<p><span style="color: #000000;"><strong>(ភ្នំពេញ)៖</strong> ភ្លាមៗក្រោយបទថ្មី «ស្នេហ៍ឯកា» របស់លោក ព្រាប សុវត្ថិ បានចេញ MV ជាផ្លូវការមានអ្នកគាំទ្រជាច្រើនពេញចិត្តជាខ្លាំងលើបទចម្រៀង និងសាច់រឿងដ៏ជក់ចិត្ត និងកំសត់មួយនេះ។ ដំណើរសាច់រឿងនៃ MV «ស្នេហ៍ឯកា» ហាក់នៅមិនទាន់អាចបំពេញចិត្ត របស់អ្នកគាំទ្របានទាំងស្រុង នៅឡើយទេ។ ដោយសារតែពួកគាត់ចង់ឲ្យក្រុមហ៊ុន រស្មីហង្សមាស ថតវគ្គបន្តទៀត ដើម្បីបញ្ចប់សាច់រឿងនេះ ហើយឲ្យតួអង្គទាំងពីរបានជួបគ្នា។</span></p>
<p><span style="color: #000000;">បើអ្នកទស្សនាបានមើល MV បទចំរៀងមួយនេះ នឹងយល់ថា ហេតុអ្វីបានជាអ្នកគាំទ្រភាគច្រើនចង់ឲ្យថតវគ្គបន្ត នៅក្នុងសាច់រឿងមួយនេះ?</span></p>
<p><span style="color: #000000;">អ្នកគាំទ្រនៅលើ Facebook ម្នាក់បានពិព័ណនាឲ្យដឹងថា<strong> «សាច់រឿងនៃចំរៀង១បទនេះ ស្តាប់ហើយមើលហើយ គឺញ៉ុកដើមទ្រូងខ្ញុំបាត់។ ប្រសិនបើសាច់រឿងនេះ នៅមានវគ្គបន្ត សុំឲ្យអ្នកដឹងនាំក្រុមហ៊ុន ហង្សមាស និងអ្នកដឹងនាំសម្តែងឲ្យតួអង្គទាំងពីនាក់នេះបានជួបគ្នា។ តែត្រូវឲ្យខាងតួឯកស្រី មករកលោក ព្រាប សុវត្ថិ ដល់ស្រុកស្រែចំការ ពេលគាត់កំពុងធ្វើស្រែជាមួយម្ចាស់របស់គាត់ដ៏កំសត់របស់គាត់។ ហេតុអី្វ? ព្រោះតួអង្គស្រីមិនពេញចិត្ត នឹងតួអង្គទី៣នោះទេ បញ្ជាក់តួអង្គទី៣ ចិត្តគាត់មិនស្មោះទេ។ ព្រោះឃើញភ្លាមចាប់ដៃអោបភ្លាម»</strong>។</span></p>
<p><span style="color: #000000;">បទ «ស្នេហ៍ឯកា» គឺជារឿងពិតដែលកើតឡើង ក្នុងសង្គមបច្ចុប្បន្ន ដូច្នេះកំពូលតារាចម្រៀងលោក ព្រាប សុវត្ថិ បានយកមកបកស្រាយ និងសម្តែងដើម្បីឱ្យ មនុស្សគ្រប់រូបបានយល់ពី តម្លៃនៃសេចក្តីស្នេហា ការលះបង់ សម្រាប់មនុស្ស ដែលខ្លួនស្រលាញ់។ ពិតជាកំសត់មែន ប៉ុន្តែសាច់រឿងមួយនេះ ហាក់ដូចជា នៅមិនទាន់ដល់ទីបញ្ចប់នៃសាច់រឿងនៅឡើយទេ ហាក់ដូចជា អ្នកនិពន្ធបន្សល់ទុកនៅចម្ងល់ជាច្រើនទៀតជូនអ្នកទស្សនា។</span></p>
<p><span style="color: #000000;">តើក្រុមហ៊ុនរស្មីហង្សមាស នឹងថតវគ្គបន្ត ដើម្បីបញ្ចប់សាច់រឿងមួយនេះ ទៅតាមតម្រូវការរបស់អ្នកគាំទ្រស្នើសុំ ឬយ៉ាងណា ក្រោយមានការសំណូមពរ?។ MV ថ្មីរបស់លោក ព្រាប សុវត្ថិ «ស្នេហ៍ឯកា» ទោះបីជាទើបចេញជាផ្លូវការ ប៉ុន្តែសន្ទុះនៃការគាំទ្របទចំរៀងមួយបទនេះ មានការគាំទ្រខ្លាំងលើសពីការរំពឹងទុក៕</span></p>
<p><span style="color: #000000;"><iframe src="https://www.facebook.com/plugins/video.php?href=https%3A%2F%2Fwww.facebook.com%2Ffreshnewsasia%2Fvideos%2F682927101879084%2F&show_text=0&width=730" frameborder="0" width="500" height="400"></iframe></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>