<div>
<p><span style="color: #000000;"><strong>(ភ្នំពេញ)៖</strong> អតីតបេក្ខជន ម៉ៅ ហាជី ថ្វីដ្បិតប្រឡងធ្លាក់ កម្មវិធី Cambodian Idol រដូវកាលទី១ ក៏ពិតមែន តែគេកត់សម្គាល់ឃើញថា បេក្ខជនមកពីខេត្តបាត់បងរូបនេះ នៅតែបន្តទទួលបានការគាំទ្រ និងចាប់អារម្មណ៍ខ្លាំង ពីសំណាក់មហាជនស្ទើរគ្រប់មជ្ឈដ្ឋាន ទាំងអ្នកនៅក្នុងប្រទេស និងអ្នករស់នៅក្រៅប្រទេស។ ប៉ុន្តែអ្វីដែលកាន់តែធ្វើឲ្យ មហាជនចាប់អារម្មណ៍័នោះ គឺបន្ទាប់ពីមានរឿងរ៉ាវក្ដីក្ដាំជាមួយនឹងស្ថានីយទូរទស្សន៍ហង្សមាស ក្នុងកម្មវិធី«Cambodian Idol » ខណៈតារារូបនេះ បានទៅចុះកិច្ចសន្យាច្រៀងជាមួយផលិតកម្ម ថោន ទាំងមិនទាន់ដាច់ស្រេចជាមួយកម្មវិធីប្រឡងរបស់ខ្លួន ។</span></p>
<p><span style="color: #000000;">ប៉ុន្តែបន្ទាប់ពីរឿងរ៉ាវនេះ បានពុះកញ្ជ្រោលឡើងកាន់តែខ្លាំង ម៉ៅ ហាជី បានចេញមុខប្រតិកម្ម និងស្វែងរកដំណោះស្រាយយ៉ាងស្ងៀមស្ងាត់ ជាមួយនឹងកម្មវិធី Cambodian Idol ដើម្បីបន្ធូបន្ថយស្ថានការណ៍កុំឲ្យកាន់តែតានតឹង ហើយបានបញ្ជាក់ថា លោកមិនបានទៅលូចចុះកិច្ចសន្យាជាមួយផលិតកម្ម ថោន ដូចអ្វីដែលបានលេចឮនោះទេ ពោលលោកបែរជាចោទទូរទស្សន៍ហង្សមាស ថាបានបង្ខូចកេរ្តិ៍ឈ្មោះលោកទៅវិញ ។ យ៉ាងណាក្ដីភាពចម្រូងចម្រាស់នេះ ត្រូវបានដោះស្រាយ ខណៈ មៅ ហាជី ចូលខ្លួនតាមអ្វី ដែលស្ថានីយទូរទស្សន៍ស្នើសុំ ជៀសបញ្ហាកាន់ជ្រុលទុំជោរឡើង ។</span></p>
<p><span style="color: #000000;">តាមរយៈសន្ទុះនៃការគាំទ្រនេះ ទើបធ្វើឲ្យជីវិតសិល្បៈរបស់ ម៉ៅ ហាជី កាន់តែមានសង្ឃឹមជោគជ័យ សម្រាប់ថ្ងៃអនាគត់បើទោះបីជាលោក បានធ្លាក់ការប្រឡងនៅក្នុងកម្មវិធីនោះហើយក៏ពិតមែន តែទីផ្សារសិល្បៈអតីតបេក្ខជនរូបនេះ នៅតែបន្តហក់ឡើងខ្ពស់ត្រដែត។ ខណៈកំពុងមានផលិតកម្មធំៗចំនួន២ជ្រែងគ្នាចង់បាន លោក ម៉ៅ ហាជី ធ្វើជាតារារបស់ខ្លួន។</span></p>
<p><span style="color: #000000;">ភាពលេចធ្លោ ដែលបានមកពីការគាំទ្រពីសំណាក់ទស្សនិជន ស្ទើរគ្រប់ស្រទាប់វ័យនេះហើយ ដែលជាកំលាំងចិត្តយ៉ាងធំធេងសម្រាប់ ម៉ៅ ហាជី ដើម្បីសម្រេចបំណងប្រាថ្នានាថ្ងៃអនាគត់របស់ខ្លួន ដោយការប្រើប្រាស់ខ្សែជីវិតលើវិថីសិល្បៈមួយនេះ។ ស្របពេលគ្នានេះលោក ម៉ៅ ហាជី ក៏បានបង្ហាញពីបំណងប្រាថ្នារបស់ខ្លួន នៅលើបណ្តាញសង្គមហ្វេសប៊ុក ដោយមានភ្ជាប់ជាមួយរូបភាពរថយន្តស៊េរីទំនើប១គ្រឿង នឹងការសរសេរសាខ្លីថា «<strong>បើខ្ញុំមានឡានមួយនេះមែន មិនដឹងជាល្អប៉ុនណាទេ ?អ្នកណាអាចទាយបានទេថា ខ្ញុំនឹងទៅកន្លែងណាមុនគេ ?</strong> »។</span></p>
<p><span style="color: #000000;">បើសង្កេតមើលតាមរយៈអត្ថន័យខ្លឹមសារខាងលើ ដែលត្រូវបានបង្ហោះនៅលើបណ្តាញសង្គមពេលនេះ មានទស្សនិកជនខ្លះ បានបញ្ចេញមតិថា ហាជី ហាក់បង្ហាញពីបំណងប្រាថ្នាខ្ពស់ ដោយស្រវ៉ាចង់បានរថយន្តស៊េរីទំនើប បន្ទាប់ពីមានឈ្មោះល្បី នៅក្នុងវិស័យសិល្បៈ៕</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2015/12/22/07k-22-12-2015--16-50-08.jpg"><span style="color: #000000;"><img src="/FileManager/Articles/mce/2015/12/22/07k-22-12-2015--16-50-08.jpg" alt="" /></span></a></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xfp1/v/t1.0-9/12373245_1302539913105649_5793822406995368051_n.jpg?oh=d91827bc7241521b9081d662d13285f2&oe=56D747B4" alt="" width="730" /></span></p>
<p style="text-align: center;"> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្រ្វេសញូវអាស៊ី</span></p>
</div>