<div class="summary">
<p>បើយោងតាម ព័ត៌មានផ្ទៃក្នុងនៃក្រុមហ៊ុនផលិត កូរ៉េខាងត្បូង បានឲ្យដឹងថា ស្មាតហ្វូនស៊េរីខ្ពស់បំផុត របស់ក្រុមហ៊ុន LG ក្នុងឆ្នាំ ២០១៤ នេះ គឺមិនមែនជា G Pro 2 នោះទេ វាគឺ G3។</p>
</div>
<div class="content">
<p>កាសែត Naver របស់កូរ៉េ បានឲ្យដឹងថា ពេលបង្ហាញខ្លួន LG G3 នឹងបំពាក់នូវលក្ខណៈសម្បត្តិផ្នែករឹង (Hardware) ប្រភេទខ្លាំងបំផុត នៅពេលវេលានោះ ជាមួយនឹងអេក្រង់ទំហំ ៥,៥អ៊ីន ប៉ុន្តែខ្នាតប្រវែង របស់វា មិនវែង ឬធំជាងមុនប៉ុន្មានទេ ដោយសារតែ ផ្នែកគែមៗនៃស៊ុមព័ទ្ធអេក្រង់ ត្រូវបានគេបង្រួម នៅសល់ស្តើង។ អេក្រង់នេះ នឹងមានកំរិតរីសូលុយហ្សិនខ្ពស់ដល់ទៅ 2K (1.440 x 2.560 pixel) ជាមួយកំរិតដង់ស៊ីតេភិចស្យែល 534 ppi ដែលអាចផ្តល់នូវពន្លឺ រូបភាពបានយ៉ាងច្បាស់ ត្រជាក់ភ្នែក។</p>
<p style="text-align: center;"><a class="thickbox" title="" href="/FileManager/Commons/2014/3/5/lg-g3-concept-05-03-2014--11-35-44.jpg"><img src="/FileManager/Articles/mce/2014/3/5/lg-g3-concept-05-03-2014--11-35-44.jpg" alt="" /></a></p>
<p style="text-align: center;"><em><span style="color: #808080;">Version Concept របស់ LG G3</span></em></p>
<p>ទន្ទឹមនឹងនោះ គំរូស្មាតហ្វូនខ្ពស់បំផុត ដែលជិតបង្ហាញខ្លួននេះ នឹងត្រូវបាន LG បំពាក់នូវ CPU ខ្លាំង បំផុតរបស់ Qualcomm គឺ Snapdragon 805 ពោលវាខ្លាំងជាង chip Snapdragon 801 ដែល Galaxy S5 កំពុងតែប្រើប្រាស់ ថែមទៀតផង។ ក្រៅពីនេះ វាក៏បំពាក់នូវ RAM 3GB មេម៉ូរីក្នុងទំហំ 16GB/32GB ហើយអាចបន្ថែមមេម៉ូរីក្រៅបាន និងមានថាមពលថ្មដល់ទៅ 4.000 mAh។</p>
<p>G3 នឹងបំពាក់នូវកាមេរ៉ា 16 megapixel នៅផ្នែកខាងក្រោយ ជាមួយនឹងបច្ចេកវិទ្យាទប់លំនឹង ប៉ុន្តែតួ នៃស្មាតហ្វូនទាំងអស់ នៅតែធ្វើពីសារធាតុជ័រ ប្លាស្ទិចធម្មតា ដូចបណ្តាម៉ូដែលមុនៗ៕</p>
<p> </p>
<p style="text-align: right;">ប្រែសម្រួល៖ សិលា<br />ប្រភព៖ zing</p>
</div>