<p><span style="color: #000000;"><strong>(ចិន)៖</strong> ពិតជាហួសចិត្តណាស់ នៅពេលដែលស្ត្រីបង្កហេតុម្នាក់ ដែលបើករថយន្តបុកបុរសរងគ្រោះម្នាក់ កំពុងដើរឆ្លងកាត់ផ្លូវមួយនៅ ឯខេត្ត Shandong ប្រទេសចិន បែរជាចុះពីលើរថយន្ត រួចឈររាំក្បែរជនរងគ្រោះ ធ្វើព្រងើយទៅវិញ។</span></p>
<p><span style="color: #000000;">សាក្សីឃើញហេតុការណ៍ និយាយថា នៅថ្ងៃកើតហេតុនោះ គេបានឃើញស្ត្រីបង្កហេតុ បានបើករថយន្តយ៉ាងលឿន សំដៅត្រង់ទៅរកបុរសរងគ្រោះ ដែលកំពុងដើរឆ្លងផ្លូវ រួចក៏បុកមួយទំហឹង បណ្តាលឲ្យខ្ទាតទៅជ្រុងម្ខាង នៃផ្លូវតែរថយន្តមិនបានឈប់ទេ ក៏ទៅបុករថយន្តមួយគ្រឿងទៀត ទើបគាំងលែងទៅមុខរួច។</span></p>
<p><span style="color: #000000;">អ្វីដែលស្មានមិនដល់ គឺស្ត្រីជាអ្នកបើកបរគ្មានវិប្បដិសារី នឹងអ្វីដែលខ្លួនកំពុងបង្កវិនាសកម្មនេះឡើយ តែបែរជាចុះពីរថយន្តមកឈររាំគ្រលែងក្បែរ ជនរងគ្រោះធ្វើព្រងើយ រហូតដល់ក្រុមសង្គ្រោះ មកដល់នាំបុរសនោះ ទៅមន្ទីរពេទ្យ តែជាអកុសល គេបានបាត់បង់ជីវិតទៅហើយ។ រីឯស្ត្រីបង្កហេតុត្រូវសមត្ថកិច្ចចាប់ខ្លួន តែមិនមានការបញ្ជាក់ទេថា ហេតុអ្វីបានជានាងចុះមករាំ មិនខ្វល់ពីទង្វើខ្លួនបង្កបែបនេះ តែប៉ូលិសបញ្ជាក់ថា ស្ត្រីបង្កហេតុគ្មានអាការៈ ស្រវឹងទេ៕</span></p>
<p><span style="color: #000000;"><a class="thickbox" title="" href="/FileManager/Commons/2016/8/19/12-19-08-2016--14-04-41.jpg"><img src="/FileManager/Articles/mce/2016/8/19/12-19-08-2016--14-04-41.jpg" alt="" /></a><br /><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>