<div class="item-page">
<p><span style="color: #000000;"><strong>(ភ្នំពេញ)៖</strong> បន្ទាប់ពីទស្សនាការប្រកួតផ្សាយផ្ទាល់ កាលពីព្រលប់ម្សិលមិញ រវាងក្រុមកីឡាករកម្ពុជា ប៉ះជាមួយក្រុមកីឡាករចិនតៃប៉ិ លោក ផៃ ស៊ីផាន មន្រ្តីជាន់ខ្ពស់រដ្ឋាភិបាលមួយរូប និងក្នុងនាមជាកូនខ្មែរ សូមសម្តែងនូវការឈឺចាប់ចំពោះការម៉ាក់ងាយដល់ជាតិសាសន៍ខ្មែរ ពីសំណាក់លេខ១៧ របស់ចិនតៃប៉ិ ដែលបានចង្អុលមុខសម្លុតកីឡាករខ្មែរ និងកីឡាករលេខ២១ របស់ចិនតៃប៉ិម្នាក់ទៀត ដែលបានរត់ជាន់លើកីឡាករ អ្នកចាំទីរបស់ខ្មែរ ព្រមទាំងបានស្តោះទឹកមាត់ ហើយដើរធ្វើព្រងើយមិនខ្វល់ពី ឈឺពើតផ្សាររបស់អ្នកចាំទី។</span></p>
<p><br /><a class="thickbox" title="" href="/FileManager/Commons/2016/6/3/10-03-06-2016--16-28-03.jpg"><img src="/FileManager/Articles/mce/2016/6/3/10-03-06-2016--16-28-03.jpg" alt="" /></a></p>
<p><span style="color: #000000;">ទង្វើបែបនេះត្រូវបានលោកលើកឡើងថា កីឡាករចិនតៃប៉ិ ជាមនុស្សឃោរឃៅ កុំឲ្យចូលមកស្រុកខ្មែរ ឬចូលរួមការប្រកួត ជាមួយខ្មែរ រហូតដល់មានការសុំទោសជាសាធារណៈ, ជាគំរូអាក្រក់មួយមិនមែនជាសេចក្តីថ្លៃថ្នូររបស់មនុស្សជាតិឡើយ។</span></p>
<p><span style="color: #000000;">លោក ផៃ ស៊ីផាន បានសម្តែងការឈឺចាប់យ៉ាងដូច្នេះថា៖ <strong>«គួរតែហាមមនុស្សឃោរឃៅនេះ មិនឲ្យចូលស្រុកខ្មែរ រឺចូលរួមការប្រកួតជាមួយក្រុមខ្មែរ រហូតដល់មានការសុំទោស។ អំពើនេះមិនមែនជាវិន័យជាកីឡាករឡើយ។ ហើក៏មិនមែននាំឬកសាងមិត្តភាព និងសន្តិភាពឡើយ។ នេះជាគំរូអាក្រក់មួយ ដែលមិនមែនជាសេចក្តីថ្លៃថ្នូររបស់មនុស្សជាតិឡើយ។ Let ban him from entering to Cambodia or matching game with Cambodian team He is a cruel person! and not the spirit of sport for friendship or peace! It is against the human dignity»។</strong></span></p>
<p><span style="color: #000000;">ការរត់ជាន់លើអ្នកចាំរបស់ខ្មែរ ព្រមទាំងបានស្តោះទឹកមាត់ពីសំណាក់កីឡាករចិនតៃប៉ិនេះ បានកើតឡើងនៅនាទីទី៨០ និង៨៣ នៃការប្រកួត។</span></p>
<p><span style="color: #000000;">សូមជំរាបថា ក្រុមបាល់ទាត់ឈុតធំជម្រើសជាតិកម្ពុជា ទប់បានស្មើលទ្ធផល ២-២ ពេលជួបក្រុមម្ចាស់ផ្ទះចិនតៃប៉ិ ក្នុងជើងទី១ នៃវគ្គជម្រុះបឋម នៃពានរង្វាន់ប្រចាំទ្វីបអាស៊ី AFC Asian Cup 2016 នាយប់ថ្ងៃទី០២ មិថុនានេះ ។</span></p>
<p><span style="color: #000000;">កម្ពុជាបានរបូត១គ្រាប់ត្រឹមចាប់ផ្តើមលេងបាន៦នាទី មុនពេលកីឡាករ កែវ សុខផេង ជួយឲ្យកម្ពុជា តាមបានស្មើវិញ នៅនាទី៨ នៅកីឡដ្ឋាន Kaohsiung ។ យ៉ាងណាក៏ដោយ នៅលើទីលានកាន់មានកម្តៅខ្លាំងឡើង ជាមួយនឹងនាំមុខ ២-១ វិញរបស់ចិនតៃប៉ិ នៅនាទីទី២១ មុនពេលកីឡាករ ឈិន ឈឿន បន្ថែមគ្រាប់តាមស្មើវិញទៀតនៅនាទីទី៣១ ដើម្បីបញ្ចប់លទ្ធផលស្មើ ២-២ ក្នុងវគ្គទី២ និងបញ្ចប់ការប្រកួតពេញម៉ោង៕</span></p>
<p><span style="color: #000000;"><iframe src="https://www.facebook.com/plugins/video.php?href=https%3A%2F%2Fwww.facebook.com%2Ffreshnewsasia%2Fvideos%2F560014260837036%2F&show_text=0&width=560" frameborder="0" width="500" height="415"></iframe></span></p>
</div>
<div id="system-message-container">
<div id="system-message" style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></div>
</div>