<div class="item-page">
<p><span style="color: #000000;"><strong>(កំពង់ធំ)៖</strong> បុរសម្នាក់ស្លាប់ និង២នាក់រងរបួសធ្ងន់ ក្នុងហេតុការណ៍គ្រោះថ្នាក់ចរាចរណ៍ ក្រឡាប់រថយន្ដ ចូលក្នុងទឹកស្រះដោយសារតែ អ្នកបើកបរ ងងុយដេក។ ហេតុការណ៍នេះ កើតឡើងម៉ោង០២៖៥៥នាទីរសៀលថ្ងៃទី២៦ ខែកញ្ញា ឆ្នាំ២០១៦ លើកំណាត់ផ្លូវជាតិលេខ៦ ត្រង់ចំនុចភូមិស៊ីវត្ថា ឃុំប្រាសាទ ស្រុកសន្ទុក ខេត្តកំពង់។</span></p>
<p><span style="color: #000000;">មន្ដ្រីនគរបាល មូលដ្ឋានបានឲ្យដឹងថា រថយន្ដដែលក្រឡាប់ ម៉ាក់ហ៊ីយ៉ាន់ដាយ ពណ៍ស លាយខៀវ ពាក់ផ្លាកលេខសៀមរាប 3A-1837 បើកបរក្នុងទិសដៅពីត្បូង ទៅជើង លុះមកដល់កន្លែងកើតហេតុ អ្នកបើកបរងងុយដេក ស្រាប់តែបណ្ដាលឲ្យរថយន្ដធ្លាក់ផ្លូវក្រឡាប់ ចូលស្រះទឹក ថ្ងាជើងឡើងលើ បត់ក្បាលទៅក្រោយវិញ ហើយរថយន្ដសង្កត់បុរសម្នាក់ឈ្លក់ទឹកស្លាប់ភ្លាមៗ និង២នាក់ទៀតរបួសធ្ងន់ បញ្ជូនយកទៅសង្គ្រោះនៅមន្ទីពេទ្យ រីឯអ្នកបើកបរឃើញរត់គេចខ្លួនបាត់ស្រមោល។</span></p>
<p><span style="color: #000000;">នគរបាលដដែលបន្ដថា ជនរងគ្រោះដែលស្លាប់ឈ្មោះ តឹង តន់ អាយុ២៤ឆ្នាំ រស់នៅភូមិព្រៃស្រមោច ឃុំកំពង់ឃ្លាំង ស្រុកសូនីគម ខេត្តសៀមរាប ចំណែកជនរងគ្រោះរបួសធ្ងន់ ទី១-ឈ្មោៈ ខឿន ខៃ អាយុ២៦ឆ្នាំ ទី២-ឈ្មោៈ ហេង ស៊ីម អាយុ២៥ឆ្នាំ។</span></p>
<p><span style="color: #000000;">ក្រោយពេលកើតហេតុ សពត្រូវបានសមត្ថកិច្ចទាក់ទងទៅក្រុមគ្រួសារ ដើម្បីយកទៅធ្វើបុណ្យតាមប្រពៃណី រីឯជនរងគ្រោះត្រូវបានបញ្ជូន ទៅសង្គ្រោះនៅមន្ទីរពេទ្យបង្អែកសន្ទុក ចំណែករថយន្តត្រូវយកមករក្សាទុក នៅអធិការដ្ឋាននគរបាលស្រុកសន្ទុក៕</span></p>
<p><span style="color: #000000;"><img src="http://image.freshnewsasia.com/2016/099/fn-2016-09-27-09-28-32-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-09-27-09-28-32-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-09-27-09-28-32-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-09-27-09-28-32-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-09-27-09-28-32-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-09-27-09-28-32-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-09-27-09-28-32-6.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-09-27-09-28-32-7.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>
<div></div>
</div>