<p><span style="color: #000000;"><strong>(វ៉ាស៊ីនតោន)៖</strong> មនុស្សចំនួន១៣នាក់បានស្លាប់ និង៣១នាក់ផ្សេងទៀតបានទទួលរងរបួសបន្ទាប់ពី រថយន្តក្រុងទេសចរមួយគ្រឿង បានជិះទៅបុកពីចំពីក្រោយរថយន្តដឹកទំនិញធុនធំ នៅលើមហាវិធីមួយកន្លែង នៃភាគខាងត្បូងរដ្ឋកាលីហ្វរ សហរដ្ឋអាមេរិក។ នេះបើតាមការចេញផ្សាយដោយសារព័ត៌មាន Channel News Asian នាព្រឹកថ្ងៃចន្ទ ទី២៤ ខែតុលា ឆ្នាំ២០១៦។</span></p>
<p><br /><a class="thickbox" title="" href="/FileManager/Commons/2016/10/24/17f-24-10-2016--10-34-09.jpg"><img src="/FileManager/Articles/mce/2016/10/24/17f-24-10-2016--10-34-09.jpg" alt="" /></a></p>
<p><span style="color: #000000;">មន្ត្រីប៉ូលិស Jim Abele ដែលស្ថិតនៅកន្លែងកើតហេតុបានប្រាប់ក្រុមអ្នកសារព័ត៌មានថា រថយន្តក្រុងខាងលើ បានធ្វើដំណើរសំដៅឆ្ពោះទៅ ទិសខាងលិច តាមដងមហាវិថី Interstate 10 ហើយគ្រោះថ្នាក់ដ៏សាហាវនេះ ក៏បានកើតឡើងនៅក្បែរទីក្រុងPalm Springs ដែលស្ថិតនៅចម្ងាយប្រមាណ១៦០គីឡូម៉ែត្រភាគខាងកើត ទីក្រុង Lost Angeles នៃរដ្ឋកាលីហ្វរញ៉ានោះតែម្តង។</span></p>
<p><br /><a class="thickbox" title="" href="/FileManager/Commons/2016/10/24/17g-24-10-2016--10-34-19.jpg"><img src="/FileManager/Articles/mce/2016/10/24/17g-24-10-2016--10-34-19.jpg" alt="" /></a></p>
<p><span style="color: #000000;">លោក Abele បានបញ្ជាក់ថាដោយសារតែល្បឿនលឿន របស់រថយន្តក្រុង បានធ្វើកន្ទុយរថយន្តដឹកទំនិញ ធុនធំនោះបុកចូលទៅក្នុងរថយន្តក្រុង ដល់ទៅជម្រៅជិតប្រាំម៉ែត្រ ហើយបានបណ្តាលឲ្យ អ្នកដំណើរ ១៣នាក់ស្លាប់ដោយរួមបញ្ចូល ទាំងអ្នកបើកបរផងដែរ ហើយ៣១នាក់ទៀត ត្រូវបានគេជឿជាក់ថា បានទទួលរងរបួសទាំងធ្ងន់ និងស្រាល។</span></p>
<p><span style="color: #000000;">លោក Jim Alebe ក៏បានឲ្យដឹងដែរថា រថយន្តក្រុងខាងលើទើបតែបានទទួលការត្រួតពិនិត្យបច្ចេកទេស ប៉ុណ្ណោះហើយវាគ្មានសញ្ញាមួយណាដែលអាចបង្ហាញថា គ្រោះថ្នាក់ខាងលើបានបណ្តាលមកពី បញ្ហាបច្ចេកទេសនោះឡើយ។ ម្យ៉ាងវិញទៀតគេមិនទាន់ដឹងច្បាស់ទេថាបញ្ហា ជាតិស្រវឹង គ្រឿងញៀន ឬមួយក៏ភាពអស់កម្លាំង ដែលជាកត្តាបង្កឲ្យមានសោកនាដកម្មនេះ ឬយ៉ាងណានោះដែរដោយគេ បានត្រឹមដឹងថាវាបានធ្វើដំណើរ ក្នុងល្បឿនលឿនគួរសមជាងរថយន្តដឹកទំនិញ ដែលរថយន្តក្រុងនោះបានទៅបុកចំពីក្រោយពេញទំហឹង៕</span></p>
<p><span style="color: #000000;"><a class="thickbox" title="" href="/FileManager/Commons/2016/10/24/17e-24-10-2016--10-23-21.jpg"><img src="/FileManager/Articles/mce/2016/10/24/17e-24-10-2016--10-23-21.jpg" alt="" /></a><br /><br /></span></p>
<p style="text-align: right;"><span style="color: #000000;">ប្រភព ៖ CNA</span></p>