<p><strong>កំពង់ចាម៖</strong> កម្លាំងនគរបាល ខេត្តកំពង់ចាម បានចាប់ក្រុមចោរ៥នាក់ ជាជនជាតិវៀតណាម <br />ពីបទចាប់ជំរិត កាលពីវេលា ម៉ោង៧និង៣០នាទី យប់ថ្ងៃទី១១ ខែមិថុនា ឆ្នាំ២០១៣ នៅចំ<br />ណុចកាស៊ីណូមួយ កន្លែងស្ថិតក្នុង ភូមិ ឃុំត្រពាំងផ្លុង ស្រុកពញាក្រែក ខេត្តកំពង់ចាម បន្ទាប់<br />ពីក្រុមចោរទាំងនោះ បានចាប់អ្នកលក់ត្រីពីរនាក់ប្តីប្រពន្ធ ជំរិតទារប្រាក់ ចំនួន៥ម៉ឺនដុល្លារ ។</p>
<p>ជនរងគ្រោះ ក្នុងអំពើចាប់ជំរិតនោះមាន ឈ្មោះ អ៊ឹង វាសនា ហៅមិន ភេទប្រុស អាយុ៣៨ឆ្នាំ<br /> ត្រូវជាប្តីស្ត្រី ឈ្មោះ យិន ចាន់ណា អាយុ២៦ឆ្នាំ អ្នកទាំងពីរដនេះ មានទីលំនៅភូមិវិហ៊ាចិន <br />សង្កាត់ស្វាយដង្គុំ ក្រុងសៀមខេត្តសៀមរាប។</p>
<p>ជនរងគ្រោះ លោក អ៊ឹង វាសនា បានប្រាប់អ្នកកាសែតឲ្យដឹង កាលពីយប់ថ្ងៃទី១១ ខែមិថុនា<br /> ថា កាលពីថ្ងៃទី៩ ខែមិថុនា ឆ្នាំ២០១៣ មានជនជាតិវៀតណាម ចំនួន៥នាក់ ក្នុងនោះស្រីម្នាក់<br /> បានទំនាក់ទំនងជាមួយខ្លួនដើម្បី រកស៊ីជំនួញឈើក្រញូង ។</p>
<p>លុះដល់យប់ថ្ងៃដដែលនោះ ជនជាតិវៀតណាមទាំងនោះ បានទូរស័ព្ទហៅខ្លួនទៅជួប នៅ<br />ផ្ទះសំណាក់មួយ មានយីហោ ព្រះចន្ទពេញវង់ នៅខេត្តសៀមរាប លុះពេលដែលខ្លួនបាន<br />ទៅជួបនោះ ស្រាប់តែឧក្រិដ្ឋជន បានយកកូនកន្ត្រៃមួយចាក់ចង្កេះរបស់ខ្លួន និងយកក្រដាស់<br />ញុកមាត់ ពេញ ហើយបាននាំខ្លួនជិះរថយ ន្តមួយគ្រឿង ចេញពីខេត្តសៀមរាប មកខេត្តកំពង់<br />ចាម។</p>
<p>បន្ទាប់មក ក្រុមឧក្រិដ្ឋជន បាននាំខ្លួនចូលក្នុងកាស៊ីណូមួយកន្លែង នៅក្នុងទឹកដី ឃុំត្រពាំងផ្លុង<br /> ហើយបន្ទាប់មក ក្រុមចោរបានបង្ខំឲ្យខ្លួនផ្តិតមេដៃលើ លិខិតមួយថា ខ្លួន(ជនរងគ្រោះ) បានខ្ចី<br />លុយក្រុមចោរ ចំនួន៣ម៉ឺនដុល្លារ ។</p>
<p>បន្ទាប់មក ក្រុមចោរបាន វាយដំលើខ្លួនក្នុង១ម៉ោងម្តង និងបង្ខំឲ្យខ្លួនយកប្រាក់ចំនួន៥ម៉ឺនដុល្លារ<br />មកឲ្យពួកគេ។ ជនរងគ្រោះ អ៊ឹង វាសនា បានឲ្យដឹងទៀតថា ការជំរិតទារប្រាក់នោះ រហូតដល់<br />ថ្ងៃទី១០ ខែមិថុនា ក្រុមឧក្រិដ្ឋជន បានព្រមព្រាងគ្នា នូវទឹកប្រាក់ ចំនួន៣ម៉ឺនដុល្លារ បន្ទាប់មក<br />ខ្លួនក៏បានហៅប្រពន្ធឈ្មោះ ចាន់ណា ឲ្យយកលុយមក ឲ្យក្រុមចោរ ។ប៉ុន្តែ ពេលប្រពន្ធខ្លួន <br />មកដល់នោះ គ្មានលុយឲ្យក្រុមចោរទេ ហើយក្រុមចោរ បាន ចាប់ប្រពន្ធរបស់ខ្លួន ឲ្យនៅជា<br />មួយគ្នា ដែលក្នុងខណៈនោះ ប្រពន្ធរបស់ខ្លួន បានទូរស័ព្ទទៅ ប្រាប់ម្តាយនៅឯខេត្តសៀមរាប <br />យកប្រាក់ចំនួន ៣ម៉ឺនដុល្លារ មករំដោះពួកគាត់ចេញ ពីក្រុមចោរចាប់ជំរិតនោះ។</p>
<p>ទាក់ទិនទៅ និងចំណុចត្រង់នេះ លោកវរសេនីយ៍ឯក ជឹម សេងហុង ស្នងការរង ទទួលផែន<br />ការិយាល័យ កណ្តាល នគរបាលព្រហ្មទណ្ឌ នៃស្នងការដ្ឋាន នគរបាលខេត្តកំពង់ចាម បាន<br />មានប្រសាសន៍ឲ្យដឹងដែរថា នៅល្ងាចថ្ងៃទី១១ ខែមិថុនា លោក បានទទួលពាក្យប្តឹងពីម្តាយ<br />របស់ ជនរងគ្រោះ នូវករណីចាប់ជំរិតនោះទើបលោក បានសុំគោលបន្ទាន់ទៅអគ្គស្នងការ <br />នគរបាលជាតិ នាយឧត្តមសេនីយ៍ នេត សាវឿន អគ្គស្នងការរង នគរបាលជាតិ និងលោក<br />ឧត្តមសេនីយ៍ ម៉ក់ ជីតូ ប្រធាននាយកដ្ឋាន កណ្តាលព្រហ្មទណ្ឌ ក្រសួងមហាផ្ទៃ និងមានការ<br />ណែនាំបញ្ជាដោយលោកឧត្តមសេនីយ៍ទោ ឆាយ គឹមសុន ស្នងការនគរបាល ខេត្តកំពង់ចាម<br /> ទើប លោក បានដឹកនាំកម្លាំង នគរបាលជំនាញ សហការជាមួយ សមត្ថកិច្ចមូលដ្ឋាន បើក<br />ប្រតិបត្តិការ បំបែកសំណុំរឿង ចាប់ជំរិតនេះបាន ហើយឈានទៅដល់ការ ឃាត់ខ្លួនជន<br />សង្ស័យជាជនជាតិវៀតណាម ចំនួន៥នាក់ ជាបន្តបន្ទាប់ និងរំដោះជនរងគ្រោះពីរ នាក់ប្តី<br />ប្រពន្ធ បានដោយសុវត្ថិភាពផងដែរ ។</p>
<p>លោកស្នងការរង បានឲ្យដឹងទៀតថា ជនសង្ស័យទាំង៥នាក់ បច្ចុប្បន្ន សមត្ថកិច្ចយើង កំពុង<br />ធ្វើការសាកសួរ និងកសាងសំណុំរឿងទៅតាមនិតិវិធី បញ្ជូនទៅសាលាដំបូង ខេត្តកំពង់ចាម<br /> ចាត់ការបន្ត៕ </p>
<p><img src="http://111.92.240.170:81/dap-news/dap-images/2013/June/id-067/CH-0339.jpg" alt="Photo by DAP-NEWS" width="500" /></p>
<p><img src="http://111.92.240.170:81/dap-news/dap-images/2013/June/id-067/CH-0338.jpg" alt="Photo by DAP-NEWS" width="500" /></p>
<p><img src="http://111.92.240.170:81/dap-news/dap-images/2013/June/id-067/CH-0340.jpg" alt="Photo by DAP-NEWS" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>