<p><span style="color: #000000;"><strong>(ភ្នំពេញ)៖</strong> អ្នកនាង គង់ សុជាតិ ពិធីករល្បីឈ្មោះ របស់ទូរទស្សន៍ MyTV ទើបទទួលបានកាដូចំណងដៃកូនស្រី ម្នាក់ ទៀត ដ៏ស្រស់ស្អាតទ្រលុកទ្រលន់ ដែលជាតំណក់ឈាមរួមគ្នារវាង អ្នកនាង ជាមួយស្វាមី គឺលោក ជា វិបុល។ ទន្ទឹម គ្នានៃការសម្រាលកូន ដោយសុវត្ថិភាពនេះដែរ ស្វាមីរបស់នាង គង់ សុជាតិ គឺលោក ជា វិបុល ក៏បានបង្ហោះរូបថតប្រពន្ធកូនរបស់ខ្លួន ជាមួយការសម្តែងទឹកចិត្តរីករាយយ៉ាងខ្លាំង ដើម្បីបង្អួតពីសុភមង្គល បន្ទាប់បានក្លាយជាឪពុករបស់គេម្នាក់។</span></p>
<p><span style="color: #000000;">ជាមួយគ្នានេះលោក ជា វិបុល ដែលត្រូវបានគ្រប់គ្នាលើកសរសើរ ថា ជាសា្វមីល្អ និងគំរូបានសរសេររៀបរាប់ថា <strong>«My wife delivered baby (Dory) at the Kompul Pich hospital.Thank you so much all doctors n nurses !»</strong>។ ប៉ុន្តែ លោកមិនបានបញ្ជាក់ទេថា ការសម្រាលកូនស្រីពីសំណាក់ប្រពន្ធលោកពេលនេះ គឺមានលក្ខណៈបែបធម្មជាតិ ឬតាមការវះកាត់នោះទេ ខណៈមានអ្នកលេងហ្វេសប៊ុកមួយចំនួន លើកជាសំណួរចំពោះរឿងនេះ។</span></p>
<p><span style="color: #000000;">បន្ទាប់ពីឆ្លងទន្លេឃើញមុខកូនភ្លាមៗ លោក ជា វិបុល និង ភរិយាអ្នកនាង គង់ សុជាតិ ដែលរៀបការរស់នៅជាមួយ គ្នាប្តី-ប្រពន្ធ រយៈពេលជាង៣ឆ្នាំ ក៏បានសម្រេចដាក់ឈ្មោះឲ្យកូនស្រីថា<strong> «ដូរី»</strong> មានទម្ងន់ ២.៨០គីឡូក្រាម។ ចំណែកឯទីតាំងកន្លែងសម្រាកសម្រាលកូនពេលនេះ គឺនៅមន្ទីរពេទ្យ <strong>«កំពូលពេជ្រ»</strong>។</span></p>
<p><span style="color: #000000;">ស្របគ្នានឹងការបង្ហោះរូបថត ទារិកា(កូនស្រី)បង្ហាញមហាជនសាធារណៈ នៅលើបណ្តាញហ្វេសប៊ុករបស់លោក ជា វិបុល ពេលនេះគេសង្កេតឃើញ មានមិត្តភក្តិ និងអ្នកគាំទ្រមួយចំនួនបានសរសេរសម្តែងការចូលរួមអបអរ និងជួនពរប្រពន្ធនកូនរបស់លោក ឲ្យមានសុខភាពល្អផងដែរ៕</span></p>
<p><span style="color: #000000;"><img src="http://image.freshnewsasia.com/2016/ID-113/fn-2017-01-05-11-30-44-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2017-01-05-11-30-44-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2017-01-05-11-30-44-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2017-01-05-11-30-51-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2017-01-05-11-30-51-1.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង </span></p>