<div class="article-content">
<p><strong>-បងថ្លៃ កូនកំលោះ ជាយោធាស័ក្ដិ៥ ទាញកាំភ្លើង ដេញបាញ់ ផ្អើលក្នុងពិធីសែន ព្រេន</strong><br /><br /><strong>កណ្ដាល ៖</strong> រឿងរ៉ាវស្នេហា រវាងអ្នក មេម៉ាយកូន ៣ អាយុ ៥៦ឆ្នាំ ជួបជាមួយ ប្រុសក្មេង អាយុ <br />២៨ឆ្នាំ ត្រូវបានរារាំង ដោយកូនៗទាំង៣នាក់ របស់ស្ដ្រីមេម៉ាយ ដោយ បោកកែវ បោកចាន <br />បោកឆ្នាំង ខណៈ ដែលគូស្នេហ៍ចាស់ ក្មេងទាំង ២នាក់នេះ កំពុងរៀបចំពិធីសែនព្រេនមួយ ជា<br />លើកទី ២ បន្ទាប់ពីពួកគេទាំង ២នាក់ បានរស់នៅ ជុំគ្នាម្ដងរួចមកហើយ ប៉ុន្ដែ ត្រូវបានខាង ប្រុស<br /> ដែលជាប្ដីវ័យក្មេងបោកប្រាសរហូត ដល់លួចរថយន្ដ និងលុយយកទៅចាយវាយ អស់ ។ ស្នេហា<br /> រវាងស្ដ្រីមេម៉ាយវ័យចំ ណាស់ និងប្រុសក្មេង ប៉ុន្ដែ ត្រូវបានរារាំង ដោយសារកូនៗទាំង ៣នាក់<br /> ខាងលើនេះ បានកើតមានឡើង កាលពីវេលាម៉ោង ៦ និង៤០នាទីព្រឹក ថ្ងៃទី០៧ ខែមេសា ឆ្នាំ<br /> ២០១៣ កន្លងទៅ ស្ថិតនៅក្នុងបរិវេណ ឡឥដ្ឋមួយកន្លែង យីហោ ហេង ងីហ៊ាង ក្នុង ភូមិក្រោម<br /> ឃុំព្រែកអញ្ចាច ស្រុកមុខកំពូល ខេត្ដកណ្ដាល ក្រោយផ្សារព្រែកអញ្ចាច ។</p>
<p>បុរសម្នាក់ ដែលត្រូវជាកូនប្រសាររបស់ ស្ដ្រីមេម៉ាយឈ្មោះ ស៊ុន លាងហួរ អាយុ ៥៦ឆ្នាំ បាន<br />ប្រាប់មជ្ឈមណ្ឌលព័ត៌មានដើម អម្ពិលរៀបរាប់ពីដំណើររឿងថា ម្ដាយក្មេក របស់ខ្លួន បន្ទាប់ពីប្ដី<br />ឭឈ្មោះ ហេង ងីហ៊ាង បានស្លាប់ អស់រយៈពេលជាង ១ឆ្នាំកន្លង ទៅនោះ រូបគាត់បានលួចមាន<br />ទំនាក់ទំនង ជាមួយបុរសម្នាក់ឈ្មោះ សួង មនោរម្យ អាយុ ២៨ឆ្នាំ ប៉ុន្ដែ ការទំនាក់ទំនងដោយ<br /> អាយុខុសគ្នាដូចមេឃ និងដីខាងលើនេះត្រូវ បានកូនៗទាំង ៣នាក់ ក្នុងនោះកូនស្រី ២ នាក់ <br />ព្រមទាំងកូនប្រសារ ប្រុសមិន ព្រមធ្វើ តាមនោះឡើយ ដោយសារតែយល់ឃើញ ថា រូបគាត់<br />មានវ័យចំណាស់ មិនគួរទៅចង សម្ព័ន្ធមេត្រីភាព ជាមួយប្រុសក្មេងឡើយ។</p>
