013/11/2/s5-02-11-2013--17-26-35.jpg"><img src="/FileManager/Articles/mce/2013/11/2/s5-02-11-2013--17-26-35.jpg" alt="" /></a></p>
<p style="text-align: center;"><a class="thickbox" title="" href="/FileManager/Commons/2013/11/2/s4-02-11-2013--17-27-01.jpg"><img src="/FileManager/Articles/mce/2013/11/2/s4-02-11-2013--17-27-01.jpg" alt="" /></a></p>
<p>ជនជាតិទីបេ ភាគច្រើន កាន់សាសនាព្រះពុទ្ធ វជរយាន ពួកគេជឿថា ព្រលឹងរបស់អ្នកស្លាប់ បានចាកចេញពីរាងកាយ ហើយសាកសពគ្រាន់តែជាសំណល់ ប្រៀបដូចអង្កត់ឱស រកប្រយោជន៍គ្មាន។ ចំណែកសត្វត្មាត ត្រូវបានគេចាត់ទុកដូចសត្វដែលមានវិញ្ញាណដ៏អស្ចារ្យ។ ការយកសាកសពឱ្យសត្វត្មាតស៊ី ប្រៀបដូចទៅនឹងព្រះពុទ្ធក្នុងកំណើតផ្សេងៗ យកជីវិតរបស់ខ្លួន ចិញ្ចឹមសត្វខ្លា ដើម្បីការពារសត្វលោក។ ដូច្នេះ ការយកសាកសព ទៅឱ្យសត្វត្មាតស៊ី អ្នកស្លាប់នឹងឆាប់បានទៅកើតនៅឋានសួគ៌៕</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong></p>
<p><a href="/News/Detail/5237/one-girl-without-finger-but-can-play-piano-so-good">ក្មេងស្រីគ្មានម្រាមដៃ តែមានទេពកោសល្យខ្ពស់ អាចលេងព្យាណូបានយ៉ាងល្អ (Video Inside)</a></p>
<p><a href="/News/Detail/73986/attempt-to-fly-phone-into-prison-on-pigeon-fails">បញ្ជូនទូរស័ព្ទចូលពន្ធនាគារ ឱ្យសង្សារ តាមសត្វព្រាប ត្រូវនគរបាលចាប់ខ្លួន</a></p>
<p><a href="/News/Detail/31728/fake-david-beckham-family-on-the-route-of-london">គ្រួសារ Beckham ក្លែងក្លាយ ធ្វើឱ្យផ្អើលក្រុង London ពេលបង្ហាញខ្លួន តាមដងផ្លូវ</a></p>
<p style="text-align: right;"><br /><br />ប្រែសម្រួលដោយ ៖ តារា<br />ប្រភព ៖ VE/Rex<br /><br /></p>