<p><span style="color: #000000;"><strong>ភ្នំពេញ ៖</strong> យោងតាមប្រភពព័ត៌មាន ពី ការលួចបង្ហើប របស់មត្ថកិច្ចរាជធានីភ្នំពេញ បានឱ្យដឹងថា ក្រោយពី ឪពុក ម្ដាយ របស់ ឧកញ៉ា ថោង សារ៉ាត់ ត្រូវបានដោះលែងចេញពីពន្ធនាគារ កាលពីយប់ថ្ងៃទី៦ ខែកុម្ភៈ ឆ្នាំ២០១៥ មាន ពិធីជប់លាង មួយនៅផ្ទះ បុគ្គលទាំងពីរនាក់នេះ ស្ថិតនៅសង្កាត់ចាក់អង្រែក្រោម ខណ្ឌមានជ័យ ស្រាប់តែមាន មន្ដ្រីជំនាញ ម្នាក់របស់លោកអាំង មាលតី ប្រធាន សាលាដំបូងរាជធានីភ្នំពេញ បានទៅចូលរួម។</span></p>
<p><span style="color: #000000;">ប្រភពព័ត៌មានពីសមត្ថកិច្ចបានឱ្យដឹងថា ការទៅចូលរួមពីសំណាក់មន្ដ្រីជំនិតរបស់ លោកអាំង មាលតី ក្នុងពិធីជប់ លាង ក្រោយចេញពីពន្ធនាគារ របស់លោកថោង ចំរើន និងអ្នកស្រីកែវ សារី ត្រូវបានបង្ហាញរូបថតមួយសន្លឹក នៅក្នុង ទូរស័ព្ទដៃ របស់បុគ្គល កែវ សារី នេះតែម្ដង ។</span></p>
<p><span style="color: #000000;">ប្រភពព័ត៌មានពីសមត្ថកិច្ចបានបញ្ជាក់ឱ្យដឹងថា មន្ដ្រីជំនិតរបស់លោកអាំង មាលតី ដែលបានអញ្ជើញ ចូលរួម ក្នុងពិធីជប់លាង នៅផ្ទះឪពុកម្ដាយឧកញ៉ាថោង សារ៉ាត់នោះ គឺឧត្ដមសេនីយ៍ ពេជ្រ ព្រហ្មមុនី ដែលត្រូវ បានលោក អាំង មាលតី ស្នើសុំទៅ នាយឧត្ដមសេនីយ៍មាស សុភា សុំចូលរួមសហការលើផ្នែកសន្ដិសុខនិងសណ្ដាប់ធ្នាប់ ។</span></p>
<p><span style="color: #000000;">យោងតាមលិខិតរបស់លោកអាំង មាលតី កាលពីថ្ងៃទី២២ ខែកក្កដា ឆ្នាំ២០១៤ ក្នុងនាមជាប្រធានសាលាដំបូង រាជធានីភ្នំពេញ បានដាក់ជូននាយឧត្ដមសេនីយ៍មាស សុភា អគ្គមេបញ្ជាការរង នៃកងយោធពលខេមរភូមិន្ទ និង ជាមេបញ្ជាការ កងទ័ពជើងគោក ដើម្បីស្នើសុំលោកឧត្ដមសេនីយ៍ ពេជ្រ ព្រហ្មមុន្នី អត្ដលេខ០៤៨៥៤០ មុខងារ ជានាយសេនាធិការរង នៃកងទ័ពជើងគោក ដើម្បីសហការការងារនៅសាលាដំបូងរាជធានីភ្នំពេញ លើផ្នែកសន្ដិសុខនិងសណ្ដាប់ធ្នាប់។</span></p>
<p><span style="color: #000000;">តាមការលួចបង្ហើបរបស់មន្ដ្រីសាលាដំបូងរាជធានីភ្នំពេញ មួយរូបបានឱ្យដឹងថា ឧត្ដមសេនីយ៍ពេជ្រ ព្រហ្មមុន្នី គឺជាគ្រូ មន្ដអាគមរបស់លោកអាំង មាលតីទៀតផង ៕</span></p>
<p><span style="color: #000000;"><a class="thickbox" title="" href="/FileManager/Commons/2015/2/18/ch-00894-18-02-2015--10-08-18.jpg"><img src="/FileManager/Articles/mce/2015/2/18/ch-00894-18-02-2015--10-08-18.jpg" alt="" /></a></span></p>
<p><a class="thickbox" title="" href="/FileManager/Commons/2015/2/18/ch-00895-18-02-2015--10-08-32.jpg"><img src="/FileManager/Articles/mce/2015/2/18/ch-00895-18-02-2015--10-08-32.jpg" alt="" /></a></p>
<p><a class="thickbox" title="" href="/FileManager/Commons/2015/2/18/ch-00896-18-02-2015--10-08-52.jpg"><img src="/FileManager/Articles/mce/2015/2/18/ch-00896-18-02-2015--10-08-52.jpg" alt="" /></a></p>
<p style="text-align: right;"><br /><span style="color: #000000;">ផ្ដល់សិទ្ធដោយ៖ ដើមអម្ពិល</span></p>