<div class="article-content">
<p><strong>ខេត្តកណ្តាលៈ</strong> រោងគោទំហំ៥ ម៉ែត្រគុណ ៦ម៉ែត្រ ធ្វើអំពីឈើ ប្រកស័ង្កសី ជញ្ជាំងក្តារ ត្រូវ<br />បានអគ្គិភ័យឆាបឆេះអស់ទាំងស្រុង ធ្វើឲ្យមានការភ្ញាក់ផ្អើលទាំងយប់ ដល់នគរបាល ស្រុក<br />អង្គស្នួល ហើយបានប្រើរថយន្តពន្លត់ បាញ់អស់ ចំនួន ២រថយន្ត ទើបរលត់ទៅវិញ កាលពី<br />វេលាម៉ោង១៩និង៣០នាទី យប់ថ្ងៃទី២២ ខែកក្កដា ឆ្នាំ២០១៣ ស្ថិតនៅក្នុងភូមិទម្លាប់ ខ្ពស់<br />ត្បូង ឃុំដំណាក់អំពិល ស្រុកអង្គស្នួល ខេត្តកណ្តាល ។</p>
<p>នគរបាល ស្រុកអង្គស្នួល បានឲ្យដឹងថា មុនពេលកើតហេតុ ម្ចាស់គោបានបញ្ចូលសត្វគោ <br />ក្នុងរោងរួចហើយដុតភ្លើង ទុកចោលបានមកចូលដេកបាត់លុះដល់ ម៉ោងកើតហេតុ ក៏មាន<br />អណ្តាតភ្លើង យ៉ាងសន្ធោរសន្ធៅ ទើបមានការភ្ញាក់ ផ្អើលកើត ឡើង ភ្លាមៗប្រជាពលរដ្ឋ <br />បានសហការ ជាមួយកម្លាំង នគរបាលប៉ុស្តិ៍ ដំណាក់ អំពិល និងនគរបាល ស្រុកអង្គស្នួល <br />ជួយ ពន្លត់រលត់ទៅវិញ ដោយក្នុងនោះប្រើប្រាស់រថយន្តពន្លត់អគ្គិភ័យប្រចាំស្រុកអង្គស្នួល<br /> បាញ់អស់ចំនួន២ជើង ហើយក្នុង ករណីនេះពុំមានគ្រោះដល់អ្វីមួយ នោះទេ គឺគ្រាន់តែខូច<br />ខាតរោងគោ ទំហំ៥ម៉ែត្រគុណ៦ម៉ែត្រ ប៉ុណ្ណោះ។</p>
<p>លោកមាន សំណាង អធិការនគរបាលស្រុកអង្គស្នួល បានអំពាវនាវ ដល់បងប្អូនប្រជាពល<br />រដ្ឋនៅក្នុងមូលដ្ឋានសូមឲ្យ មានស្មារតីប្រុងប្រយ័ត្នខ្ពស់បំផុត កុំធ្វេស ប្រហែសឲ្យសោះ <br />ចំពោះបញ្ហាអគ្គិភ័យនេះជាក់ស្តែងដូចជាករណីខាងលើនេះបណ្តាលមកការធ្វេសប្រហែស <br />របស់ម្ចាស់រោងគោ នេះសំណាង ល្អហើយ ដែលផ្ទះនៅដាច់ពីរោងគោបើពុំដូច្នេះទេ គឺអាច<br />ខូចខាតទ្រព្យសម្បត្តិ រងការលំបាកជាក់ជាមិន ខាន ៕</p>
<p style="text-align: center;"><img title=" " src="http://image.dap-news.com:81/dap-news/dap-images/2013/july/id-011/Hong-0577.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/july/id-011/Hong-0578.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/july/id-011/Hong-0579.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>