<p><strong>ភ្នំពេញៈ យោងតាមលោក វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុ<br />ជា</strong><strong> ពហុកីឡដ្ឋានជាតិថ្មីទំនើបមួយទៀត នឹងត្រូវចាប់ផ្តើមសាងសង់នៅចុងឆ្នាំ ២០១២ខាង<br />មុខនេះ។ </strong><strong>ពហុកីឡដ្ឋានថ្មីនេះ មានឈ្មោះថា «ពហុកីឡដ្ឋានជាតិមរតកតេជោ» ដែលនឹង<br />សាងសង់ឡើង</strong><strong>នៅលើដីទំហំសរុបជាង៩៤ហិចតា ក្នុងទីតាំងខាងកើតរាជធានីភ្នំពេញ(នៅ<br />តំបន់ស្ពានឧកញ៉ា </strong><strong>លី យ៉ុងផាត់)។</strong></p>
<p>គណៈកម្មាធិការជាតិអូឡាំពិកកម្ពុជា គឺជាម្ចាស់គម្រោងលើការសាងសង់នេះ ដោយមានកិច្ចសហ<br />ប្រតិបត្តិការជាមួយសាលារាជធានីភ្នំពេញ ។ ផ្ទៃដីប្រមាណ ៦០ ភាគរយនៃពហុកីឡដ្ឋាន នឹងគ្រប<br />ដណ្តប់ដោយតំបន់បៃតង (ដើមឈើ ស្មៅ សួនច្បារ ជាដើម) រីឯ ៤០ ភាគរយទៀតគឺជាសំណង់ ។</p>
<p><a class="thickbox" title="" href="/FileManager/Commons/2012/8/22/stat-3-22-08-2012--13-49-58.jpg"><img src="/FileManager/Articles/mce/2012/8/22/stat-3-22-08-2012--13-49-58.jpg" alt="" /></a></p>
<p> <span style="color: #3366ff;"> ពហុកីឡដ្ខានជាតិថ្មីក្នុងទីតាំងខាងកើតរាជធានីភ្នំពេញ (នៅតំបន់ស្ពានឧកញ៉ា លី យ៉ុងផាត់)។</span></p>
<p>សំណង់ សំខាន់ដែលស្ថិតនៅក្នុងពហុកីឡដ្ឋានថ្មីនេះ រួមមាន វិមានការិយាល័យនៅចំកណ្តាល <br />អាងហែលទឹកស្តង់ដារអន្តរជាតិ អគារអត្តពលកម្ម Indoor សាលហ្វឹកហាត់កីឡាប្រយុទ្ធ និងកីឡា<br />ផ្សេងៗ សាលហ្វឹកហាត់កីឡាប្រពៃណី រួមទាំង ទីលានកីឡាបាល់ទាត់ស្តង់ដារអន្តរជាតិចំនួនពីរ<br /> (ទាំងខាងក្នុង និងខាងក្រៅ)។</p>
<p>មន្ត្រី NOCC បានបញ្ជាក់ឲ្យដឹងថា ការសាងសង់ និងការប្រើប្រាស់នឹងធ្វើឡើងទៅតាមដំណាក់<br />កាល ហើយរាល់គម្រោងសាងសង់ទាំងអស់នឹងត្រូវឆ្លងកាត់ភ្នាក់ងារសំណង់ អន្តរជាតិ ។ បើតាម<br />អ្នកជំនាញការចំណាយលើការសាងសង់ពហុកីឡដ្ឋានកម្រិតអន្តរជាតិ មិនតិចជាង ១០០ លាន<br />ដុល្លារអាមេរិកនោះឡើយ៕</p>
<p style="text-align: right;">ដោយ ៖ រិទ្ធី<br />ប្រភព ៖ Postkhmer</p>