<p><span style="color: #000000;">Apple កំពុងតែពិភាក្សាជាមួយក្រុមហ៊ុន Foxconn និង Pegatron ដើម្បីវាយតម្លៃទៅលើលទ្ធភាព</span><br /><span style="color: #000000;">នៃការអនុវត្ត បើសិនត្រូវរើរោងចក្រផលិត iPhone ពីចិន ទៅកាន់អាមេរិក។ </span></p>
<p><span style="color: #000000;">ប្រធានាធិបតីអាមេរិកដែលទើបតែជាប់ឆ្នោត លោក Donald Trump មានការយកចិត្តទុកដាក់ខ្លាំង</span><br /><span style="color: #000000;">ទៅលើក្រុមហ៊ុន Apple ។ Donald Trump ធ្លាប់ជម្រុញឱ្យក្រុមហ៊ុននេះ ផលិត iPhone អេក្រង់ធំ </span><br /><span style="color: #000000;">អំពាវនាវឱ្យឈប់ប្រើប្រាស់ផលិតផល Apple ព្រោះតែមិនព្រមបើកសោទូរស័ព្ទរបស់ភេរវករ និង</span><br /><span style="color: #000000;">បានគំរាមថានឹងយកពន្ធថ្លៃ បើសិន iPhone មិនត្រូវបានផលិតនៅអាមេរិក។</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2016/11/19/apple-5868-1479438463-19-11-2016--10-34-34.jpg"><span style="color: #000000;"><img src="/FileManager/Articles/mce/2016/11/19/apple-5868-1479438463-19-11-2016--10-34-34.jpg" alt="" /></span></a></span></p>
<p style="text-align: center;"><span style="color: #000000;">លោក Donald Trump ថ្លែងថានឹងយកពន្ធច្រើន បើសិន iPhone មិនត្រូវបានផលិតនៅអាមេរិក</span><br /><span style="color: #000000;"><a class="thickbox" title="" href="/FileManager/Commons/2016/11/19/apple-5868-1479438463-19-11-2016--10-34-34.jpg"></a></span></p>
<p><span style="color: #000000;">យោងតាមការគន់គូររបស់ Business Insider បើទោះគេរើរោងចក្រពីចិន ទៅកាន់អាមេរិក ឬ</span><br /><span style="color: #000000;">Apple ព្រមទទួលយកពន្ធ ១៥ទៅ៣៥% នោះ តម្លៃដំបូងរបស់ iPhone ក្រោមជំនាន់ Donald </span><br /><span style="color: #000000;">Trump ក៏នៅតែកើនឡើងយ៉ាងតិច ៥០ដុល្លារអាមេរិកក្នុងមួយគ្រឿង។</span></p>
<p><span style="color: #000000;">កាលពីថ្ងៃទី ១៧វិច្ឆិការ ទំព័រ Nikkei Asian Review បានចុះផ្សាយថា Apple ចាប់ផ្ដើមពិនិត្យមើល</span><br /><span style="color: #000000;">ទៅលើលទ្ធភាពនៃការដំឡើង iPhone នៅក្នុងប្រទេសចាប់ពីខែមិថុនា ពោលគឺ៥ខែបន្ទាប់ពី Trump </span><br /><span style="color: #000000;">និយាយអំពីការដែល Apple ត្រូវផលិត iPhone នៅអាមេរិក។ ក្រុមហ៊ុន Apple កំពុងពិភាក្សាជាមួយ</span><br /><span style="color: #000000;"> Foxconn និង Pegatron ដែលជាដៃគូធំ ទទួលខុសត្រូវក្នុងការដំឡើង iPhone និង iPad ដើម្បីធ្វើការ</span><br /><span style="color: #000000;">រើរោងចក្រទៅកាន់អាមេរិក។</span></p>
<p><span style="color: #000000;">ប៉ុន្តែ គម្រោងនេះត្រូវបានក្រុមអ្នកជំនាញវាយតម្លៃថា ពិបាកនឹងធ្វើ ព្រោះថា ប្រាក់ខែបុគ្គលិកនៅ</span><br /><span style="color: #000000;">អាមេរិក ថ្លៃជាងពីរដង បើធៀបនឹងនៅប្រទេសចិន។ ទន្ទឹមនឹងនេះ ការស្វែងរកពលករជំនាញរាប់</span><br /><span style="color: #000000;">សែននាក់ នឹងត្រូវចំណាយពេលច្រើន និងជួបការលំបាកផងដែរ។</span></p>
<p style="text-align: right;"><span style="color: #000000;">ប្រែសម្រួល ៖ តារា</span><br /><span style="color: #000000;">ប្រភព ៖ CNET</span></p>