<p><span style="color: #000000;">បច្ចេកវិទ្យា ៖ <span style="font-size: 12px;">សារដំបូងដែលត្រូវបានផ្ញើរចេញកាលពី ២៥ ឆ្នាំមុន នៅថ្ងៃទី ៣ ខែធ្នូ ឆ្នាំ ១៩៩២ ។ មានវិស្វករម្នាក់ឈ្មោះ Neil Papworth បានផ្ញើពាក្យ "រីករាយបុណ្យណូអែល" ឬ (merry Christmas) ពីកុំព្យូទ័ររបស់គាត់ទៅកាន់ទូរស័ព្ទដៃចល័តដែលជាកម្មសិទ្ធិរបស់នាយកក្រុមហ៊ុន Vodafone លោក Richard Jarvis ។ បន្ទាប់ពីនោះមក កំណើននៃការផ្ញើរសារក៏ចាប់ផ្តើមប្រើប្រាស់ នៅជុំវិញពិភពលោក ។</span></span></p>
<p><span style="color: #000000;">មុនពេលដែលស្មាតហ្វូនត្រូវបានបង្កើត មានមនុស្សត្រូវប្រើទូរសព្ទដៃបញ្ជាដោយប៊ូតុងក្នុងការបញ្ចូលអក្សរ ដោយមានការខុសប្លែកពីការចុចលើអេក្រង់នៃស្មាតហ្វូននាពេលបច្ចុប្បន្ននេះ ហើយប្រព័ន្ធនោះត្រូវបានគេឲ្យឈ្មោះថាប្រពន្ធ័ T9 ដែលតំណាងឲ្យអក្សរលើប៊ូតុងទាំង ៩ មុនមានការវិវត្តចូលស្មាតហ្វូនប្រើក្ដារចុច QWERTY ដូចជា BlackBerry, Moto Q, Palm Treo<a class="previewtooltip" href="https://www.phonearena.com/phones/Palm-Treo-700w--700wx_id1373" target="_self" data-id="1373" data-type="phone"></a> និងអ្វីផ្សេងៗជាច្រើនទៀត រហូតឈានដល់ការប្រើ Touch Screen ដូចសព្វថ្ងៃនេះផងដែរ ។</span></p>
<p><a class="thickbox" title="" href="/FileManager/Commons/2017/12/5/1-05-12-2017--14-26-43.png"><img src="/FileManager/Articles/mce/2017/12/5/1-05-12-2017--14-26-43.png" alt="" /></a></p>
<p><span style="color: #000000;">នៅក្នុងខែមិថុនា ឆ្នាំ ២០០០ សារចំនួន ១២ លានត្រូវបានគេផ្ញើរជារៀងរាល់ខែនៅសហរដ្ឋអាមេរិក ។ នៅខែមិថុនាឆ្នាំ ២០០៦ តួលេខនេះមានរហូតដល់ ១២,៥ ពាន់លានហើយក៏បានកើនឡើងដល់ ៤៥ ពាន់លាន ជារៀងរាល់ខែ រហូតដល់ខែមិថុនា ឆ្នាំ ២០០៧ ។ ហើយនៅពេលដែលមានវត្តមាន iPhone ចាប់ផ្តើមបង្ហាញខ្លួននៅលើទីផ្សារបានរយៈពេល ពីរឆ្នាំក្រោយមកក៏មានចំនួន ១៦១ ពាន់លានសារត្រូវបានផ្ញើក្នុងរយៈពេលមួយខែ ។ </span></p>
<p><span style="color: #000000;">យោងតាមប្រភពផ្លូវការមួយបានបញ្ជាក់បន្ថែមទៀតថា គុណសម្បត្តិនៃការប្រើប្រាស់ SMS វាពិតជាអស្ចារ្យខ្លាំងមែនទែន ជាពិសេសគឺនៅពេលដែលយើងព្យាយាមហៅចេញទៅកាន់មិត្តភក្តិ ឬក្រុមគ្រួសារ ហើយពួកគាត់ជាប់រវល់មិនបានឆ្លើយតប ដូច្នេះហើយអ្នកអាចធ្វើការផ្ញើរសារចេញទៅពួកគាត់ ហើយនៅពេលដែលពួកគាត់បានឃើញ និងប្រញាប់តបមកអ្នកវិញតាមដែលអាចធ្វើទៅបាន ។ ហើយជាងនេះទៅទៀតគឺនៅមានគុណសម្បត្តិជាច្រើនទៀត ក្នុងការប្រើប្រាស់សេវាមួយនេះ ។ </span></p>
<p><span style="color: #000000;">គួរបញ្ជាក់ឲ្យដឹងថា គិតត្រឹមថ្ងៃទី ០៣ ធ្នូ ឆ្នាំ ២០១៧ នេះ គឺការបង្កើតសារដែលត្រូវបានផ្ញើរ និងជាទីពេញនិយមរបស់យើងនាពេលបច្ចុប្បន្ននេះ គឺត្រូវបានបង្កើតអស់រយៈពេលចំនួន ២៥ ឆ្នាំមកហើយ ៕</span></p>
<p><a class="thickbox" href="https://goo.gl/Kac8TY" target="_blank"><img src="/FileManager/Articles/mce/2017/12/5/mkn-05-12-2017--15-54-29.png" alt="" /></a></p>
<p style="text-align: right;"><span style="color: #000000;">ប្រែសម្រួល ៖ គន្ធា</span></p>
<p style="text-align: right;"><span style="color: #000000;">ប្រភព ៖ phonearena</span></p>