<p style="text-align: left;">ខ្ទមឈើជាច្រើនដែលមានរូបរាងដូចទៅនឹងកន្លែងសម្រាកកាយរបស់អ្នកដំណើរថ្មើរជើង គឺជា<br />ស្នាដៃថ្មីនៃគំនិតច្នៃប្រឌិតរបស់ក្រុមមន្ដ្រីនៃប្រទេស ស្វ៊ីស ដើម្បីផ្ដល់សេវាកម្មកំបាំង និងសុវត្ថិ<br />ភាព សម្រាប់ស្ដ្រីរកស៊ីផ្លូវភេទ។<br /> <br />ទំព័រ Telegraph បានរាយការណ៍ថា ខ្ទមឈើទាំងនេះ ត្រូវបានគេចាត់ទុកថា ជា “ប្រអប់សិច” <br />ហើយវានឹងត្រូវបើកដំណើរការក្នុងក្រុង Zurich នៅថ្ងៃទី ២៦ខាងមុខ។<br /><br />ខ្ទមឈើដែលមានចំនួន ៩ នេះ ស្ថិតនៅក្នុងតំបន់ឧស្សាហកម្មចាស់ នៅភាគខាងលិចរបស់ក្រុង ហើយត្រូវបានគេដាក់ជួលសម្រាប់តែអ្នកទិញសេវាកម្មសិច ដែលជាអ្នកបើកបររថយន្ដប៉ុណ្ណោះ។ <br />ចំណែកអ្នកដើរដោយថ្មើរជើង និងអ្នកជិះម៉ូតូ មិនត្រូវបានអនុញ្ញាតឱ្យប្រើ “ប្រអប់សិច” នេះ។</p>
<p style="text-align: center;"><a class="thickbox" title="" href="/FileManager/Commons/2013/8/17/switzerland-opens-drive-in-sex-boxes-to-make-prostitution-safer១-17-08-2013--15-26-47.jpg"><img src="/FileManager/Articles/mce/2013/8/17/switzerland-opens-drive-in-sex-boxes-to-make-prostitution-safer១-17-08-2013--15-26-47.jpg" alt="" /></a><br />ក្នុង“ប្រអប់សិច” មានអក្សរ ព្រមានអំពីការឆ្លងចម្ងឺ AIDS</p>
<p>អ្នកបើកបររថយន្ដនឹងត្រូវគោរពទៅតាមការកំណត់ដែលត្រូវបានដាក់សញ្ញាយ៉ាងច្បាស់ ដោយ<br />មានស្ដ្រីរកស៊ីផ្លូវភេទចំនួន ៤០នាក់កំពុងរង់ចាំជាស្រេច។ នៅពេលជ្រើសរើសបាននារីម្នាក់ <br />និងបានបង់ប្រាក់រួចរាល់ ពួកគេនឹងចូលក្នុងខ្ទមមួយក្នុងចំណោមខ្ទមទាំង ៩ ជាកន្លែងដែលមាន<br />បិទអក្សរដែលលើកទឹកចិត្តឱ្យប្រើប្រាស់ស្រោមអនាម័យ ព្រមទាំងព្រមានអំពីហនិភ័យនៃការ<br />កើតជម្ងឺ AIDS ។<br /><br />“ប្រអបសិច” ទាំងនេះ ត្រូវបានគេបើកដំណើរការ ចាប់ពីព្រលប់ រហូតដល់ម៉ោង ៥ព្រឹក។ នៅ<br />ក្នុង“ប្រអប់សិច” មានបំពាក់ឧបករណ៍ប្រកាសអាសន្ន សម្រាប់ស្ដ្រីរកស៊ីផ្លូវភេទ ក្នុងករណីពួក<br />គេជួបគ្រោះថ្នាក់ ដោយសារអតិថិជន។<br /><br />ប្រភពព័ត៌មាន បានឱ្យដឹងថា “ប្រអប់សិច” គឺជាផ្នែកមួយនៃវិធីសាស្ដ្រដើម្បីគ្រប់គ្រងការរកស៊ី<br />ផ្លូវភេទ ទប់ទល់នឹងស្ថានភាព “គក់ជេរ” ផ្លូវភេទ និងកែលំអសន្ដិសុខសម្រាប់ពលកម្មផ្លូវភេទ។<br /> គំនិតនេះ ក៏ត្រូវគេរំពឹងថានឹងកាត់បន្ថយចំនួនស្ដ្រីរកស៊ីផ្លូវភេទ ដែលកំពុងធ្វើសកម្មភាពនៅក្នុង<br />ប្រជុំជន និងក្នុងក្រុង។<br /><br />បច្ចុប្បន្ន មន្ដ្រី Zurich បានចេញបទបញ្ជា ហាមស្ដ្រីរកស៊ីផ្លូវភេទ ធ្វើសកម្មភាពនៅតាមឆ្នេរទន្លេ<br /> Sihlquai ។ អតិថិជនដែលបាន “ប្រព្រឹត្ដបទល្មើស” ជាមួយស្ដ្រីរកស៊ីផ្លូវភេទ នៅខាងក្រៅតំបន់<br /> “ប្រអប់សិច” និង ២តំបន់ផ្សេងទៀត នឹងត្រូវបានពិន័យជាប្រាក់ ៤៥០ franc ស៊្វីស (៤៨៥ដុល្លារ<br />អាមេរិក)។</p>
<p style="text-align: center;"><a class="thickbox" title="" href="/FileManager/Commons/2013/8/17/switzerland-opens-drive-in-sex-boxes-to-make-prostitution-safer២-17-08-2013--15-27-39.jpg"><img src="/FileManager/Articles/mce/2013/8/17/switzerland-opens-drive-in-sex-boxes-to-make-prostitution-safer២-17-08-2013--15-27-39.jpg" alt="" /></a><br />ប្រអបសិច ជាច្រើនត្រូវបានសង់ឡើងដើម្បីបម្រើដល់អ្នករកស៊ីផ្លូវភេទ</p>
<p>លោក Michael Herzig ប្រធានគណកម្មការសុខុមាលភាពសង្គម នៅតំបន់ Zurich ថ្លែងថា ៖<br /> “យើងចង់គ្រប់គ្រងសកម្មភាពផ្លូវភេទ ព្រោះថាសកម្មភាពនេះ រហូតមកដល់ពេលនេះ គឺប្រព្រឹត្ត<br />ឡើងតាមច្បាប់ព្រៃ ពោលគឺតម្លៃសេវាកម្មផ្លូវភេទត្រូវបានកំណត់ដោយអ្នកគក់ជេរ។ យើងកំពុងតែប្រឹងប្រែងដើម្បីបង្កើតស្ថានភាពល្អសម្រាប់ក្រុមស្ដ្រីរកស៊ីផ្លូវភេទ ដូចជាបញ្ហាសុខភាព និង<br />សុវត្ថិភាពរបស់ពួកគេ ក៏ដូចជាប្រជាជននៅតំបន់ Zurich” ។<br /><br />គួររំឭកថា គម្រោងដែលត្រូវបានអនុម័តដោយការធ្វើប្រជាមតិកាលពីឆ្នាំទៅ នៅ Zurich នេះ <br />មានតម្លៃជាទឹកប្រាក់ជាង ២លានដុល្លារអាមេរិក។ សកម្មភាពរកស៊ីផ្លូវភេទនៅ ប្រទេសស៊្វីស<br /> ត្រូវបានចាត់ទុកជារឿងស្របច្បាប់ ដោយក្នុងនោះ ស្ដ្រីរកស៊ីផ្លូវភេទម្នាក់ត្រូវបង់ពន្ធ ៥,៤ដុល្លារ<br />អាមេរិក សម្រាប់ការរកស៊ីមួយយប់៕</p>
<p style="text-align: right;"><br /><br />ដោយ ៖ តារា<br />ប្រភព ៖ Telegraph</p>