<p><span style="color: #000000;"><strong>(កំពត)៖</strong> សមត្ថកិច្ចមូលដ្ឋានបានឲ្យដឹងថា មានការណីគ្រោះថ្នាក់ចរាចរណ៍ រវាងរថយន្តបុកជាមួយម៉ូតូមួយគ្រឿងស្លាប់ អ្នកជិះម៉ូតូ៣នាក់ យ៉ាងអាណោចអាធ័ម នៅម៉ោង៣៖៥០នាទីរសៀល ថ្ងៃទី១១ ខែកញ្ញា ឆ្នាំ២០១៦ លើកំណាត់ផ្លូវជាតិ លេខ៣១ ស្ថិតក្នុងភូមិដើមពោធិ៍ ឃុំអង្គសុភី ស្រុកកំពង់ត្រាច ខេត្តកំពត។</span></p>
<p><span style="color: #000000;">មន្ត្រីនគរបាលចរាចរណ៍ស្រុកកំពង់ត្រាច បានប្រាប់ឲ្យដឹងថា អ្នករងគ្រោះជិះម៉ូតូទាំង៣នាក់ សុទ្ធតែស្រីមិនទាន់ស្គាល់ អត្តសញ្ញាណនៅឡើយទេ ក្នុងនោះក្មេងស្រីអាយុ១ឆ្នាំម្នាក់។</span></p>
<p><span style="color: #000000;">ម៉ូតូជនរងគ្រោះ ម៉ាក Dream C125 ស៊េរី២០០៨ ពណ៌ខ្មៅ ពាក់ស្លាកលេខ កំពត 1A-4710 រីឯរថយន្តបង្កម៉ាកតូយ៉ូតា ពាក់ស្លាកលេខ ភ្នំពេញ 2AE-2951 ខណៈអ្នកបើកបររថយន្ត បានចុះរត់គេចខ្លួនបាត់ បន្សល់ទុកតែរថយន្តនៅនឹងកន្លែង កើតហេតុ។</span></p>
<p><span style="color: #000000;">មន្ត្រីនគរបាលដដែលបានបន្តថា រថយន្តបង្កបើកបរក្នុងទិសដៅពីជើងទៅត្បូង បញ្ច្រាស់ទិសគ្នា លុះមកដល់កន្លែងកើតហេតុ ក៏បានបុកម៉ូតូចំពេញទំហឹង អូសជាច្រើនម៉ែត្រ។ បច្ចុប្បន្នកម្លាំងនគរបាលជំនាញ បាននិងកំពុងវាស់វែង ធ្វើកោសល្យវិច្ច័យ។</span></p>
<p><span style="color: #000000;">ដោយឡែកនៅខេត្តកែបវិញ នៅម៉ោង៤៖៣០នាទីរសៀល ថ្ងៃទី១១ ខែកញ្ញា ឆ្នាំ២០១៦ លើកំណាត់ផ្លូវជាតិលេខ៣៣ ចំណុចខាងលិចក្លោងទ្វាវត្តភ្នំព្រូស ស្ថិតនៅភូមិដំណាក់ចង្អើរ សង្កាត់ព្រៃធំ ក្រុងកែប មានករណីគ្រោះថ្នាក់ចរាចរណ៍ ម៉ូតូបុកម៉ូតូស្លាប់ម្នាក់ និងរបួសធ្ងន់ម្នាក់។</span></p>
<p><span style="color: #000000;">មន្ត្រីនគរបាលចរាចរណ៍ក្រុងកែប បានឲ្យដឹងថា ម៉ូតូម្ខាងម៉ាក Dream C125 ផលិតឆ្នាំ 2010 ពណ៌ខ្មៅ ពាក់ស្លាកលេខ កែប 1A-2315 បើកបរដោយឈ្មោះ ឃុត ប៊ុននី ភេទប្រុស អាយុ៤១ឆ្នាំ មុខរបរកសិករ រស់នៅភូមិ សង្កាត់ កើតហេតុខាងលើ (រងរបួសធ្ងន់)។</span></p>
<p><span style="color: #000000;">រីឯម៉ូតូម្ខាងទៀត ម៉ាក Dream C125 ផលិតឆ្នាំ2016 ពណ៌ខ្មៅ គ្មានស្លាកលេខបើកបរដោយ ឈ្មោះ ពន់់ លីកូ ភេទប្រុស អាយុ១៨ឆ្នាំ រស់នៅភូមិភ្នំលាវ ឃុំពងទឹក ស្រុកដំណាក់ចង្អើរ ខេត្តកែប បានស្លាប់។</span></p>
<p><span style="color: #000000;">មន្ត្រីនគរបាលដដែលឲ្យដឹងទៀតថា ម៉ូតូទាំងសងខាង បើកបរក្នុងទិសដៅបញ្ជ្រាស់គ្នាពីលិចទៅកើត ដោយម៉ូតូជនរងគ្រោះ ឈ្មោះ ពន់ លីកូ បើកពីលិចទៅកើត លុះដល់កន្លែងកើតហេតុចៃដន្យ ក៏បានបុកគ្នាចំពេញទំហឹង។</span></p>
<p><span style="color: #000000;">ក្រោយហេតុការណ៍ កម្លាំងសមត្ថកិច្ចនគរបាលចរាចរណ៍ក្រុង ចុះទៅវាស់វែងរកខុសត្រូវ ដើម្បីដោះស្រាយគ្នាតាមច្បាប់៕</span></p>
<p><span style="color: #000000;"><img src="http://image.freshnewsasia.com/2016/099/fn-2016-09-11-20-31-39-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-09-11-20-31-40-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-09-11-20-31-40-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-09-11-20-31-40-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-09-11-20-31-40-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-09-11-20-31-41-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-09-11-20-31-41-6.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>