<p><span style="color: #000000;"><strong>(ភ្នំពេញ)៖</strong> ក្រសួងព័ត៌មាន បានចេញសេចក្តីប្រកាសពីសិទ្ធិផ្តាច់មុខនៃការផ្សាយបន្តផ្ទាល់ពីព្រឹត្តិការណ៍បាល់ទាត់ពាន រង្វាន់ប្រចាំទ្វីបអឺរ៉ុប Euro 2016 ដែលចាប់ផ្តើមនាខែក្រោយនេះ នៅប្រទេសបារាំង របស់ក្រុមហ៊ុន Cambodian Broadcasting Service Co., Ltd។</span></p>
<p><span style="color: #000000;">ក្នុងលិខិតដែលបានចុះហត្ថលេខាដោយរដ្ឋមន្រ្តីក្រសួងព័ត៌មានលោក ខៀវ កាញារីទ្ធ ដែលអង្គភាព Fresh News ទទួលបាននៅរសៀលថ្ងៃទី២៦ ឧសភានេះគឺជាកិច្ចព្រមព្រៀងផ្តល់សិទ្ធិផ្តាច់មុខរបស់ក្រុមហ៊ុន GMM B Company Limited ជាមួយក្រុមហ៊ុន Cambodian Broadcasting Service Co.,Ltd របស់ព្រះរាជាណាចក្រកម្ពុជា ដើម្បីមានសិទ្ធិស្របច្បាប់ ក្នុងការផ្សព្វផ្សាយតាមស្ថានីយ៍ទូរទស្សន៍ CTN, CNC និង MyTV ចាប់ពីថ្ងៃទី១១ ខែមិថុនា ដល់ថ្ងៃទី១១ ខែកក្កដា ឆ្នាំ២០១៦ ដោយពុំអនុញ្ញាតឲ្យស្ថានីយ៍ទូរទស្សន៍ ទូរទស្សន៍ខ្សែកាបណា និងទូរទស្សន៍គ្រប់ ប្រភេទទាំងអស់ធ្វើការផ្សាយបន្តផ្ទាល់កម្មវិធីប្រកួតបាល់ទាត់នេះទេ លើកលែងតែទទួលបានសិទ្ធិស្របច្បាប់ពីម្ចាស់ដើមផ្សេងទៀត ។</span></p>
<p><span style="color: #000000;">សូមបញ្ជាក់ផងដែរថា ព្រឹត្តិការណ៍ប្រកួតបាល់ទាត់ពានរង្វាន់ជើងឯកប្រចាំទ្វីបអឺរ៉ុប UEFA Euro 2016 លើកទី១៥ ឆ្នាំ២០១៦ ដែលមានប្រទេសបារាំងធ្វើម្ចាស់ផ្ទះនោះ នឹងចាប់ផ្តើមបើកការប្រកួតជាផ្លូវការនៅថ្ងៃទី១០ ខែមិថុនា និងបន្តរហូតដល់ថ្ងៃទី១១ ខែកក្កដាទើបចប់ មានរយៈពេល១ខែពេញដោយមាន ២៤ក្រុមជម្រើសជាតិចូលរួម ស្មើនឹង៥១ប្រកួត ។</span></p>
<p><span style="color: #000000;"><strong>សូមអានលិខិតមានដូចខាងក្រោម៖</strong></span></p>
<p><span style="color: #000000;"><strong><br /><a class="thickbox" title="" href="/FileManager/Commons/2016/5/26/3-26-05-2016--16-32-49.png"><img src="/FileManager/Articles/mce/2016/5/26/3-26-05-2016--16-32-49.png" alt="" /></a><br /></strong></span></p>
<div></div>
<div style="text-align: right;"><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></div>