<p>លោក ហៃ ងួន អាយុ ៣៤ឆ្នាំ ដែលត្រូវ ជាកូនប្រសារប្រុសរូបនេះបានបន្ដថា ដោយ សារតែចិត្ដ<br />មានៈរបស់ខ្លួន ហើយមិនព្រម ស្ដាប់តាមកូនៗណែនាំនោះ ធ្វើឱ្យ ម្ដាយក្មេក របស់គាត់លង់លក់<br />ក្នុងកាមតណ្ហា ជាមួយ ប្រុសក្មេង សួង មនោរម្យ រហូតដល់ប្ដីចុង រូបនេះ បោកយករថយន្ដ និង<br />លុយកាក់អស់ មួយចំនួនធំ ហើយគេច ខ្លួនបាត់ ។ បន្ទាប់ មកម្ដាយក្មេករបស់ខ្លួន ក៏បានដាក់<br />ពាក្យ បណ្ដឹង ទៅកាន់សមត្ថកិច្ចរហូតដល់ស្ថាប័ន តុលាការ ដោយមានការជួយជ្រោមជ្រែងពី<br /> កូនៗ ប៉ុន្ដែ ដោយសារតែអំណាចកាមតណ្ហា របស់ខ្លួន ជាមួយប្ដីចុងរូបនេះ ធ្វើឱ្យម្ដាយ ក្មេក<br />ដែលមានអាយុជិត ៦០ឆ្នាំទៅហើយ នោះ នៅដដែល ពោលបន្ដមានទំនាក់ទំនង ជាមួយឈ្មោះ<br /> សួង មនោរម្យ រហូតដល់ ចាត់ចែង និងរៀបចំពិធីសែនព្រេនជាមួយ គ្នាទៀតផង ។</p>
<p>លោក ហៃ ងួន បានបន្ដថា ដោយសារ តែអស់ចិត្ដ ក្នុងការជួយជ្រោមជ្រែងម្ដាយ ក្មេករបស់ខ្លួន<br /> ដែលបន្ដមានទំនាក់ទំនងជា មួយប្រុសក្មេងខាងលើនេះ ធ្វើឱ្យរូបគាត់ ទទួលរងការស្ដីបន្ទោស<br />ទៀតផង នៅពេល ដែលម្ដាយក្មេក និងប្រុសក្មេងខាងលើនេះ មានទំនាក់ទំនងជាមួយគ្នា ជា<br />លើកទី២ នោះ។ លុះរហូតដល់ថ្ងៃទី០៧ ខែមេសា ឆ្នាំ ២០១៣ ម្ដាយក្មេក ស៊ុន លាងហួ បាន<br /> រៀប ចំពិធីសែនព្រេន ជាមួយប្រុសក្មេង ប៉ុន្ដែពិធី ខាងលើនេះ ត្រូវបានរំខានដោយកូនៗទាំង <br />៣នាក់ ដែលរារាំងមិនឱ្យម្ដាយ ធ្វើបែបនេះ រហូតដល់កូនៗទាំងនោះ អុកឡុកពិធីសែន ព្រេន <br />ឭគប់កែវ គប់ចាន គប់ឆ្នាំង ពីព្រោះ តែពួកគេ មិនឱ្យម្ដាយកាន់តែលង់ខ្លួនក្នុង កាមតណ្ហាតទៅ<br />ទៀត ។</p>
<p>បើយោងតាមកូនប្រហារប្រុសដដែល នេះ ក្រោយពីមានរឿងនេះកើតឡើង នៅ វេលាម៉ោង<br />ប្រមាណ ៨ និង៤០នាទី ស្រាប់ តែលេចមុខបុរសម្នាក់ ឈ្មោះ ស៊ុំ សុវណ្ណា អាយុ ៤៧ឆ្នាំ ជា<br />មន្ដ្រីយោធាពាក់ស័ក្ដិ៥ នៅទីបញ្ជាការដ្ឋាន កងទ័ពជើងគោក និង ត្រូវជាបងថ្លៃប្រុស របស់ សួង<br /> មនោរម្យ បានជិះរថយន្ដ ១គ្រឿង ពណ៌ត្រេអ៊ី ពាក់ ស្លាកលេខខេមរភូមិន្ទ ២-០៨៥៨ ដោយ មាន<br /> កាំភ្លើង អាកា ៤៧ មួយដើមបាញ់ ចំនួន ២ គ្រាប់ នៅក្នុងបរិវេណឡឥដ្ឋ រួច ហើយដើរទៅក្រោយ<br />ឡឥដ្ឋ បាញ់១គ្រាប់ ទៀត ។ ក្រោយពីមានករណីបាញ់ប្រហារ យ៉ាងអនាធិបតេយ្យ និងមិនខ្លាច<br />ញញើត សមត្ថកិច្ចខាងលើនេះ លោក ហៃ ងួន បាន ឱ្យដឹងទៀតថា នៅពេលដែលលោក ត្រឡប់<br /> មកដល់កន្លែងឡឥដ្ឋវិញ ស្រាប់តែឈ្មោះ ស៊ុំ សុវណ្ណា ដោយស្ពាយកាំភ្លើងនៅស្មាខាង ស្ដាំ ដើរ<br />សំដៅមករូបលោក ហើយបាន គំរាមថា ចង់បាញ់គ្រវែងចោល ។ កូន ប្រសារប្រុសរូបនេះ បានឱ្យ<br />ដឹងទៀតថា ពេលនោះ រូបលោក រួមជាមួយកម្មករធ្វើ ការនៅក្នុងឡឥដ្ឋខាងលើនេះ បានចាប់យក<br /> កាំភ្លើង ពីមន្ដ្រីយោធាខាងលើ រហូត ដល់ មានការផ្ទុះអាវុធជុចដី ១គ្រាប់ទៀត និង បណ្ដាលឱ្យ<br />កម្មករខ្លះ ព្រមទាំងរូបលោក ផ្ទាល់ មានរបួសផងដែរ ដោយសារតែការ ប្រតាយប្រតប់ជាមួយ <br />មន្ដ្រីយោធារូបនេះ។ យ៉ាងណាក៏ដោយ លោកហៃ ងួន បាន បញ្ជាក់ថា លោកក៏មិនបានដឹងពីមូល<br />ហេតុ ពិតប្រាកដ ដែលនាំឱ្យមានការបាញ់ប្រហារ ពីសំណាក់ឈ្មោះ ស៊ុំ សុវណ្ណា ខាងលើនេះ<br /> ដែរ ប៉ុន្ដែ ក្រោយពេលកើតហេតុរួច មន្ដ្រី យោធាពាក់ស័ក្ដិ៥រូបនេះ ត្រូវបានកម្លាំង សមត្ថកិច្ចឃាត់<br />ឭខ្លួន ហើយបន្ដបញ្ជូនទៅ កាន់ស្នងការដ្ឋាន នគរបាលខេត្ដកណ្ដាល ដើម្បីចាត់ការតាមផ្លូវច្បាប់។</p>
<p>ជាមួយគ្នានេះ កូនប្រសារប្រុសដែល មិនអាចទ្រាំមើល ការប្រព្រឹត្ដរបស់ម្ដាយ ក្មេកចង់បានប្ដីក្មេង<br /> ដើម្បីបំពេញកាមតណ្ហា នេះ បានបញ្ជាក់ទៀតថា កូនៗទាំងអស់ គ្មាននរណាម្នាក់គាំទ្រគាត់ ឱ្យ<br />យកប្ដីចុង នោះឡើយ ពីព្រោះធ្លាប់បានចាញ់បោកប្ដី ចុងរូបនេះម្ដងរួចមកហើយ រហូតអស់ រថយន្ដ<br /> និងលុយកាក់ជាច្រើនទៀតផង ប៉ុន្ដែបែរជាគាត់ នៅតែមិនរាងចាល ហើយ បន្ដយកប្ដីក្មេងរូបនេះ<br />ម្ដងទៀត ដើម្បី បំពេញកាមតណ្ហានោះ ៕</p>
<p style="text-align: center;"><img src="http://111.92.240.170:81/dap-news/dap-images/2013/April/id-015/T-0219.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-015/T-0220.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-015/T-0221.jpg" alt="Photo by DAP-News" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>