<p>iPhone 6 Plus មួយគ្រឿង ឡើងកំដៅខ្លាំង បែកផ្សែង និងផ្ទុះ ធ្វើឱ្យហោប៉ៅជនរងគ្រោះត្រូវធ្លុះ <br />ខណៈដែលស្មាតហ្វូនត្រូវខូចទាំងស្រុង។</p>
<p><a class="thickbox" title="" href="/FileManager/Commons/2016/10/4/fire-04-10-2016--09-13-18.jpg"><img style="display: block; margin-left: auto; margin-right: auto;" src="/FileManager/Articles/mce/2016/10/4/fire-04-10-2016--09-13-18.jpg" alt="" /></a></p>
<p>យោងតាមទូរទស្សន៍ 6ABC ស្មាតហ្វូន iPhone 6 Plus ផ្ទុះក្នុងហោប៉ៅរបស់និស្សិតម្នាក់ឈ្មោះ <br />Darin Hlavaty (រស់នៅក្នុងតំបន់ Burlington រដ្ឋ New Jersey អាមេរិក) នៅពេលជនរងគ្រោះចាប់<br />ផ្ដើមអង្គុយរៀនបានមួយស្របក់។ ម្ចាស់ស្មាតហ្វូននេះ ឱ្យដឹងថា ខ្លួនទើបតែទិញ iPhone 6 Plus <br />នេះ រយៈពេល ៦ខែ ពី Apple Store។</p>
<p>Rebecca Bookbinder មិត្តរួមថ្នាក់របស់ Hlavaty និយាយថា “យើងខ្ញុំបានឮសម្លេងឆែវៗ ក្រោយ<br />មកគឺសម្លេងផ្ទុះ និងមានផ្សែងចេញពីកន្លែងអង្គុយរបស់ Hlavaty”។</p>
<p>Hlavaty ឱ្យដឹងថា ខ្លួនមានអារម្មណ៍ថា ហោប៉ៅខោខាងក្រោយរបស់ខ្លួន(កន្លែងដាក់ iPhone 6<br /> Plus) ឡើងកំដៅខ្លាំង បន្ទាប់ពីអង្គុយរៀនបានមួយរំពេច ក្រោយមកគឺសម្លេងផ្ទុះផុង! ភ្លាមនោះ <br />ម្ចាស់ទូរស័ព្ទនេះក៏បានក្រោកឈរ ទាញយកទូរស័ព្ទដែលកំពុងឆេះ បោះទៅឆ្ងាយ។</p>
<p>iPhone 6 Plus ផ្ទុះឆេះ ធ្វើឱ្យហោប៉ៅរបស់ Hlavaty ត្រូវដាច់ជាប្រហោងធំមួយ ហើយសំណាង<br />ល្អណាស់ ដែលជនរងគ្រោះមិនត្រូវរបួស។</p>
<p><a class="thickbox" title="" href="/FileManager/Commons/2016/10/4/fire1-04-10-2016--09-13-49.jpg"><img style="display: block; margin-left: auto; margin-right: auto;" src="/FileManager/Articles/mce/2016/10/4/fire1-04-10-2016--09-13-49.jpg" alt="" /></a></p>
<p>Hlavaty បង្ហើបឱ្យដឹងថា iPhone របស់ខ្លួនមានស្នាមប្រេះតូចមួយមុនពេលហេតុការណ៍កើតឡើង<br /> ប៉ុន្តែ ខ្លួនមិនបានយកចិត្តទុកដាក់។ យោងតាម Phonearena ទម្ងន់រាងកាយដែលសង្កត់ទៅលើ<br />ស្នាមប្រេះនេះ អាចជាមូលហេតុដែលនាំឱ្យកើតបញ្ហា ព្រោះថា iPhone 6 Plus ប្រើប្រាស់ថ្ម <br />Lithium-ion (ជាប្រភេទថ្មដែលងាយនឹងផ្ទុះ ពេលត្រូវសង្កត់ធ្ងន់ពីលើ។ ប៉ុន្តែ វាក៏អាចកើតឡើង<br />ដោយសារកំហុសបច្ចេកទេសរបស់ក្រុមហ៊ុនផលិតផងដែរ។</p>
<p>Apple បានបដិសេធ មិនធ្វើការអធិប្បាយអំពីបញ្ហានេះ ប៉ុន្តែ បានឱ្យដឹងថា នឹងធ្វើការស៊ើបអង្កេត<br /> “ដើម្បីសុវត្ថិភាពរបស់អតិថិជន”។</p>
<p>ក្រោយពី Samsung ក្រុមហ៊ុន Apple គឺជាក្រុមហ៊ុនបន្ទាប់ដែល “ឈឺក្បាល” ព្រោះតែស្ថានភាព<br />ខុសប្រក្រតីនៅលើស្មាតហ្វូនរបស់ខ្លួន។ មុននេះ សមាជិក Kroopthesnoop បានចេករំលែងនៅ<br />លើទំព័រ Reddit អំពីរូបភាព iPhone 7 ផ្ទុះ ពេលនៅក្នុងប្រអប់ ខណៈដែល iPhone 7 Plus មួយ<br />គ្រឿងទៀត ក៏មានបញ្ហាប៉ោងថ្ម ធ្វើឱ្យស្មាតហ្វូននេះត្រូវប្រេះជាពីរ៕</p>
<p>ករណី iPhone 6 Plus ផ្ទុះឆេះ ត្រូវបានផ្សាយនៅលើទូរទស្សន៍ 6ABC ៖</p>
<p><object width="480" height="400" data="http://www.youtube.com/v/Hs2MFRwITHE&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/Hs2MFRwITHE&rel=1" /></object></p>
<p style="text-align: right;">ប្រែសម្រួល ៖ បុត្រា<br />ប្រភព ៖ phonearena </p>