<p><strong>ភ្នំពេញ៖</strong> យុវជនម្នាក់ បានស្លាប់ភ្លាមៗ នៅកន្លែងកើតហេតុ និងពីរនាក់ទៀត បានរងរបួសធ្ងន់<br /> ក្រោយពីពួកគេ ទាំងបីនាក់ បានបើកម៉ូតូឌុបគ្នា ក្នុងល្បឿនលឿន ហើយរេចង្កូត ទៅបុកចិញ្ចើម<br />ផ្លូវ ក្រោយចេញពីក្លឹបមួយ នៅកោះពេជ្យ កាលពីវេលា ម៉ោង ៣៖២០នាទីយប់រំលង អាធ្រាត្រ<br /> ចូលថ្ងៃទី២៧ ខែមករា ឆ្នាំ២០១៣ ស្ថិតនៅលើផ្លូវព្រះនរោត្តម មុខសាលា បឋមសិក្សា ព្រះ<br />នរោត្តម ស្ថិតក្នុងសង្កាត់ផ្សារកណ្តាល២ ខណ្ឌដូនពេញ។</p>
<p>សមត្ថកិច្ចមូលដ្ឋាន បានឲ្យដឹងថា មុនពេលកើតហេតុ ជនរងគ្រោះ ទាំងបីនាក់ បានជិះម៉ូតូម៉ាក សេ<br />១២៥មួយគ្រឿង ពណ៌ខ្មៅ ពាក់ស្លាកលេខ ភ្នំពេញ 1AW-3481 ដែលតាមសេចក្តី រាយការណ៍ពី<br />សាក្សីខ្លះ ជនរងគ្រោះទាំងបីនាក់ បានចេញពីក្លឹបកំសាន្តមួយ នៅកោះពេជ្យ ហើយពេលមកដល់<br /> ចំណុចកើតហេតុ ក៏បើកលឿន រេចង្កូតទៅបុក ចិញ្ចើមផ្លូវ បណ្តាលឲ្យ ស្លាប់ម្នាក់ និងរងរបួសធ្ងន់<br />ពីរនាក់ ត្រូវបានបញ្ជូនទៅ កាន់គ្លីនិកឯកជនមួយ។</p>
<p>បើតាមសមត្ថកិច្ចមូលដ្ឋាន ជនរងគ្រោះ ដែលស្លាប់នោះមានឈ្មោះ លន់ ជីវ៉ា អាយុ១៩ឆ្នាំ មានទី<br />លំនៅ ភូមិបាសាំង ឃុំសំបូរ ស្រុកបាធាយ ខេត្តកំពង់ចាម។ ដោយឡែក ជនរងគ្រោះ ចំនួន២នាក់<br /> ផ្សេងទៀត ដែលរងរបួសធ្ងន់ រួមមាន ទី១ឈ្មោះ រដ្ឋា ភេទប្រុស អាយុ២១ឆ្នាំ មានទីលំនៅ ភូមិខ្លា<br />គ្រហឹម ឃុំអ៊ូមាល់ ស្រុកបាធាយ ខេត្តកំពង់ចាម និងទី២ ឈ្មោះ គឿន និមល ភេទប្រុស អាយុ២២<br />ឆ្នាំ មានទីលំនៅភូមិខ្លាគ្រហ៊ឹម ឃុំអំពិលទឹក ស្រុកកំពង់ត្រឡាច ខេត្តកំពង់ឆ្នាំង។</p>
<p>បើតាមសមត្ថកិច្ច គ្រោះថ្នាក់ចរាចរណ៍នេះ បណ្តាលមកពី ជនរងគ្រោះទាំងបីនាក់ បានជិះម៉ូតូលឿន<br /> ហើយឌុបគ្នា រួចជ្រុលទៅបុក ចិញ្ចើមផ្លូវ អូសជាច្រើនម៉ែត្រ។</p>
<p>ក្រោយកើតហេតុ ម៉ូតូរបស់ជនរងគ្រោះ ត្រូវបានយក ទៅរក្សាទុក នៅការិយាល័យ ចរាចរណ៍ ជើង<br />គោក រាជធានីភ្នំពេញ ដើម្បីចាត់ការបន្តទៀត៕</p>
<p><a class="thickbox" title="" href="/FileManager/Commons/2013/1/27/pheak-311-27-01-2013--13-57-23.jpg"><img src="/FileManager/Articles/mce/2013/1/27/pheak-311-27-01-2013--13-57-23.jpg" alt="" /></a></p>
<p><a class="thickbox" title="" href="/FileManager/Commons/2013/1/27/pheak-312-27-01-2013--13-58-26.jpg"><img src="/FileManager/Articles/mce/2013/1/27/pheak-312-27-01-2013--13-58-26.jpg" alt="" /></a></p>
<p><a class="thickbox" title="" href="/FileManager/Commons/2013/1/27/pheak-313-27-01-2013--13-58-54.jpg"><img src="/FileManager/Articles/mce/2013/1/27/pheak-313-27-01-2013--13-58-54.jpg" alt="" /></a></p>
<p style="text-align: right;">ផ្តល់សិទ្ធិដោយ៖ ដើមអំពិល</p>