<p><span style="color: #000000;"><strong>(ភ្នំពេញ)៖</strong> តារាចម្រៀងសញ្ជាតិខ្មែរ-អាមេរិក កញ្ញា ឡូរ៉ា ម៉ម ត្រៀមថត MV បទថ្មី «For My People» នៅពេលសម្តែងលើឆាកតន្ត្រីសង្រ្កាន្តកម្ពុជា នៅខេត្តសៀមរាប ដើម្បីអបអរសាទរពិធីបុណ្យ ចូលឆ្នាំខ្មែរខាងមុខនេះ។</span></p>
<p><span style="color: #000000;">តន្ត្រីសង្រ្កាន្តកម្ពុជា ដែលរៀបចំឡើងដោយស្រាបៀរកម្ពុជា នឹងធ្វើឡើងនៅតាមលើផ្លូវ King’s Road ខេត្តសៀមរាប ចាប់ពីថ្ងៃទី១៤ ដល់ថ្ងៃទី១៦ ខែមេសានេះ។</span></p>
<p><span style="color: #000000;">ក្រៅពីឡូរ៉ា ម៉ម តន្រ្តីសង្រ្កាន្តកម្ពុជានឹងចូលរួមសម្តែង ដោយសិល្បករខ្មែរដែលនិពន្ធ និង ច្រៀងបទ original របស់ខ្លួន រួមមានម្ចាស់បទ «Baby, I’m Sorry» លោក Jimmy Kiss និងក្រុមចម្រៀងរែប (rap) ក្មេងខ្មែរ។</span><br /> <br /><span style="color: #000000;">កញ្ញា ឡូរ៉ា បានឲ្យដឹងថា <strong>«ខ្ញុំសូមឲ្យអ្នកគាំទ្រខ្ញុំ Jimmy Kiss និងក្មេងខ្មែរ និងអ្នកដែលចង់សប្បាយទាំងអស់ ចូលរួមជាមួយយើង ហើយខ្ញុំសង្ឃឹមថា អ្នកទាំងអស់គ្នាចូលរួមក្នុង MV ថ្មីរបស់ខ្ញុំ»។</strong></span></p>
<p><span style="color: #000000;">កញ្ញាបានបន្តទៀតថា <strong>«បទ For My People ជាចង្វាក់ញាក់កន្រ្តាក់អារម្មណ៍ ហើយក្រៅពីបទនេះ ខ្ញុំបានត្រៀមបទចម្រៀងរបស់ខ្ញុំ ទាំងអស់សម្រាប់សម្តែង ក្នុងកម្មវិធីនេះផងដែរ»។</strong></span></p>
<p><span style="color: #000000;">លោក Jimmy Kiss បានឲ្យដឹងថា <strong>«សម្រាប់ខ្ញុំ ខ្ញុំបានត្រៀមប្រហែលជា៤ទៅ៥បទ ដែលជាបទតែងនិពន្ធថ្មី។ អ្វីដែលពិសេសនោះ គឺយើងនឹងនាំយកបទចម្រៀងបែបសប្បាយៗ ច្រើនជាងបទខូចចិត្ត ប៉ុន្តែនឹងនាំយកបទ Baby, I’m sorry ដើម្បីឲ្យបងប្អូនអ្នកគាំទ្រគាត់ សប្បាយរីករាយជាមួយគ្នា»។</strong></span></p>
<p><span style="color: #000000;">លោកបានបន្ត ក្នុងពេលកំពុងហ្វឹកហាត់ទៀតថា <strong>«ពួកយើងបានត្រៀមរួចជាស្រេចជាមួយ នឹងក្រុមរបស់ ឡូរ៉ា និងក្មេងខ្មែរ ដើម្បីបង្កើតភាពសប្បាយរីករាយ ក្នុងរូបភាពបែបប្រពៃណីខ្មែរយើង បូករួមជាមួយភាពទាន់សម័យ»។</strong></span></p>
<p><span style="color: #000000;">លោក ជា សុជាតិ តារាចម្រៀងរែប (rap) ក្នុងក្រុមក្មេងខ្មែរបានឲ្យដឹងថា នេះជាលើកទីមួយហើយ ដែលក្រុមក្មេងខ្មែរនឹងសម្តែងបទចម្រៀង ក្នុងអាល់ប៊ុមថ្មី ដែលខ្លួនទើបតែនិពន្ធ។</span></p>
<p><span style="color: #000000;">លោក សុជាតិថា <strong>«វាពិតជាថ្មី ពិតជាប្លែក និងអស្ចារ្យ លើឆាកតន្ត្រីសង្ក្រាន្តកម្ពុជា ក្នុងរយៈពេលបីថ្ងៃខាងមុខនេះ»។</strong></span></p>
<p><span style="color: #000000;">ក្រៅពីសិល្បករក្នុងស្រុក កម្មវិធីតន្ត្រីសង្រ្កាន្តកម្ពុជាក៏មានវត្តមាន DJ អន្តរជាតិដ៏ល្បីឈ្មោះម្នាក់ទៀត គឺ DJ Tashi មកពីប្រទេសជប៉ុន។ គាត់នឹងមកចាក់ភ្លេងកន្រ្តាក់អារម្មណ៍ សម្រាប់អ្នកចូលរួម រាំលេងកម្សាន្តរហូតដល់ ពាក់កណ្តាលអធ្រាត្រផងដែរ។</span></p>
<p><span style="color: #000000;">គួរបញ្ជាក់ផងដែរថា ស្រាបៀរកម្ពុជាជាស្រាបៀរ ដែលទទួលបានការពេញនិយមយ៉ាងខ្លាំង ក្នុងប្រទេសកម្ពុជា ហើយធ្លាប់ទទួលបានពាន់រង្វាន់ អន្តរជាតិជាច្រើន។ រោងចក្រផលិតស្រាបៀរកម្ពុជា ទទួលបានវិញ្ញាបនបត្រ ISO ផ្នែកគ្រប់គ្រងគុណភាព និងគ្រប់គ្រងបរិស្ថានផងដែរ៕</span></p>
<p> </p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xal1/v/t1.0-9/12963871_1586696754978023_5555208834617126537_n.jpg?oh=f8d6b5161484a7c71d5b87b44fccfb54&oe=57BA3D74&__gda__=1467220824_996dac3e5e7b696eb397993067fc4fa7" alt="" width="730" /></span></p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xat1/v/t1.0-9/12670364_1586696778311354_1590492394050236141_n.jpg?oh=2adfa57852930c18f4eed05a77984e9b&oe=57B317D4&__gda__=1471676124_cba5187891339a6b2ecced98a50a416f" alt="" width="730" /></span></p>
<p><span style="color: #000000;"><img src="https://scontent-sin1-1.xx.fbcdn.net/hphotos-xpl1/v/t1.0-9/12932548_1586696808311351_2121693512067830396_n.jpg?oh=6bfbb70a3a803b3de1e859d0de2aed48&oe=577974E9" alt="" width="730" /></span></p>
<p> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span><br /></span></div>