<p><span style="color: #000000;"><strong>ភ្នំពេញ៖</strong> ក្រោយលទ្ធផលប្រឡងបាក់ឌុប ត្រូវបានលាត ត្រដាងថាធ្លាក់នោះ កញ្ញា ធី សុវណ្ណថា ដែលជាយុវជន សកម្មក្នុងការតវ៉ា និងជួយរកសំឡេងឆ្នោតឲ្យគណបក្សសង្រ្គោះជាតិនោះ បានសម្តែងការខកចិត្តខ្លាំង ចំពោះលទ្ធ ផលនៃការប្រឡងបាក់ឌុប ឆ្នាំ២០១៥នេះ ហើយហៅការប្រឡងធ្លាក់នេះ ជារឿងអាម៉ាស់បំផុតសម្រាប់កញ្ញា។ កញ្ញា ធី សុវណ្ណថា ប្រកាសថា មិនធ្វើការប្រឆាំងតវ៉ាអ្វីឡើយ តែអំពាវនាវសុំពិនិត្យលើកំណែវិញ្ញាសារបស់នាង។</span></p>
<p><span style="color: #000000;">នៅក្រោយការប្រកាសលទ្ធផលបាក់ឌុប តែប៉ុន្មាននាទីប៉ុណ្ណោះ កញ្ញា ធី សុវណ្ណថា បានសរសេរថ្លែងរៀបរាប់ពីការ ខកចិត្ត និងការខិតខំរបស់ខ្លួនសម្រាប់ការប្រឡងបាក់ឌុបនេះ នៅលើទំព័រហ្វេសប៊ុករបស់កញ្ញាថា «សុំទោសបង ប្អូន អ្នកគាំទ្រទាំងអស់គ្នាលទ្ធផលខ្ញុំ (ធ្លាក់) ពេលនេះខ្ញុំមិនអាចទប់ទឹកភ្នែកខ្លួនឯងបានទេ ខ្ញុំបានខំប្រឹងអស់លទ្ធ ភាពហើយ។ ឆ្នាំមុនខ្ញុំដឹងថា កាប្រឡងតឹង ខ្ញុំបានខំរៀនតាំងពីដើមឆ្នាំ និងរៀនបំប៉នទាំងយប់ថ្ងៃជាច្រើន ខ្ញុំបានធ្វើ កិច្ចការមនុស្សធម៌ច្រើន តែខ្ញុំធ្វើថ្ងៃឈប់សម្រាកប៉ុណ្ណោះ។ តែនៅទីបំផុត ខ្ញុំនៅតែ (ធ្លាក់) នេះគឺជាការឈឺចាប់ អា ម៉ាសបំផុត»។</span></p>
<p><span style="color: #000000;">កញ្ញា បានបន្ថែមថា «ខ្ញុំមិនប្រឆាំងតវ៉ា និងមិនធ្វើបាតុកម្ម ប្រឆាំងលទ្ធផលប្រឡងនេះទេ។ តែខ្ញុំនឹងស្នើសុំក្រសួង អប់រំ ដើម្បីពិនិត្យកំណែវិញ្ញាសាររបស់ខ្ញុំ»។</span></p>
<p><span style="color: #000000;">សូមបញ្ជាក់ថា នៅរាជធានីភ្នំពេញ មានសិស្សប្រឡងជាប់បាក់ឌុបសរុបចំនួន ៩.៤៩៩នាក់ ក្នុងនោះមានស្រី ៤.៨១៣នាក់ បានប្រឡងជាប់ ក្នុងចំណោមបេក្ខជនប្រឡងសរុប ១៦.៥៨២នាក់។ កញ្ញា ធី សុវណ្ណថា ប្រឡង នៅក្នុងមណ្ឌលប្រឡងវត្តកោះ បន្ទប់លេខ១៨ លេខតុ៤៣២ នៅជុំវិញកញ្ញា មានបេក្ខជនជាច្រើនដទៃទៀត ក៏ប្រ ឡងធ្លាក់ដែរ។ មានតែបេក្ខនារីម្នាក់ប៉ុណ្ណោះ ដែលមានលេខតុនៅលើកញ្ញា ធី សុវណ្ណថា គឺកញ្ញា ធី សុខ ហ័ង បានប្រឡងជាប់។</span></p>
<p><span style="color: #000000;">កញ្ញា ធី សុវណ្ណថា ជាយុវតីវ័យក្មេងមួយរូប ដែលត្រូវបានគេមើលឃើញថា ក្នុងវ័យសិក្សារបស់កញ្ញា បានចំ ណាយពេលច្រើនបំផុត ក្នុងសកម្មភាពនយោបាយ ជាពិសេសក្នុងយុទ្ធនាការស្វែងរកសំឡេងឆ្នោតរបស់គណបក្ស សង្រ្គោះជាតិកាលពីឆ្នាំ២០១៣កន្លងទៅ។ ក្រៅពីយុទ្ធនាការឃោសនារកសំឡេងឆ្នោត កញ្ញា ធី សុវណ្ណថា ត្រូវ បានគេមើលឃើញថា កញ្ញា បានចំណាយពេលចូលរួមក្នុងសកម្មភាពតវ៉ា ក្បួនបាតុកម្មនានាជាច្រើនទាំងក្នុងរាជ ធានីភ្នំពេញ និងតាមបណ្តាខេត្ត។</span></p>
<p><span style="color: #000000;">ព្រោះតែភាពមមាញឹកជាមួយសកម្មភាពនយោបាយ និងសកម្មភាពតវ៉ានានានេះហើយ ដែលអាចជាដើមចមធ្វើឲ្យ កញ្ញា ដ៏ស្រស់សោភារូបនេះ គ្មានពេលវេលាគ្រប់គ្រាន់សម្រាប់សិក្សា និង ឈានដល់ការបរាជ័យសម្រាប់បាក់ឌុប ឆ្នាំនេះ៕</span></p>
<p><span style="color: #000000;"><img src="http://image.dap-news.com:81/dap-news/dap-images/2015/september/id-009/SR-080.jpg" alt="" width="560" /></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>