<p><span style="color: #000000;"><strong>(ប៉ារីស)៖</strong> ប៉ូលិស នឹងធ្វើការឃាត់ខ្លួន ឬមិនត្រូវបានអនុញ្ញាតឲ្យចូលក្នុងពហុកីឡដ្ឋានឡើយ ចំពោះអ្នកគាំទ្រណា ដែល ពិសាគ្រឿងស្រវឹង ក្នុងព្រឹត្តិការណ៍ប្រកួតបាល់ទាត់ពានរង្វាន់ប្រចាំទ្វីបអឺរ៉ុប UEFA Euro 2016 នៅប្រទេសបារាំង ដែលគ្រោងនឹងចាប់ផ្តើមនាខែក្រោយនេះហើយ ។</span></p>
<p><span style="color: #000000;">តាមរយៈសារព័ត៌មាន BBC បានផ្សាយឲ្យដឹងនៅថ្ងៃទី២៥ ខែឧសភា ឆ្នាំ២០១៦ ថា បម្រាមគោចរនេះនឹងត្រូវបានធ្វើឡើងនៅម៉ោង ៦៖០០នាទីព្រឹក រហូតដល់ម៉ោង ៦៖០០នាទីល្ងាច (ម៉ោងនៅប្រទេសបារាំង) ដែលជាម៉ោងធ្វើការ ប្រកួតនៅតាមពហុកីឡដ្ឋានទាំង ១០ក្នុងប្រទេសជាម្ចាស់ផ្ទះ ក្រោមការត្រួតពិនិត្យយ៉ាងតឹងរឹងបំផុតពីសំណាក់អាជ្ញាធរបារាំង និងការត្រួតពិនិត្យជាតិអាល់កុលនៅតាមដងផ្លូវ នៅពេលពួកគេធ្វើដំណើរមកទស្សនាបាល់ទាត់ផងដែរ ។</span></p>
<p><span style="color: #000000;">ទន្ទឹមគ្នានោះ ទីក្រុង Lens របស់បារាំង ដែលជាទីក្រុងសំបូរទៅដោយប្រភពស្រា និងអ្នកគាំទ្រតែងតែផ្ទុះហិង្សានោះ គឺត្រូវបានរឹតបន្តឹងយ៉ាងតឹងតែងបំផុតថែមទៀតផង ជាពិសេសសម្រាប់អ្នកគាំទ្រក្រុមជម្រើសជាតិអង់គ្លេស និងជម្រើសវ៉េលតែម្តង មិនត្រូវបានអនុញ្ញាតឲ្យសេពសុរានៅតាមដងផ្លូវនានាឡើយនៅជុំវិញទីក្រុង Lens ។</span></p>
<p><span style="color: #000000;">ជំនួយការសន្តិសុខជាតិបារាំងលោក Mark Roberts បានថ្លែងប្រាប់ BBC ថា »ការធ្វើបែបនេះ គឺដើម្បីបញ្ចៀសអំពើហិង្សាកើតឡើងពេលកំពុងប្រកួត និងក្រោយពេលបញ្ចប់ការប្រកួត ដើម្បីរក្សាបានស្ថិរភាព ១០០% នៅទូទាំងប្រទេសបារាំង ជូនអ្នកគាំទ្រ ថ្នាក់ដឹកនាំ និងកីឡាករគ្រប់រូប» ។</span></p>
<p><span style="color: #000000;">មន្រ្តីប៉ូលិសខាងលើដដែលបានបន្តថា តាមស្ថិតិពីការលក់សំបុត្រ អ្នកគាំទ្រក្រុមជម្រើសជាតិអង់គ្លេសមានចំនួនច្រើនជាងគេរហូតដល់ទៅ ៥០ម៉ឹននាក់ និងកំពុងស្នើសុំបន្ថែមទៀត ដើម្បីឲ្យបាន ១.៦លានសន្លឹកឯណោះ ដោយសារពួកគេ មានជំនឿថា អង់គ្លេសនឹងឈ្នះពាន Euro 2016 ព្រោះជាក្រុមលេងល្អដាច់គេក្នុងវគ្គជម្រុះនាពេលកន្លងមក មិនដែល ចាញ់ និងស្មើឡើយ ពោលគឺឈ្នះរហូតទាំង១០ប្រកួតតែម្តង ។</span></p>
<p><span style="color: #000000;">សូមបញ្ជាក់ផងដែរថា យុទ្ធនាការដែលមានរយៈពេល៤ឆ្នាំម្តង UEFA Euro 2016 លើកទី១៥ នឹងសម្ពោធបើកការ ប្រកួតជាផ្លូវការនៅថ្ងៃទី១០ មិថុនា និងបញ្ចប់ទៅវិញនៅថ្ងៃទី១០ ខែកក្កដា ឆ្នាំ២០១៦ នៅកីឡដ្ឋានទាំង១០កន្លែង ក្នុងទីក្រុងចំនួន១០ នៅទូទាំងប្រទេសបារាំង ដោយមាន២៤ក្រុមជម្រើសជាតិចូលរួម ៕</span></p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/13246288_1733067320266119_1155830992968861036_o.jpg" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/13244153_1733067256932792_6441731727637346426_o.jpg" alt="" width="730" /></span></p>
<p><span style="color: #000000;"><img src="https://fbcdn-sphotos-f-a.akamaihd.net/hphotos-ak-xtp1/v/t1.0-9/13226949_1733067250266126_828155112709392693_n.jpg?oh=ee6fcca8e481831d65a90ef5ac829203&oe=57D9A656&__gda__=1469762144_24beb949e45ceecc412e118dab24c7b6" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/13268306_1733067280266123_6288214486958781645_o.jpg" alt="" width="730" /></span></p>
<p><span style="color: #000000;"><img src="https://fbcdn-sphotos-a-a.akamaihd.net/hphotos-ak-xla1/t31.0-8/13235587_1733067303599454_7922331615923657118_o.jpg" alt="" width="730" /></span></p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
</div>