<p><span style="font-size: 12px; color: #000000;">អ្នកទេសចរណ៍ជនជាតិអាមេរិកម្នាក់បានស្លាប់នៅតំបន់ដាច់ស្រយាលក្នុងប្រទេសអូស្ត្រាលីខណៈពេលដែលគាត់ឡើងភ្នំចំពេលដែលអាកាសធាតុកំពុងតែមានការឡើងខ្លាំង។</span></p>
<p><span style="font-size: 12px; color: #000000;">ប៉ូលីសប្រចាំការនៅតំបន់ភាគខាងជើងរបស់ប្រទេសអូស្ត្រលីបានរៀបរាប់ប្រាប់ថា គាត់បានចេញដើរល្បាតតាំងពីព្រលឹមទៅកាន់ភ្នំ Sonder ជាមួយមិត្តរួមការងាររបស់គាត់ ប៉ុន្តែរឿងគួរឲ្យភ្ញាក់ផ្អើលនោះគឺ ពួកគាត់បានរកឃើញសាកសពបុរសវ័យកណ្តាលអាយុ ៣៣ឆ្នាំម្នាក់នៅចុងផ្លូវ Larapinta នៅថ្ងៃទី ១០ ខែមករា កន្លងទៅនេះ។</span></p>
<p><a class="thickbox" title="" href="/FileManager/Commons/2018/1/11/1-11-01-2018--13-28-12.png"><img src="/FileManager/Articles/mce/2018/1/11/1-11-01-2018--13-28-12.png" alt="" /></a></p>
<p><span style="color: #000000;">សាកសពរបស់គាត់ត្រូវបានរកឃើញនៅកន្លែងមួយដែលមានចម្ងាយ ៧៥០ម៉ែត្រពីកន្លែងចតរថយន្ត។</span></p>
<p><span style="color: #000000;">លោក Supt Rob Burgoyne បាននិយាយថា ភ្នំ Sonder មានរយៈកម្ពស់ប្រមាណ ១ ៣០០ម៉ែត្រ ហើយបើយើងធ្វើដំណើរថ្មើរជើងទៅនិងត្រលប់មកវិញ គឺមានចម្ងាយប្រមាណ ១៦គីឡូម៉ែត្រ។ ហើយផ្លូវ Larapinta មានប្រវែងរហូតទៅដល់ ២២៣ គីឡូម៉ែត្រ វាជាផ្លូវដ៏ពេញនិយមបំផុតនៃភាគខាងលិចរបស់ទីក្រុង Alice Springs ដែលសម្បូរទៅដោយព្រៃឈើច្រើនជាងគេ ប៉ុន្តែនៅថ្ងៃពុធ ទី១០ ខែមករា គឺមានសីតុណ្ហភាពកើនឡើងខ្លាំងរហូតទៅដល់ ៤២អង់ស្សាសេ។</span></p>
<p><span style="color: #000000;"><a class="thickbox" title="" href="/FileManager/Commons/2018/1/11/2-11-01-2018--13-28-23.png"><img src="/FileManager/Articles/mce/2018/1/11/2-11-01-2018--13-28-23.png" alt="" /></a><br /></span></p>
<p><span style="color: #000000;">ខាងប៉ូលីសបាននិយាយថា ស្ថានកុងស៊ុលរបស់អាមេរិកបានមកបញ្ជាក់អត្តសញ្ញាណរបស់សាកសព និងធ្វើរបាយការណ៍ដើម្បីរៀបចំការធ្វើកោសល្យវិច្ច័យឲ្យបានច្បាស់លាស់ ៕ </span></p>
<p><span style="color: #000000;"><a class="c_tab" href="http://mekongnet.com.kh/pages/SpecialOfferCamnews.aspx" target="_blank"><img src="/FileManager/Articles/mce/2018/1/11/mkn-11-01-2018--13-28-48.png" alt="" /></a></span></p>
<p style="text-align: right;"><span style="color: #000000; font-size: 12px; text-align: right;">ប្រែសម្រួល ៖ ច័ន្ទ</span></p>
<p style="text-align: right;"><span style="color: #000000;">ប្រភព ៖ ប៊ីប៊ីសុី </span></p>