<p><span style="color: #000000;">ព័ត៌មានកីឡា៖ អធិរាជកណ្ដាប់ដៃឥតស្រមោល ប៉ាក់ គឺអៅ បានធ្វើដំណើរមកដល់សហរដ្ឋអាមេរិកហើយ ដោយស្ថិតក្នុងបំណងយ៉ាងធំធេងតែមួយគាត់ គឺតាមប្រមាញ់ Floyd Mayweather ឲ្យដល់ទីបញ្ចប់ ជាមួយនិងពាក្យសម្ដីលើកឡើងថា Floyd Mayweather កំពុងតែរត់ទៅដល់ទីបញ្ចប់របស់គេហើយ ហើយក៏គ្មានផ្លូវសម្រាប់ឲ្យគេរត់បន្ដទៀតដែរ ក្រៅពីចូលខ្លួនក្នុងខ្សែវៀនជាមួយគាត់។ </span></p>
<p><span style="color: #000000;">ម្ចាស់ខ្សែក្រវាត់ WBO ជំនាន់ថ្មីល្បីកក្រើកពេញផ្ទៃប្រទេស បានធ្វើដំណើរចូលមកកាន់ ផ្ទះសត្រូវរបស់ខ្លួនដោយមិនខ្លាចពីគ្រោះថ្នាក់ឡើយ គឺដើម្បីស្រាយចម្ងល់ពិភពលោក និង បំបែកកំណត់ត្រាប្រវត្ដិសាស្រ្ដជាមួយបេសកម្មប៉ះនឹងដៃគូរចុងក្រោយ ដែលតែងតែគេចវេសមិនហ៊ាន ប្រឈមមុខជាមួយគាត់។ ស្របពេលនៃការមកដល់ ប៉ាក់ គឺអៅ បានថ្លែងប្រាប់អ្នកសារព័ត៌មានថា គាត់និងតាមប្រមាញ់ Floyd ឲ្យដល់ទីបញ្ចប់ ហើយពេលនេះគេគ្មានកន្លែងដែលត្រូវរត់ទៀតទេ គឺដល់ផ្លូវទាល់ច្រករបស់គេហើយ មានតែផ្លូវម្យ៉ាងគត់គឺ ចូលខ្លួនសម្លៀងក្បាច់គុណប្រយុទ្ធជាមួយគាត់នៅថ្ងៃចុងក្រោយ ហើយក៏ជាថ្ងៃដែល ពិភពលោកកំពុងតែរង់ចាំ មិនចេះណាយដែរ។ </span></p>
<p><span style="color: #000000;">មុនពេលប៉ុន្មានម៉ោង ប៉ាក់ គឺអៅ ថ្លែងប្រាប់អ្នកសារព័ត៌មាន Floyd ក៏បានបង្ហាញពីពាក្យសម្ដីខ្លះប្រាប់ទៅកាន់ទួរទស្សជាតី អាមេរិកថា គាត់មិនដែលមានការភ័យខ្លាចនិង ការប្រកួតជាមួយនឹង ប៉ាក់ គឺអៅទេ គ្រប់យ៉ាងគាត់បានរៀបចំជាស្រេច រង់ចាំការប្រកួតមួយនេះ ហើយយើងនិងកំណត់ថ្ងៃជួបមុខគ្នា នៅថ្ងៃទី ២ ខែ ឧសភា ឆ្នាំក្រោយនេះ ។ </span></p>
<p><span style="color: #000000;">ក្រោយពីបានឭសម្ដីដូច្នោះ ប៉ាក់ គឺអៅ ក៏ថ្លែងប្រាប់អ្នកសារព័ត៌មានបន្ដទៀតថា ប្រសិនបើមានថ្ងៃនោះមែនគាត់និងធ្វើឲ្យ Floyd ជួបប្រទះនូវរឿងដូចជា កីឡាករ Chris Algieri ដែលទើបតែចាញគាត់កាលពីខែមុនអ៊ីចឹង។ ហើយយុទ្ធសាស្រ្ដនៃការប្រកួតនោះ គាត់ដឹងជាស្រេចគួរធ្វើយ៉ាងណា ដោយកន្លងមកគាត់ក៏ព្យាយាមតាមដាន រាល់ការប្រកួតរបស់ Floyd ជាច្រើនដងមកហើយ ហើយក៏ស្ទើតែដឹងពីរបៀបដែល Floyd តែងតែប្រើរាល់ការប្រកួត ដែរ ។ </span></p>
<p><span style="color: #000000;">ផ្ដោតសំខាន់លើរឿងនេះ យោងតាមការផ្សព្វផ្សាយបានបន្ដទៀតថា កីឡាករជនជាតិ អាមេរិក ដែលត្រូវជាប់ រហ័សនាមថា កីឡាករមុខលុយ (Floyd ) បាននិយាយទៅកាន់ សាធារណៈថា ការរំពឹងទុកនៃការប្រកួតនេះ ក្នុងនាមខ្លួនគាត់ជាកីឡាករល្បីមួយរួបត្រូវតែទទួលបានចំណូលភាគហ៊ុនច្រើនជាង ដៃគូរប្រកួតរបស់គាត់ ទ្វេដង ដោយកន្លងមកកាលពីឆ្នាំ ២០១២ ចំណូលថវិការបានទៅដល់ ២០០ លានដុល្លារ ដែលច្រើនបំផុតក្នុងប្រវត្ដិសាស្ដ្រនៃកីឡាប្រកដាល់ ។ ហើយមួយរយៈកាលកន្លងមកនេះ កីឡាករមុខលុយ ជនជាតិ អាមេរិក ធ្លាប់បាននិយាយថាផ្ដល់ឲ្យ ទឹកប្រាក់ដល់ ប៉ាក់ គឺអៅ ត្រឹមតែ ៤០ លានដុល្លារ ក្នុងលក្ខខ័ណ នៃការប្រកួតជាមួយគាត់ ហើយសល់ ឬ ខ្វះខាតប៉ុន្មាន ប៉ុន្មាន លើគាត់ទាំងអស់ ប៉ុន្ដែបើតាមការស្មានលើអត្រានៃការរកចំណូលបានពីការលក់សំបុត្រចូលមើល គឺមានចំនួនច្រើនជាង ទឹកប្រាក់ដែល Floyd សម្រេចផ្ដល់ឲ្យ ប៉ាក់ គីអៅទ្វេដង ។ ឆ្លើយតបនឹងតម្រូវការរបស់ Floyd កីឡាករម្ចាស់ខ្សែក្រវាត់ WBO បានសម្រេចថា គាត់មិនប្រកាន់ និង ការទាមទាររបស់ Floyd ឡើយ ហើយបំណងនេះចាត់ទុកថា គាត់ធ្វើសប្បុរសធម៌ទៅចុះ អ្វីដែលពិសេសគឺ លុយ មិនមែនជាឧបសគ្គរារាំងការប្រកួតរបស់យើងឡើយ សំខាន់ឲ្យ Floyd យល់ព្រមប្រកួតជាមួយគាត់។ </span></p>
<p><span style="color: #000000;">សម្រាប់ការប្រកួតម្ដងនេះ គឺជាពិតជាព្រឹត្ដិការណ៍ដ៏អស្ចារ្យបំផុត ក្នុងឆាកជីវិតរបស់គាត់ ហើយក៏ជាក្ដីស្រម៉ៃរបស់ទស្សនិកជន និង អ្នកគាំទ្ររបស់គាត់ទៀតផង។ </span></p>
<p><span style="color: #000000;"><a class="thickbox" title="" href="/FileManager/Commons/2014/12/15/12-15-2014-3-49-16-pm-15-12-2014--15-53-33.png"><span style="color: #000000;"><img src="/FileManager/Articles/mce/2014/12/15/12-15-2014-3-49-16-pm-15-12-2014--15-53-33.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2014/12/15/12-15-2014-3-55-34-pm-15-12-2014--15-59-36.png"><span style="color: #000000;"><img src="/FileManager/Articles/mce/2014/12/15/12-15-2014-3-55-34-pm-15-12-2014--15-59-36.png" alt="" /></span></a><a class="thickbox" title="" href="/FileManager/Commons/2014/12/15/12-15-2014-3-49-16-pm-15-12-2014--15-53-33.png"></a></span></p>
<p><br /><span style="color: #000000;"><a class="thickbox" title="" href="/FileManager/Commons/2014/12/15/12-15-2014-3-49-16-pm-15-12-2014--15-53-33.png"><span style="color: #000000;"><object width="500" height="400" data="http://www.youtube.com/v/zCWt-HKhbGg&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/zCWt-HKhbGg&rel=1" /></object></span></a><br /></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span><br /><span style="color: #000000;">ប្រភព៖ sport.iafrica </span></p>