<p><span style="color: #000000;"><strong>(អាមេរិក)៖</strong> លទ្ធផលនៃការដេញថ្លៃ ទទួលទានអាហារពេលថ្ងៃត្រង់ ជាមួយនឹងនាយកប្រតិបត្តិ (CEO) ក្រុមហ៊ុន Apple លោក Tim Cook ត្រូវបានបញ្ចប់ហើយ ជាមួយនឹងទឹកប្រាក់ ៥១៥,០០០ដុល្លារអាមេរិក ប៉ុន្តែអ្នកឈ្នះមិនត្រូវបាន គេបង្ហើបឲ្យស្គាល់ឈ្មោះឡើយ ។ នេះបើយោងតាមការចេញផ្សាយ របស់សារព័ត៌មាន Apple Insider ចេញផ្សាយ នៅថ្ងៃទី០៦ ខែឧសភា ឆ្នាំ២០១៦។</span></p>
<p><span style="color: #000000;">គេហទំព័រ CharityBuzz បានបង្កើតកម្មវិធីមនុស្សធម៌ ដោយបង្កើតការដេញថ្លៃទទួលទានអាហារ ថ្ងៃត្រង់ជាមួយលោក Tim Cook ដែលទឹកប្រាក់ទាំងអស់ នឹងត្រូវផ្ដល់ទៅឲ្យមជ្ឈមណ្ឌល Robert F. Kennedy Center ក្នុងការយកទៅប្រើប្រាស់ លើវិស័យមនុស្សធម៌ និងសិទ្ធិមនុស្ស។</span></p>
<p><span style="color: #000000;">អ្នកដែលឈ្នះក្នុងការដេញថ្លៃ ត្រូវបានក្រុមហ៊ុន Apple ផ្ដល់កាត VIP ចំនួន ២សន្លឹក ដើម្បីទទួលទានអាហារថ្ងៃត្រង់ ចំនួន ៣០នាទី ជាមួយលោក Tim Cook នៅការិយាល័យកណ្ដាល របស់ក្រុមហ៊ុន Apple ជាលក្ខណៈឯកជន៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/7/12-07-05-2016--10-26-52.jpg"><img src="/FileManager/Articles/mce/2016/5/7/12-07-05-2016--10-26-52.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>