<p><span style="color: #000000;"><strong>(ភ្នំពេញ)៖</strong> លោក ហ៊ឹម យ៉ាន អគ្គស្នងការរងនគរបាលជាតិ បានថ្លែងថា ពេលនេះក្រសួងពាក់ព័ន្ធ បានបញ្ចប់ការធ្វើសេចក្តីព្រាងវិសោធនកម្ម ច្បាប់ចរាចរណ៍ផ្លូវគោកហើយ ដោយមានការកែប្រែឡើងវិញ ចំនួន៥មាត្រា។</span></p>
<p><span style="color: #000000;"><strong>មាត្រាចំនួន៥នោះរួមមាន មាត្រា៨ មាត្រាទី៤០ មាត្រា៤១ មាត្រា៤៨ និងមាត្រា៩០ នៃច្បាប់ចរាចរណ៍ផ្លូវគោក ។</strong></span></p>
<p><span style="color: #000000;">ថ្លែងបន្ទាប់ពីកិច្ចប្រជុំត្រួតពិនិត្យការអនុវត្តច្បាប់ចរាចរណ៍ផ្លូវគោក នៅក្រសួងមហាផ្ទៃ នាល្ងាចថ្ងៃទី២១ ខែមករា ឆ្នាំ២០១៦នេះ លោក ហ៊ឹម យ៉ាន បានបញ្ជាក់ថា ពេលនេះក្រសួងពាក់ព័ន្ធដែលជា ក្រុមការងារសម្រាប់រៀបចំវិសោធនកម្មច្បាប់ ស្តីពីចរាចរណ៍ផ្លូវគោក បានបញ្ចប់ការកែសម្រួល ច្បាប់ចរាចរណ៍ហើយ ដោយត្រៀមនឹងដាក់បញ្ចូនទៅគណៈរដ្ឋមន្រ្តីដើម្បីអនុម័ត។ ទោះជាយ៉ាងណា លោកមិនទាន់ដឹងពីការកំណត់ពេលបញ្ចូលទៅគណៈរដ្ឋមន្រ្តី នៅឡើយទេ។</span></p>
<p><span style="color: #000000;">សូមបញ្ជាក់ថា កាលពីថ្ងៃទី១០ ខែមករា ឆ្នាំ២០១៦ កន្លងទៅ សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងជាប្រធានគណៈកម្មាធិការជាតិសុវត្ថិភាពចរាចរណ៍ផ្លូវគោក បានបង្កើតក្រុមការងារសម្រាប់រៀបចំវិសោធនកម្មច្បាប់ ស្តីពីចរាចរណ៍ផ្លូវគោកផ្លូវ ដែលប្រជាពលរដ្ឋមានប្រតិកម្ម បន្ទាប់ពីអនុវត្តបានប៉ុន្មានថ្ងៃ។</span></p>
<p><span style="color: #000000;">លោក ហ៊ឹម យ៉ាន បាននិយាយថា សម្រាប់ការធ្វើសេចក្តីព្រាងវិសោធនកម្មនេះ ក្រុមការងារអន្តរក្រសួងបានលុបចោលនូវបញ្ញតិដែលតម្រូវ ឱ្យធ្វើបណ្ណបើកបរម៉ូតូប្រភេទ«ក១» ដោយទុកតែប្រភេទ«ក» ដែលមានកម្លាំងលើសពី១២៥CC ឡើងទៅប៉ុណ្ណោះ។ ក្រៅពីនោះមានការកែសម្រួលទៅលើការពាក់ខ្សែក្រវ៉ាត់ផ្នែកខាងក្រោយ គឺអនុវត្តនៅ៥ឆ្នាំទៀត និងការផ្ទេរកម្មសិទ្ធិយានយន្តជាដើម៕</span></p>
<p><span style="color: #000000;"><a class="thickbox" title="" href="/FileManager/Commons/2016/1/22/1-22-2016-8-57-49-am-22-01-2016--09-05-04.png"><span style="color: #000000;"><img src="/FileManager/Articles/mce/2016/1/22/1-22-2016-8-57-49-am-22-01-2016--09-05-04.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្វ្រេសញ៉ូវអាស៊ី</span></p>