<p>នៅកម្ពុជា រថយន្ដដែលធ្វើចរាចរណ៍លើដងផ្លូវ គឺមានច្រើន ហើយថ្មីៗនេះ រថយន្ដក្រុងសាធា<br />រណៈ ក៏ត្រូវបានដាក់ឱ្យប្រើប្រាស់ តាមដងវិថីព្រះមនីវង្ស និងគ្រោងនឹងដំណើរការពីរខ្សែទៀត<br /> នៅពេលឆាប់ៗខាងមុខ ដូច្នេះ រថយន្ដដែលធ្វើចរាចរណ៍ក្នុងក្រុងភ្នំពេញ នឹងកាន់តែមានច្រើន។<br /> ដើម្បីបញ្ចៀសគ្រោះថ្នាក់ នៅពេលរថយន្ដប៉ះទង្គិចគ្នាដោយយថាហេតុ អ្នកដំណើរ ត្រូវស្វែង<br />យល់អំពីទីតាំងសុវត្ថិភាពនៅក្នុងរថយន្ដ ដូចខាងក្រោម។</p>
<p style="text-align: center;"><a class="thickbox" title="" href="/FileManager/Commons/2014/2/20/car0-20-02-2014--19-45-48.PNG"><img src="/FileManager/Articles/mce/2014/2/20/car0-20-02-2014--19-45-48.PNG" alt="" width="424" height="450" /></a></p>
<p><br /><br /><strong>១. នៅលើរថយន្ដដឹកភ្ញៀវធុនតូច</strong></p>
<p>ការពិសោធបានបង្ហាញថា កន្លែងសុវត្ថិភាពបំផុតសម្រាប់អ្នកជិះនៅក្នុងរថយន្ដដឹកភ្ញៀវធុនតូច<br /> គឺនៅចំកណ្ដាលរថយន្ដ។ នៅទីតាំងនេះ ភ្ញៀវទទួលគ្រោះថ្នាក់តិចបំផុត ពីការប៉ះទង្គិចទាំង ៤<br />ទិស។</p>
<p>ចំណែកកន្លែងដែលគ្រោះថ្នាក់បំផុត គឺជួរកៅអីដែលនៅជាប់នឹងបង្អួច ៖ ពេលមានគ្រោះថ្នាក់ អ្នក<br />ដែលអង្គុយនៅត្រង់ចំនុចនេះ ងាយនឹងត្រូវគេជាន់ពីលើ ត្រូវរបួសដោយសារកញ្ចក់ និងពិបាក<br />គេចចេញទៅក្រៅ។<br /><br /><strong>២. នៅលើរថយន្ដតូចលក្ខណៈគ្រួសារ</strong></p>
<p>អ្នកជំនាញខាងសុវត្ថិភាពយល់ថា ទីតាំងសុវត្ថិភាពបំផុត នៅលើរថយន្ដតូចលក្ខណៈគ្រួសារ<br />គឺនៅខាងក្រោយកៅអីអ្នកបើកបរ ហើយល្អបំផុត គឺនៅត្រង់កណ្ដាលរថយន្ដ។ ការស្រាវជ្រាវ<br />ទៅលើគ្រោះថ្នាក់រាប់ពាន់ករណី ឱ្យដឹងថា អ្នកដែលអង្គុយនៅកណ្ដាល និងខាងក្រោយអ្នក<br />បើកបរ មានរបួសតិចជាងដល់ទៅ ៦០% ធៀបនឹងអ្នកដំណើរអង្គុយនៅកន្លែងផ្សេងពីនេះ។ <br /><br /><strong>៣. នៅលើរថយន្ដក្រុង</strong><br /><br />ប្រសិនអ្នកតែងតែ ធ្វើដំណើរតាមរថយន្ដក្រុង ល្អបំផុតគឺគួរតែជ្រើសរើសកៅអីដែលនៅក្នុងជួរ<br />ខាងស្ដាំ។ ដោយសារច្បាប់ចរាចរប្រកាន់ស្ដាំដូចប្រទេសយើងនេះ រថយន្ដបញ្ច្រាសទិសនឹងបរ<br />ខាងឆ្វេងនៃរថយន្ដដែលអ្នកកំពុងជិះ ដូច្នេះ ប្រសិនមានការប៉ះទង្គិច ភ្ញៀវដែលអង្គុយនៅខាង<br />ស្ដាំនឹងរងរបួសតិចជាង អ្នកអង្គុយនៅខាងឆ្វេង។<br /><br />កន្លែងដែលគ្រោះថ្នាក់បំផុតក្នុងរថយន្ដក្រុង គឺនៅត្រង់ទ្វាររថយន្ដ។ សម្រាប់កន្លែងចង្អៀត ដែល<br />តម្រូវឱ្យឈរ នោះអ្នកត្រូវតែប្រុងប្រៀបខ្លួន ដោយឈរកន្ធែកជើងស្មើនឹងស្មា ដើម្បីអាចរក្សា<br />តុល្យភាព នៅពេលមានហេតុការណ៍កើតឡើង។ <br /><br />សម្រាប់អ្នកដំណើរដែលមិន “ដណ្ដើម” បានកៅអីសុវត្ថិភាព នោះសូមកុំមានការព្រួយបារម្ភ ដោយគ្រាន់តែប្រុងប្រយ័ត្នឱ្យបានគ្រប់ជ្រុងជ្រោយ។ សម្រាប់អ្នកបើកបររថយន្ដ ក៏គួរតែយកចិត្ត<br />ទុកដាក់ឱ្យបានខ្ពស់ ពិសេសគឺត្រូវដឹងថា ភ្ញៀវទាំងអស់នៅលើរថយន្ដ កំពុងផ្ញើជីវិតលើខ្លួន៕</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ LS<br /><br /></p>