<p>វិធីវះកាត់កែប្រអប់មាត់ឱ្យមានទ្រង់ទ្រាយដូចកំពុងញញឹម កំពុងតែក្លាយជាការពេញនិយមថ្មី<br />បំផុតនៅកូរ៉េខាងត្បូង។</p>
<p>ក្នុងបណ្ដាប្រទេសនៅអាស៊ី កូរ៉េខាងត្បូង ត្រូវបានគេចាត់ទុកជាប្រទេសមួយដែល “ញៀន” នឹង<br />ការកែសម្ផស្សដោយការវះកាត់ ខ្លាំងជាងគេ។ ដើម្បីទទួលបានសម្រស់ស្រស់ស្អាតដូចបារាំង <br />កូរ៉េខាងត្បូង បានបង្កើត និងនិយមវិធីវះកាត់កែសម្ផស្សជាច្រើនបែប ច្រើនយ៉ាង ហើយទាំងនេះ ក៏បានរាលដាលដល់បណ្ដាប្រទេសនៅក្បែរខាងផងដែរ។</p>
<p style="text-align: center;"><a class="thickbox" title="" href="/FileManager/Commons/2013/8/24/skr1-24-08-2013--12-52-53.jpg"><img style="display: block; margin-left: auto; margin-right: auto;" src="/FileManager/Articles/mce/2013/8/24/skr1-24-08-2013--12-52-53.jpg" alt="" /></a>រូបថតរបស់នារីម្នាក់ដែលគេអះអាងថា បានកែចង្វែកមាត់ឱ្យមានទ្រង់ទ្រាយដូចការញញឹម <br />គឺជាប្រភពដែលនាំឱ្យមានការពេញនិយម</p>
<p>ថ្មីៗនេះ វិធីកែសម្ផស្សបែបថ្មីមួយដែលបានក្លាយជាការពេញនិយមបំផុត នោះគឺការវះកាត់កែ<br />ប្រអប់មាត់ឱ្យមានរូបរាងដូចធ្នូ ពោលគឺដូចកំពុងញញឹម។ ការកែសម្ផស្សបែបនេះ ត្រូវបានគេ ចាប់អារម្មណ៍ជាលើកដំបូងនៅពេលមានបង្ហោះរូបថតរបស់នារីម្នាក់ ភ្ជាប់ជាមួយនឹងការអះអាង<br />ថា នាងបានសាកល្បងការវះកាត់មួយដើម្បីធ្វើឱ្យប្រអប់មាត់មានរូបរាងដូចកំពុងសើច។ បើទោះ<br />ជា មិនទាន់មានអ្នកអះអាងចំពោះការពិតរបស់រូបថតនេះ ប៉ុន្ដែមន្ទីរកែសម្ផស្សដែលមានឈ្មោះ<br />ថា AONE បានទទួលស្គាល់ថា ខ្លួនមានផ្ដល់សេវាកម្មបែបនេះ។</p>
<p>ជារួម ការវះកាត់តាមបែបនេះនឹងជួយកែលំអមកវិញនូវសាច់ដុំមុខនៅសងខាងមាត់ ដោយការ<br />លើក ឬដាក់សាច់ដុំទាំងនោះ។ មានន័យថា បន្ទាប់ពីធ្វើការវះកាត់រួច ផ្ទៃមុខរបស់អ្នក ពេល<br />ណា ក៏ពេញដោយស្នាមញញឹម បើទោះជាអ្នកមិនសប្បាយចិត្ត ឬមិនបានញញឹមក៏ដោយ។</p>
<p><a class="thickbox" title="" href="/FileManager/Commons/2013/8/24/skr2-24-08-2013--12-55-48.jpg"><img style="display: block; margin-left: auto; margin-right: auto;" src="/FileManager/Articles/mce/2013/8/24/skr2-24-08-2013--12-55-48.jpg" alt="" /></a></p>
<p><a class="thickbox" title="" href="/FileManager/Commons/2013/8/24/skr2-24-08-2013--12-55-48.jpg"></a>មន្ទីរកែសម្ផស្ស AONE បានបកស្រាយចំពោះការវះកាត់បែបនេះថា មនុស្សមួយចំនួន មានសាច់<br />ដុំនៅជុំវិញមាត់មានកម្លាំងខ្សោយ និងសាច់ដុំជុំវិញថ្គាមមានភាពរឹងមាំ (ជាងសាច់ដុំនៅជុំវិញមាត់)<br /> ដូច្នេះធ្វើឱ្យទ្រង់ទ្រាយនៃការសើច មិនមានភាពស្រស់ស្អាត។ ប៉ុន្ដែ ចំពោះប្រអប់មាត់របស់ជន<br />ជាតិអឺរ៉ុប គឺមានចង្វែកមាត់បែរទៅលើ ដូច្នេះមើលទៅគឺមានស្នាមញញឹមជាប់នៅនឹងប្រអប់មាត់<br />ជានិច្ច។<br /><br />នៅពេលត្រូវបានសួរ អំពីចំណុចខ្សោយរបស់វិធីកែសម្ផស្សនេះ គ្រូពេទ្យ Taek Geun Kwon<br /> របស់មន្ទីរកែសម្ផស្ស AONW ឱ្យដឹងថា ៖ “វិធីសាស្ដ្រនេះត្រូវបានចាត់ទុកដូចជាការបង្វែរចង្វែក<br />មាត់ឡើងទៅលើវិញ ដើម្បីបង្កើតប្រអប់មាត់រាងដងធ្នូ និងមានស្នាមញញឹមជាប់ជានិច្ចសូម្បីតែ<br />មិនបានញញឹម។ ថ្វីបើត្រូវបានអភិវឌ្ឍតាំងតែពីឆ្នាំ ២០១២ ប៉ុន្ដែវិធីកែសម្ផស្សនេះ មិនទាន់ត្រូវ<br />បានគេធ្វើឱ្យប្រាកដនិយមនៅឡើយ”។ ទន្ទឹមនឹងនេះ ក៏មានការរិះគន់ថា ស្នាមញញឹមសិប្ប<br />និមិត្តនេះ មិនខុសអ្វីទៅនឹងមនុស្សចម្លែក Joker ដែលមានភាពក្លែងក្លាយ និងគួរឱ្យខ្លាច។</p>
<p><a class="thickbox" title="" href="/FileManager/Commons/2013/8/24/skr3-24-08-2013--12-58-19.jpg"><img style="display: block; margin-left: auto; margin-right: auto;" src="/FileManager/Articles/mce/2013/8/24/skr3-24-08-2013--12-58-19.jpg" alt="" /></a></p>
<p>កូរ៉េខាងត្បូង ជាប្រទេសដែលមានអ្នកប្រើប្រាស់សេវាកម្មកែសម្ផស្ស ក្នុងលំដាប់ខ្ពស់បំផុតរបស់<br />ពិភពលោក។ ដូច្នេះ គេមិនមានការភ្ញាក់ផ្អើលនោះទេ នៅពេលវិធីកែសម្ផស្សនានា ត្រូវបានបើក<br />ដំណើរការនៅទីនេះ។ ចំណែកការវះកាត់ប្រអប់មាត់ឱ្យមានរាងញញឹម ក៏មានស្ដ្រីជាច្រើន ប្រថុយ ដើម្បីទទួលបានភាពស្រស់ស្អាតតាមចិត្តចង់បានរបស់ខ្លួន៕</p>
<p style="text-align: right;"><br />ដោយ ៖ តារា<br />ប្រភព ៖ Dailymail/K14<br /><br /></p>