<p><span style="color: #000000;"><strong>(អាមេរិក)៖</strong> អាហារពេលព្រឹក មានសារសំខាន់បំផុត ព្រោះជាប្រភពថាមពល ដែលរាងកាយត្រូវយកទៅប្រើប្រាស់ ពេញមួយថ្ងៃ។ ក្រៅពីនេះអាហារពេលព្រឹក ថែមទាំងអាចការពារជំងឺ ទឹកនោមផ្អែម បំប៉នបេះដូង និងជួយសម្រកទម្ងន់ បានទៀតផង។ នេះបើយោងតាមប្រភពព័ត៌មាន Health News ចេញផ្សាយ នៅថ្ងៃទី១៨ ខែវិច្ឆិកា ឆ្នាំ២០១៦។</span></p>
<p><span style="color: #000000;">លទ្ធផល នៃការស្រាវជ្រាវពីសមាគមពេទ្យជំងឺបេះដូង ក្នុងសហរដ្ឋអាមេរិក រកឃើញថា ការទទួលទានអាហារពេលព្រឹក យ៉ាងទៀងទាត់ ជួយកាត់បន្ថយការប្រឈមមុខ នឹងការកើតជំងឺដាច់សសៃឈាមខួរក្បាល និងជំងឺបេះដូង។</span></p>
<p><span style="color: #000000;">លើសពីនេះ វាថែមទាំងជួយកាត់បន្ថយ អាការខ្សោយល្ហិតល្ហៃបាន។ លទ្ធផលស្រាវជ្រាវបង្ហាញថា អ្នកដែលទទួលទានគ្រាប់ធញ្ញជាតិរាល់ថ្ងៃ ជាអាហារពេលព្រឹក អស់រយៈពេលជាង៥ឆ្នាំ មានអាយុយឺនយូរ ព្រោះគ្រាប់ធញ្ញាជាតិ មានសារធាតុប្រឆាំងរ៉ាឌីកាល់សេរី កាកសសៃអាហារ និងកត្តាផ្សេងៗ ដែលជួយកាត់បន្ថយការ ប្រឈមមុខនឹងជំងឺបេះដូង។</span></p>
<p><span style="color: #000000;">ជាពិសេសវាថែមទាំងជួយ កាត់បន្ថយកូឡេស្តូរ៉លក្នុងឈាម និងបន្ថយសម្ពាធឈាមជំរុញឲ្យរាងកាយប្រើគ្លុយកូស និងអ័រម៉ូនអំាងស៊ុយលីន កាន់តែល្អឡើង។</span><br /><span style="color: #000000;">អ្នកជំនាញ ថែមទាំងបានបញ្ជាក់ថា អាហារពេលព្រឹកជួយសម្រកទម្ងន់បាន ព្រោះធ្វើឲ្យអន្តរកម្មរបស់រាងកាយ អាចគ្រប់គ្រងបរិមាណការទទួលទានអាហារ ក្នុងពេលបន្ទាប់។</span></p>
<p><span style="color: #000000;">ការបង្អត់អាហារពេលព្រឹក អាចធ្វើឲ្យកម្រិតជាតិស្ករក្នុងឈាម ចុះទាបព្រោះរាងកាយអត់អាហារ១០ ទៅ ១២ម៉ោងទៅហើយទម្រាំដល់ពេលព្រឹក ទើបធ្វើឲ្យមានទំនោរទទួលទានអាហារ ដែលមានថាមពល និងជាតិខ្លាញ់ នៅថ្ងៃត្រង់ ឬអាហារពេលបន្ទាប់ទៀត ជាហេតុធ្វើឲ្យកើតជំងឺធាត់ នៅទីបំផុត៕</span></p>
<p><img src="https://www.dartmouth-hitchcock.org/shared/stories/images/39901/breakfast_web_022616__oname-k.jpg" alt="" width="730" /></p>
<p><img src="http://www.aeb.org/images/imagesArticles/young-at-heart.jpg" alt="" width="730" /></p>
<p><img src="https://thumbs.dreamstime.com/z/heart-healthy-breakfast-consisting-vanilla-greek-yogurt-topped-granola-sliced-bananas-strawberries-shaped-like-32442822.jpg" alt="" width="730" /></p>
<p><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>