<p><span style="color: #000000;"><strong>ភ្នំពេញ ៖</strong> ក្រុមចោរមួយក្រុម មានគ្នា៣នាក់ ប្រដាប់ដោយកាំភ្លើង បានធ្វើសកម្មភាពភ្ជង់ប្លន់យកម៉ូតូពីនារីម្នាក់ បានសម្រេច កាលពីវេលាម៉ោង១០នឹង៥៥នាទីយប់ថ្ងៃទី១៣ ខែកក្កដា ឆ្នាំ២០១៥ នៅម្តុំមន្ទីរពេទ្យមិត្តភាពខ្មែរ-សូវៀត តាមបណ្តោយផ្លូវ៤៣០ ស្ថិតក្នុងសង្កាត់ទំនប់ទឹក ខណ្ឌចំការមន ។</span></p>
<p><span style="color: #000000;">មន្រ្តីនគរបាលមូលដ្ឋានបានឲ្យដឹងថា ជនរងគ្រោះឈ្មោះ ផុន ស៊ីណា អាយុជាង២០ឆ្នាំ មានមុខរបរជាអ្នកគិតលុយ ក្នុងម៉ាតម្តុំភោជនីយដ្ឋាន ម្លប់ស្វាយ៩៩ មានទីលំនៅបច្ចុប្បន្ន ក្នុងភូមិចំរើនផល សង្កាត់ស្ទឹងមានជ័យ ខណ្ឌចំការមន ។</span></p>
<p><span style="color: #000000;">នារីរងបាននិយាយ ប្រាប់សមត្ថកិច្ចថា រូបនាងជិះម៉ូតូម៉ាក អាយខុន ចេញពីកន្លែងធ្វើការ បំណងត្រឡប់ទៅផ្ទះវិញ ខណះមកដល់ចំណុចកើតហេតុ ក៏មានជនសង្ស័យ៣នាក់ជិះម៉ូតូមួយគ្រឿងឌុបគ្នាមកគៀក និងគៀរឱ្យចូលគៀន រួចបានដកកាំភ្លើងខ្លី មួយដើមភ្ជង់ប្លន់យកម៉ូតូពីរូបនាង ។ ដោយមានការភ័យខ្លាចពេកនោះ ដោយក្រុមជនសង្ស័យបាន ស្រែកសំឡុត និងគំរាមបាញ់ផងនោះ រូបនាងបានត្រឹមតែឈរមើលពួកគេយកម៉ូតូទៅតែប៉ុណ្ណោះ ។</span></p>
<p><span style="color: #000000;">ក្រោយកើតហេតុការណ៍ នារីរងគ្រោះបានទាក់ទង ទៅសាច់ញាតិក្រុមគ្រួសារ ឱ្យមកទទួលយកទៅផ្ទះវិញដោយមិន បានដាក់ពាក្យ បណ្តឹងនោះទេ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/7/14/7-14-2015-10-34-49-am-14-07-2015--10-40-15.png"><span style="color: #000000;"><img src="/FileManager/Articles/mce/2015/7/14/7-14-2015-10-34-49-am-14-07-2015--10-40-15.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>