<div class="article-content">
<p><strong>ក្រចេះ៖</strong> កម្លាំងសមត្ថកិច្ចចម្រុះ នៃផ្នែករដ្ឋបាលព្រៃឈើក្រចេះ សហការជាមួយកម្លាំងអាវុធហត្ថ យោធារ និង នគរបាល បានចាប់ឈើប្រណីតជាង ១០០កំណាត់ ដែលក្រុមឈ្មួញបានគរស្តុកទុកក្នុងព្រៃ ត្រៀមដឹកទៅលក់ នៅប្រទេសវៀតណាម។</p>
<p>ប្រតិបត្តិការពេញមួយថ្ងៃទី២២ ខែកុម្ភៈ ឆ្នាំ២០១៤ នៅក្នុងឃុំរលួសមានជ័យ ស្រុកសំបូរ ខេត្តក្រចេះ នោះសមត្ថ កិច្ច បានរកឃើញប្រណីតដែលមានមុខកាត់ធំៗ ជាង១០០កំណាត់ សុទ្ធសឹងជាប្រភេទឈើធ្នង់។</p>
<p>លោក ព្រាប សុទ្ធារ៉ា នាយផ្នែករដ្ឋបាលព្រៃឈើក្រចេះ បានឲ្យភ្នាក់ងារមជ្ឍមណ្ឌលព័ត៌មានដើមអម្ពិលដឹងថា លោក ឆេង គឹមស៊ុន ប្រតិភូររបស់រាជរដ្ឋាភិបាល ទទួលបន្ទុកផ្នែករដ្ឋបាលព្រៃឈើ តែងតែដាស់តឿន និងចង្អុល បង្ហាញឲ្យបង្ក្រាប និង ទប់ស្កាត់រាល់បទល្មើសព្រៃឈើ។</p>
<p>ដោយទទួលបានការចង្អុលបង្ហាញនេះ លោក ព្រាប សុទ្ធារ៉ា បានប្រើប្រាស់កម្លាំងរដ្ឋបាលព្រៃឈើ សហការជា មួយកងកម្លាំងប្រដាប់អាវុធចម្រុះ ចុះទៅដល់ទីតាំងក្រុមឈ្មួញ បានដឹកឈើមកស្តុកទុក បម្រុងដឹកយកទៅលក់។</p>
<p>ក្រោយរឹបអូសឈើប្រណីតទាំងអស់ ត្រូវបានដឹកយកទៅរក្សាទុកនៅថ្នាលបណ្តុះកូនឈើខ្សារ រីឯក្រុមឈ្មួញ ដែលត្រូវបានគេស្គាល់ថា ជាឈ្មួញជើងចាស់នោះ នៅមិនទាន់ដឹងថា សមត្ថកិច្ចជំនាញពាក់ព័ន្ធ និងចាត់វិធាន ការបន្តរយ៉ាងណានៅឡើយទេ៕</p>
<p style="text-align: center;"><img src="http://image.dap-news.com:81/dap-news/dap-images/2014/February/id-009/S-068.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2014/February/id-009/S-069.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2014/February/id-009/S-070.jpg" alt="" width="550" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>