<p><span style="color: #000000;"><strong>(ប៉ារីស)៖</strong> អាជ្ញាធរបារាំងបានឲ្យដឹង នៅថ្ងៃចន្ទនេះថា មនុស្ស ១៦នាក់ត្រូវបានចាប់ខ្លួន នៅក្នុងក្របខណ្ឌនៃការស៊ើបអង្កេត ជាប់ពាក់ព័ន្ធនឹងជនសង្ស័យ ក្នុងអំពើប្លន់តារាសម្ដែងអាមេរិកនាង Kim Kardashian នៅទីក្រុងប៉ារីស កាលពីខែតុលា ឆ្នាំ២០១៦។ នេះបើតាមការចេញផ្សាយ ដោយសារព័ត៌មាន BBC នៅល្ងាចថ្ងៃចន្ទ ទី០៩ ខែមករា ឆ្នាំ២០១៧។</span></p>
<p><span style="color: #000000;">ប្រភពដដែលបានបញ្ជាក់ទៀតថា នាង Kim Kardashian ត្រូវបានបុរសពីរនាក់ស្លៀកពាក់បន្លំជាមន្ត្រីប៉ូលិស យកកាំភ្លើងភ្ជង់ប្លន់ មុននឹងចាប់ចង ហើយចាក់សោរឃុំរូបនាង នៅក្នុងបន្ទប់ទឹក នៅឯសណ្ឋាគារដ៏ប្រណិតមួយកន្លែង ក្នុងទីក្រុងប៉ារីស។</span></p>
<p><span style="color: #000000;">គួរបញ្ជាក់ថា ចោរប្លន់ទាំងពីរនាក់នេះ បានរត់គេចខ្លួនជាមួយគ្រឿងអលង្កា មានតំលៃជាច្រើនដែលគិតទឹកប្រាក់ប្រមាណ ១០លានអឺរ៉ូ ឬស្មើនឹងជាង ១០.៥លានដុល្លារអាមេរិក។ នាង Kim Kardashian បានធ្វើដំណើរទៅកាន់ទីក្រុងប៉ារីស កាលពីខែតុលា ឆ្នាំ២០១៦ ដើម្បីចូលរួមក្នុងពិធីបង្ហាញម៉ូត Paris Fashion Week៕</span></p>
<p><span style="color: #000000;"><a class="thickbox" title="" href="/FileManager/Commons/2017/1/10/16-10-01-2017--09-43-53.jpg"><img src="/FileManager/Articles/mce/2017/1/10/16-10-01-2017--09-43-53.jpg" alt="" /></a><br /><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>