<p><span style="color: #000000;">ព័ត៌មានអន្តរជាតិ ៖ <span style="font-size: 12px;">ប្រធានាធិបតីសហរដ្ឋអាមេរិក លោក Trump កំពុងពិចារណាដើម្បីរំលាយតុលាការ Ninth Circuit Court បន្ទាប់ពីចៅក្រមតុលាការសហព័ន្ធមូលដ្ឋានមួយ ស្ថិតក្នុងដែនសមត្ថកិច្ចរបស់ខ្លួន បានរារាំងបទបញ្ជារបស់លោក ក្នុងការដកហូតមូលនិធិពី«បណ្តាទីក្រុងទីសក្ការៈ» មកវិញ។</span></span></p>
<p><span style="color: #000000;">នៅក្នុងកិច្ចសម្ភាសន៍ ជាមួយសារព័ត៌មាននយោបាយ Washington Examiner កាលពីថ្ងៃពុធ លោក Trump បាននិយាយថា៖ "មានមនុស្សជាច្រើន ដែលប្រាថ្នាចង់រំលាយតុលាការ Ninth Circuit នេះចោល ដោយសារតែតុលាការនេះ មានភាពគគ្លើនខ្លាំងពេក»។</span></p>
<p><span style="color: #000000;">លោក Trump បាននិយាយថា៖ "ខ្ញុំចង់បានន័យថា ភាសា ដែលប្រើ នៅលើបទបញ្ជាហាមប្រាម វាងាយស្រួលអានខ្លាំងណាស់ ដែលសិស្សពូកែថ្នាក់ទី១ នឹងអាចយល់ពីវាបានយ៉ាងច្បាស់លាស់។ ហើយចៅក្រមទាំងនោះ មិនសូម្បីតែនិយាយពីហេតុផល នៅពីក្រោយការច្រានចោលរបស់ពួកគេ ចំពោះបទបញ្ជាហាមប្រាមរបស់លោក»។</span></p>
<p> </p>
<p><span style="color: #000000;">លោក Trump បានអះអាងថា តុលាការបានប្រព្រឹត្ដហួសសមត្ថកិច្ចរបស់ខ្លួន ហើយថា ក្រុមប្រឆាំងរបស់លោក បានរត់ទៅរកតុលាការភ្លាមៗ ដើម្បីស្នើសុំឱ្យតុលាការចេញសេចក្ដីសម្រេច "ពាក់កណ្តាលស្វ័យត"នេះ ។</span></p>
<p><span style="color: #000000;">កាលពីដើមឆ្នាំនេះ តុលាការ Ninth Circuit បានបិទ បទបញ្ជាស្ថាប័ននីតិប្រតិបត្តិរបស់លោក Trump ដែលហាមប្រាម ចំពោះការធ្វើអន្តោប្រវេសន៍ មកពីប្រទេសម៉ូស្លីមមួយចំនួន និងបានហាមឃាត់មិនឱ្យជនភៀសខ្លួនស៊ីរីទាំងអស់ ភៀសខ្លួនចូលមកទឹកដីសហរដ្ឋអាមេរិកមួយរយៈ ។</span></p>
<p><span style="color: #000000;">កាលពីដើមថ្ងៃពុធ លោក Trump បានថ្លែងប្រឆាំងនឹងតុលាការ Ninth Circuit ចំពោះរឿង ដែលចៅក្រម បានបិទបទបញ្ជារបស់លោក ក្នុងការកាត់ទុកមូលនិធិពីទីក្រុងសក្ការៈនានា។</span></p>
<p><span style="color: #000000;"><br /><a class="thickbox" title="" href="/FileManager/Commons/2017/4/27/1-27-04-2017--16-24-27.png"><img src="/FileManager/Articles/mce/2017/4/27/1-27-04-2017--16-24-27.png" alt="" /></a></span></p>
<p><span style="color: #000000;">ប្រសិនបើលោក Trump សម្រេចចិត្តបន្តផែនការដើម្បីរំលាយតុលាការនេះ លោកនឹងមានការគាំទ្រពីគណបក្សសាធារណរដ្ឋ។ កាលពីដើមឆ្នាំនេះ លោក Sen Jeff Flake (R-Ariz ) បានសម្តែងការគាំទ្រ ចំពោះការរំលាយតុលាការ ដែលត្រូវបានគេមើលឃើញថា ជាតុលាការមួយ ដែលមានសេរីបំផុត នៅក្នុងប្រទេសនេះ។</span></p>
<p><span style="color: #000000;">កាលពីថ្ងៃអង្គារ ចៅក្រមសហព័ន្ធ បានច្រានចោលបទបញ្ជារបស់ Trump ក្នុងការដកយកមូលនិធិ ពីទីក្រុងសក្ការៈនានា ដោយអះអាងថា សេតវិមាន មានតម្រូវការលើសលប់ពេក ដែលប្រាសចាកនឹងការអនុវត្តច្បាប់។</span></p>
<p><span style="color: #000000;">តុលាការ Ninth Circuit Court មានសមត្ថកិច្ចទៅលើរដ្ឋមួយចំនួនដូចជា Arizona, California, Alaska, Nevada, Idaho, Oregon, Montana, Washington, Hawaii, Guam និងកោះ Northern Mariana Islands។ ចៅក្រម ១៨ រូប ក្នុងចំណោម ២៥ រូប ត្រូវបានតែងតាំង ដោយប្រធានាធិបតីប្រជាធិបតេយ្យ៕ </span></p>
<p style="text-align: right;"><span style="color: #000000;">ប្រែសម្រួល៖ ដេវីដ</span></p>
<p> </p>
<p style="text-align: right;"><span style="color: #000000; font-size: 12px; text-align: right;">ប្រភព៖ The Hill</span></p>
<p> </p>