<p><strong>ភ្នំពេញៈ</strong> តារាចម្រៀងមានភាពលេចធ្លោខ្លាំងជាងគេ ប្រចាំផលិតកម្ម សាន់ដេ កញ្ញា សុខ ពិសី<br /> បានបង្ហើបឲ្យដឹងថា ពេលនេះម្ចាស់ផលិតកម្ម កំពុងតែញាប់ដៃញាប់ជើង រៀបចំឯកសារឲ្យនាង<br /> និងក្រុមការងារចេញ ទៅសម្តែងនៅប្រទេសកូរ៉េ ក្នុងពេលឆាប់ៗខាងមុខនេះ ដោយតួសម្តែង<br />នៅក្នុងរឿងគឺមានតែនាងនិង លោក ខេមរៈ សេរីមន្ត តែប៉ុណ្ណោះ ដែលមានឈុតត្រូវចេញទៅ<br />ថត បន្តនៅក្រៅប្រទេស ។</p>
<p>ជួបជាមួយ Looking TODAY តាមទូរស័ព្ទ នៅថ្ងៃទី១៩ ខែកញ្ញា ឆ្នាំ២០១៣នេះ តារាចម្រៀងស្រី<br />ស្រស់ចង្ការស្រួចទម្រង់មុខវែង សម្រស់ឆើតឆាយ កញ្ញា សុខ ពិសី បានប្រាប់ឲ្យដឹងថាការងារ<br />សិល្បៈ មានការមមាញឹកស្ទើរគ្មានពេលសម្រាក់ បច្ចុប្បន្ននាងត្រូវបែងចែក ពេលវេលាថតរឿង<br />ផង ថតឈុតខារ៉ាអូខេផង ហើយពេលនេះខាងក្រុមហ៊ុនក៏ កំពុងតែមានគម្រោងរៀបចំ វីហ្សាឲ្យ<br />នាង និងតួឯកប្រុសចេញ ទៅថតរឿងនៅកូរ៉េ ។</p>
<p>តួឯកស្រីនៅក្នុងរឿង “ព្រាយក្បាលប្រាំបី” កញ្ញា សុខ ពិសី បានប្រាប់ឲ្យដឹងថា “ រឿងថ្មីដែល<br />ខាងផលិតកម្មថតនោះ រហូតដល់ពេលនេះថតបានប្រហែល ៩០ភាគរយហើយពេលនេះខ្ញុំ <br />និងបងមន្តបានផ្អាកថតរឿងឆ្លៀតពេល ថតឈុតខារ៉ាអូខេ សម្រាប់វ៉ុលថ្មីប្រហែល៤-៥ថ្ងៃមុន <br />នឹងចាកចេញទៅថតរឿងនៅកូរ៉េ ព្រោះថាការចេញទៅថតនេះ ខ្ញុំមិនទាន់ដឹងច្បាស់ថាត្រូវ<br />ចេញទៅ ពេលណាហើយប៉ុន្មានថ្ងៃទេ ដូច្នេះត្រូវសម្រុងធ្វើការងារក្នុងស្រុក ឲ្យរួចរាល់មុន<br />ថ្ងៃចេញដំណើរ ”។</p>
<p>តារាចម្រៀងសំលេងផ្អែម ស្រទន់សាច់ម៉ដ្ឋរលោងរូបស្រស់សោភា កញ្ញា សុខ ពិសី បានប្រាប់<br />ឲ្យដឹងថា នាងពេញចិត្តក្នុងការថតរឿង “ព្រាយក្បាលប្រាំបី” ហើយសម្រាប់នាងមិនមាន ការ<br />ខ្លាចរអាក្នុងការសម្តែងរឿងនេះទេ ព្រោះនាងគិតថាគ្រាន់តែជាអត្ថន័យ ក្នុងរឿងសម្តែងវាមិន<br />អាចមាន ឥទ្ធពលប៉ះពាល់ ជាមួយជីវិតយើងខាងក្រៅទេ ។</p>
<p>ស្រីស្អាតរូបនេះបានប្រាប់ទៀតថា “ តាមពិតទៅខ្ញុំជាមនុស្សម្នាក់ ដែលជឿលើអបិយ៍ជំនឿមួយ<br />ចំនួនដែរ ហើយកន្លងមកខ្ញុំក៏ធ្លាប់ឮ ពីការខ្លាចរអារបស់អ្នកសិល្បៈមួយចំនួន ទៅគាត់មិនទទួល<br />ថតរឿងបែបនេះទេ ព្រោះតែពួកគាត់ខ្លាចមានហេតុ មិនល្អសម្រាប់ខ្លួនគាត់ ប៉ុន្តែសម្រាប់ខ្ញុំក៏ដូច<br />ជាខាងផលិតកម្មមុន និងចេញថតរឿងគឺមានការក្រុងពាលី រៀបចំត្រឹមត្រូវហើយមុនពេលចេញ<br /> ថតកន្លែងណាមួយ ត្រូវមានការរៀបចំសែនព្រេន សុំសេចក្តីសុខជាដើម ដូច្នេះខ្ញុំថតរឿងនេះគឺ<br />មិន មានភាពការខ្លាចរអាអ្វីឡើយ ” ។</p>
<p>កញ្ញា សុខ ពិសី បានប្រាប់បន្ថែមទៀតថា ឈុតសម្តែងនៅក្នុងរឿង “ព្រាយក្បាលប្រាំបី” ថត<br />ជិតចប់ហើយគឺនៅតែរង់ចាំការចេញ ទៅថតនៅប្រទេសកូរ៉េ ប្រហែលជា១០ភាគរយៈទៀត តែប៉ុណ្ណោះហើយសម្រាប់ការចេញទៅថតនេះនាងមិន ទាន់ដឹងច្បាស់ថាត្រូវឡើងយន្តហោះ <br />នៅថ្ងៃណាច្បាស់ទេ គឺនាងដឹងត្រឹមតែថាក្នុងចំណោម តារាសម្តែងក្នុងរឿងទាំងអស់ គឺមាន<br />តែវត្តមាននាង និងតារាចម្រៀងបុរសល្បីឈ្មោះ លោក ខេមរៈ សេរីមន្ត ប៉ុណ្ណោះ ដែរត្រូវចេញ<br />ទៅថតវគ្គបញ្ចប់នៅកូរ៉េ ៕</p>
<p><img src="http://image.lookingtoday.com:81/lookingtoday/looking-images/news/2013/September/id-065/PISETH-0486.jpg" alt="Looking Today" width="470" /></p>
<p><img src="http://image.lookingtoday.com:81/lookingtoday/looking-images/news/2013/September/id-065/PISETH-0487.jpg" alt="Looking Today" width="470" /></p>
<p><img src="http://image.lookingtoday.com:81/lookingtoday/looking-images/news/2013/September/id-065/PISETH-0488.jpg" alt="Looking Today" width="470" /></p>
<p><img src="http://image.lookingtoday.com:81/lookingtoday/looking-images/news/2013/September/id-065/PISETH-0489.jpg" alt="Looking Today" width="470" /></p>
<p><img src="http://image.lookingtoday.com:81/lookingtoday/looking-images/news/2013/September/id-065/PISETH-0490.jpg" alt="Looking Today" width="470" /></p>
<p> </p>
<p style="text-align: right;"><br />ដោយ ៖ LookingToday<br />ផ្តល់សិទ្ធិដោយ ៖ ដើមអំពិល </p>