<p><strong>ភ្នំពេញៈ</strong> កាលពីពេលថ្មីៗនេះមានសារព័ត៌មាន ក្នុងស្រុកមួយចំនួន បានចុះផ្សាយថា មានស្ត្រី<br />ម្នាក់វ័យ ប្រហែលជាជាង ៣០ឆ្នាំ បានព្យាយាមតាមរំខានជីវិត រស់នៅប្រចាំថ្ងៃ របស់ពិធីការិនី<br />ស្រីស្រស់ កញ្ញា ឌួង ហ្សូរីដា ឥតមានពេលល្ហែល្ហើយ ស្ទើរគ្រប់ពេលវេលា រហូតធ្វើឲ្យតារាស្រី<br />រូបនេះ បង្ខំចិត្តដាក់ពាក្យប្តឹង ទៅសមត្ថកិច្ច ដើម្បីការពារសុវត្ថិភាព ផ្ទាល់ខ្លួនរបស់នាង ។បន្ទាប់<br />ពីលេចឮបែបនេះ ត្រូវបាន ឌួង ហ្សូរីដា អះអាងប្រាប់ថា រឿងនេះបានកើតឡើងលើនាង ជាង<br />៣ឆ្នាំមកហើយ មិនមែនជារឿងថ្មីនោះទេ។</p>
<p>ថ្មីៗនេះតារាសម្តែង និងជាពិធីការិនី សម្បូរវោហារូបស្រស់សោភា ឌួង ហ្សូរីដា បានធ្វើឲ្យទស្ស<br />និកជន ជាច្រើនមានការភ្ញាក់ផ្អើល ក្រោយពីនាងបាន និយាយប្រកាសក្តែងៗ ពីរឿង ស្ត្រីម្នាក់<br />ដែលតែងតែព្យាយាម តាមរំខាននាងស្ទើរគ្រប់ពេលវេលា និងគ្រប់ទីកន្លែង ដោយសារតែចិត្ត<br />ស្រលាញ់ និងចូលចិត្តគាំទ្រនាង រហូតធ្វើឲ្យនាងមានភាពភ័យខ្លាច ព្រោះតែស្ត្រីម្នាក់នោះ <br />បង្ហាញពីទឹកចិត្ត ស្រលាញ់នាងខ្លាំងពេក។</p>
<p>ពាក់ព័ន្ធនឹងការលើកឡើងបែបនេះ ត្រូវបានស្ត្រីម្នាក់ដែលអះអាងថា ជាប្អូនស្រីរបស់ពិធីការិនី <br />កញ្ញា ឌួង ហ្សូរីដា បាន LookingTODAY ឲ្យដឹង ថាចំពោះព័ត៌មានដែលលេចឮនោះ មិនមែន<br />ជារឿងថ្មីដែលកើតឡើង លើបងស្រីនាងទេ គឺជារឿងយូរណាស់មកហើយ គ្រាន់តែថ្ងៃមុននោះ<br /> បងស្រីនាងរំឭកលើកយកមកនិយាយ នៅលើ កញ្ចក់ទូរទស្សន៍ ហើយធ្វើឲ្យទស្សនិកជន មាន<br />ការយល់ច្រឡំ។</p>
<p>ប្អូនស្រីរូបនោះ បានប្រាប់ឲ្យដឹងទៀតថា “គោលបំណងដែលបងហ្សូ គាត់យកមកនិយាយនោះ <br />គឺក្នុងន័យ ចង់ក្រើនរំឭកទៅដល់ក្រុមអ្នកគាំទ្រ កុំឲ្យចំណាយពេលវេលាច្រើន មកគាំទ្រគាត់អី<br /> គួរណាស់តែយកពេលវេលាទៅ សិក្សាឬក៏ធ្វើការអ្វីផ្សេងឲ្យបានច្រើន ហើយគាត់(ដួង ហ្សួរីដា)<br />ពិតជា សប្បាយចិត្ត និងរំភើបខ្លាំងណាស់ នៅពេលដែលមនុស្សដែលគាំទ្រ និងស្រលាញ់គាត់<br />មាន ភាពជោគជ័យជាមួយនិងអ្វីមួយ កុំចំណាយពេលច្រើន មកធ្វើការគាំទ្រគាត់ច្រើនពេក <br />ដូចជា កាលពីប៉ុន្មានឆ្នាំមុននោះ ធ្លាប់មានស្ត្រីម្នាក់ គាត់ចំណាយពេលទាំងការទូរស័ព្ទ និងចង់<br />ជួបគាត់ គ្រប់ពេលដោយសារ តែការស្រលាញ់ពេញចិត្តគាត់ពេក"។</p>
<p>នាងបានប្រាប់ឲ្យដឹងទៀតថា កាលដែលបងស្រីនាង និយាយបែបនេះ មិនមែនចង់ទាក់ទាញ<br />ការចាប់អារម្មណ៍អ្វីនោះទេ គឺគ្រាន់តែចង់ក្រើនរំឭកទៅ ដល់យុវវ័យកុំឲ្យចំណាយពេលក្នុងការ<br />គាំទ្រសិល្បៈច្រើនពេក គួរណាស់ តែយកពេលទៅធ្វើអ្វីដែលសំខាន់ឲ្យច្រើនជាង ទើបជាការ<br />ល្អ ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/April/id-065/PISETH-093.jpg" alt="Looking Today" width="400" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/April/id-065/PISETH-092.jpg" alt="Looking Today" width="400" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/April/id-065/PISETH-091.jpg" alt="Looking Today" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>