<p><span style="color: #000000;"><strong>(ភ្នំពេញ)៖</strong> រូបសំណាកព្រះគន្លង់ ឬ ហៅលោកយាយទេព នៅរង្វង់មូលដើមពោធិ៍ ខាងត្បូងព្រះអង្គចេក ព្រះអង្គចម ក្នុងខេត្តសៀមរាប ត្រូវបានជនមិនស្គាល់មុខលួចវាយបំផ្លាញ។ រដ្ឋបាលខេត្តសៀមរាប ចាត់ទុកការវាយបំផ្លាញនេះថា ជាការមាក់ងាយដល់ជំនឿ និងការគោរពបូជារបស់ប្រជាពលរដ្ឋក្នុងខេត្តសៀមរាប និង សាធារណជនទូទៅ។</span></p>
<p><span style="color: #000000;">យោងតាមសេចក្តីជូនដំណឹងរបស់រដ្ឋបាលខេត្តសៀមរាប ដែលអង្គភាពព័ត៌មាន Fresh News ទទួលបាននៅថ្ងៃសៅរ៍ ទី២៨ ខែមករា ឆ្នាំ២០១៧នេះ បានឲ្យដឹងថា ការវាយបំផ្លាញរូបសំណាកលោកយាយទេព បានកើតមានឡើងកាលពីយប់ថ្ងៃទី២៣ ខែមករា ឆ្នាំ២០១៧។</span></p>
<p><span style="color: #000000;">សេចក្តីជូនដំណឹងបានឲ្យដឹងទៀតថា រូបសំណាកលោកយាយទេព ត្រូវបានជនមិនស្គាល់អត្តសញ្ញាណយកខ្សែក្រវាត់ ទៅវាយបំផ្លាញត្រង់ព្រះភ្នែន និងដោះស្បែកជើង វាយព្រះភក្រ្ត ធ្វើឲ្យបាក់ចុងព្រះហន្ត (ច្រមុះ) និងមានស្នាមរបកថ្នាំលើព្រះភក្រ្តបន្តិចបន្តួចផងដែរ។</span></p>
<p><span style="color: #000000;">បច្ចុប្បន្នរដ្ឋបាលខេត្តសៀមរាប កំពុងស្រាវជ្រាវរកជនដៃដល់តាមរយៈរូបភាពពីកាមេរ៉ាសុវត្ថិភាព ភស្តុតាង និងសាក្សីនានា ដើម្បីចាប់ខ្លួនមកផ្តន្ទាទោសតាមច្បាប់។</span></p>
<p><span style="color: #000000;">រូបសំណាកលោកយាយទេព ត្រូវបានប្រជាពលរដ្ឋក្នុងខេត្តសៀមរាប ក៏ដូចជាប្រជាពលរដ្ឋដែលទៅកម្សាន្តនៅខេត្តសៀមរាប តែងបានទៅបន់ស្រន់សូមសេចក្តីសុខ ក៏ដូចជាសូមឲ្យសម្រេចបំណងផ្សេងៗ។</span></p>
<p><span style="color: #000000;">កាលពីខែមករា ឆ្នាំ២០១៦ រូបសំណាកលោកយាយទេព ក៏ត្រូវបានគ្រូស្នងរូបមួយរូប ទៅធ្វើពិធីដោយអង្គុយពីលើព្រះភ្នែន នាំឲ្យមានការរិះគន់ខ្លាំងពីសំណាក់អ្នកជំនឿ ដោយបានហៅទង្វើគ្រូស្នងរូបនោះថា ជាការជាន់ឈ្លីទីសក្ការៈបូជារបស់ពួកគេ។ ទីបំផុតគ្រូស្នងរូប ត្រូវបានសមត្ថកិច្ចចុះទៅឃាត់ខ្លួន និងហៅទៅអប់រំកុំឲ្យធ្វើសកម្មភាពបែបនោះទេ៕</span></p>
<p><span style="color: #000000;"><img src="http://image.freshnewsasia.com/2017/010/fn-2017-01-28-02-40-08-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-01-28-02-40-08-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-01-28-02-40-08-2.jpg" alt="" width="730" /></span></p>
<p style="text-align: right;"><br /><span style="color: #000000;">ផ្្តល់សិទ្ធិដោយ ៖ ហ្រ្វេសញ៉ូវអាសុី</span></p>