<p><span style="color: #000000;"><strong>ភ្នំពេញ៖</strong> ក្រោយពីមានព័ត៌មាន ចុះផ្សាយថា ពលរដ្ឋខ្មែរម្នាក់រងគ្រោះ នៅទីក្រុងប៉ារីស ប្រទេសបារាំង ក្នុងការ វាយប្រហារពីក្រុម ISIS នោះ អ្នកនាំពាក្យក្រសួងការបរទេស និងសហប្រតិបត្តិការកម្ពុជា លោក ជុំ សន្ទរី បាន លើកឡើងថា លោកមិនទាន់បានទទួល ព័ត៌មាននេះនៅឡើយទេ។</span></p>
<p><span style="color: #000000;">លោក ជុំ សន្ទរី បានមានប្រសាសន៍ ប្រាប់មជ្ឈមណ្ឌលព័ត៌មាន ដើមអម្ពិល នៅព្រឹកថ្ងៃទី១៦ ខែវិច្ឆិកា ឆ្នាំ២០១៥ថា “ខ្ញុំអត់ទាន់បានទទួលការបញ្ជាក់ទេណា អំពីព័ត៌មាននេះ (មានអ្នករងគ្រោះ)។ ខ្ញុំលឺព័ត៌មានខ្លះផ្សាយអញ្ចុះ ខ្លះផ្សាយអញ្ចេះ ហើយខ្ញុំអត់ទាន់បានទទួលព័ត៌មានបញ្ជាក់ពីស្ថានទូតយើងនៅប៉ារីសទេ អត់ទាន់មានអី បញ្ជាក់បានទេ”។</span></p>
<p><span style="color: #000000;">លោកបន្តថា ក្រោយពីមានហេតុការណ៍នេះ កើតឡើងភ្លាមៗ លោកបានទាក់ទងទៅស្ថានទូតខ្មែរនៅប៉ារីស ប៉ុន្តែភោជនីយដ្ឋានខ្មែរនៅតំបន់វាយប្រហារនោះអត់មានខ្មែរម្នាក់ណារងគ្រោះទេ ប៉ុន្តែនៅទីតាំងផ្សេងៗ ក៏លោកអត់ដឹងដែរ។</span></p>
<p><span style="color: #000000;">បើតាមការផ្សាយរបស់ AFP នៅថ្ងៃទី១៦ វិច្ឆិកានេះ ចំនួនអ្នកស្លាប់នៅក្នុង ហេតុការណ៍បាញ់ និងបំផ្ទុះគ្រាប់បែក នៅកណ្ដាលទីក្រុងប៉ារីស បានកើនឡើងដល់ ១៣២នាក់ បន្ទាប់ពីមាន ជនរងគ្រោះចំនួន ៣នាក់បានស្លាប់ នៅឯ មន្ទីរពេទ្យ៕</span></p>
<p><span style="color: #000000;"><a class="thickbox" title="" href="/FileManager/Commons/2015/11/16/11-16-2015-1-24-12-pm-16-11-2015--13-31-31.png"><span style="color: #000000;"><img src="/FileManager/Articles/mce/2015/11/16/11-16-2015-1-24-12-pm-16-11-2015--13-31-31.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>