<p><span style="color: #000000;"><strong>(ភ្នំពេញ)៖</strong> ការិយាល័យធនធានមនុស្សរបស់អង្គការសហប្រជាជាតិ (អ.ស.ប) នៅថ្ងៃទី១៤ ខែធ្នូ ឆ្នាំ២០១៦ នឹងរៀបចំការប្រឡង « កម្មវិធីវិជ្ជាជីវៈវ័យក្មេង» ដើម្បីជ្រើសរើសបេក្ខជន បេក្ខនារីវ័យក្មេង និងមានសមត្ថភាព ពីបណ្តាប្រទេសសមាជិករបស់អង្គការសហប្រ ជាជាតិ ទៅបម្រើការងារនៅលេខាធិការដ្ឋានអង្គការសហប្រជាជាតិ។</span></p>
<p><span style="color: #000000;">លោក ជុំ សុន្ទរី អ្នកនាំពាក្យក្រសួងការបរទេសកម្ពុជា បានប្រាប់ Fresh News តាមទូរស័ព្ទនៅព្រឹកថ្ងៃសុក្រ ទី១៨ ខែមីនា ឆ្នាំ២០ ១៦ ការរៀបចំប្រឡងនេះ គឺជាឱកាសមួយសម្រាប់យុវជន យុវនារីខ្មែរ ដើម្បីទៅបម្រើការងារនៅស្ថាប័នកំពូលរបស់ពិភពលោក។ អ្នកនាំពាក្យរូបនេះ បានអំពាវនាវឲ្យយុវជន យុវនារីខ្មែរ ចូលរួមដាក់ពាក្យប្រឡងប្រជែងឲ្យបានច្រើន។</span></p>
<p><span style="color: #000000;">លោកបានថ្លែងបញ្ជាក់ថា <strong>«វាជាមោទនភាពមួយសម្រាប់កម្ពុជា នៅពេលដែលយើងមានប្រជាពលរដ្ឋច្រើនធ្វើការងារនៅក្នុងអង្គការ សហប្រជាជាតិ»</strong>។</span></p>
<p><span style="color: #000000;">យោងតាមសេចក្តីប្រកាសព័ត៌មានរបស់ក្រសួងការបរទេសនាព្រឹកថ្ងៃទី១៨ ខែមីនា ឆ្នាំ២០១៦ បានឲ្យដឹងថា«កម្មវិធីវិជ្ជាជីវៈវ័យក្មេង » ត្រូវបានអនុម័តក្នុងសម័យប្រជុំលើកទី៦៥ ឆ្នាំ២០១០ របស់មហាសន្និបាត អ.ស.ប ហើយមានគោលដៅកែលំអ «តំណាងតាមភូមិ សាស្រ្ត» របស់បណ្តាប្រទេសសមាជិក នៅក្នុងលេខាធិការដ្ឋាន។</span></p>
<p><span style="color: #000000;">បច្ចុប្បន្នមានពលរដ្ឋកម្ពុជា ០៤នាក់ (ប្រុស ០២នាក់ និងស្រី ០២នាក់) កំពុងធ្វើការងារនៅក្នុងលេខាធិការដ្ឋាន អ.ស.ប នៅទីក្រុងញូ វយ៉ក៕</span></p>
<p><span style="color: #000000;"><a class="thickbox" title="" href="/FileManager/Commons/2016/3/18/47-18-03-2016--13-43-35.jpg"><img src="/FileManager/Articles/mce/2016/3/18/47-18-03-2016--13-43-35.jpg" alt="" /></a><br /></span></p>
<p> </p>
<p style="padding: 0px 0px 12px; margin: 0px; border: 0px; outline: 0px; font-size: 12px; text-align: right; background: transparent;"><span style="padding: 0px; margin: 0px; border: 0px; outline: 0px; font-size: 12px; color: #000000; background: transparent;">ផ្តល់សិទ្ធដោយ ៖ ហ្វ្រេសញូវអាស៊ី</span></p>