<p><span style="line-height: 1.8; color: #000000;"><strong>(ភ្នំពេញ)៖</strong> នៅក្នុងពិធីចែកសញ្ញាបត្រដល់និស្សិត សាកលវិទ្យាល័យជាតិគ្រប់គ្រងនាព្រឹកនេះ សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា បានរំលឹកឡើងវិញនូវជំនួបរបស់សម្តេច និងរដ្ឋមន្រ្តីក្រសួងការបរទេសអាមេរិក លោក John Kerry កាលពីថ្ងៃទី២៦ ខែមករា កន្លងទៅនោះ។ </span></p>
<p><span style="color: #000000;"><strong>សម្តេចតេជោ ហ៊ុន សែន បានរំលឹកដល់លោក John Kerry ថា អាមេរិក ល្មមផ្តល់យុត្តិធម៌ដល់កម្ពុជាហើយ រឿងជម្លោះសមុទ្រចិនខាងត្បូង។</strong></span></p>
<p><span style="color: #000000;">សម្តេចនាយករដ្ឋមន្រ្តី បានប្រាប់លោក John Kerry ទៀតថា សម្តេចអន់ចិត្តខ្លាំង ចំពោះការចោទប្រកាន់កម្ពុជាថា មានភាពលំអៀងទៅរកចិន ទើបមិនអាចចេញសេចក្តីថ្លែងការណ៍រួមលើ COC ក្នុងពេលកម្ពុជាធ្វើជាម្ចាស់ផ្ទះនៃកិច្ចប្រជុំកំពូលអាស៊ានកាលពីចុងឆ្នាំ២០១២។</span></p>
<p><span style="color: #000000;">សម្តេចតេជោ បានបញ្ជាក់ថា ត្រូវតែបញ្ជាក់បញ្ហានេះឲ្យបានច្បាស់មុននឹងសម្តេចអញ្ជើញទៅចូលរួមកិច្ចប្រជុំកំពូលអាមេរិក-អាស៊ាន នាថ្ងៃទី១៥-១៦ ខែកុម្ភៈ នេះនៅកាលីហ្វញ៉ា សហរដ្ឋអាមេរិក។</span></p>
<p><span style="color: #000000;">សម្តេចតេជោ ក៏បានថ្លែងរិះគន់ផងដែរ ទៅដល់អ្នកវិភាគថា កម្ពុជាខ្លាចចិនអន់ចិត្ត ទើបជំរុញមានដំណើរទស្សនកិច្ចឧបនាយករដ្ឋមន្រ្តី រដ្ឋមន្រ្តីក្រសួង ការបរទេសកម្ពុជា លោក ហោ ណាំហុង ទៅកាន់ប្រទេសចិន៕</span></p>
<p><span style="color: #000000;"><a class="thickbox" title="" href="/FileManager/Commons/2016/2/5/10e-05-02-2016--09-06-09.jpg"><span style="color: #000000;"><img src="/FileManager/Articles/mce/2016/2/5/10e-05-02-2016--09-06-09.jpg" alt="" /></span></a></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>