<p><span style="color: #000000;">ព័ត៌មានជាតិ & អន្តរជាតិ ៖ ក្រុមអ្នកជំនាញវេជ្ជសាស្រ្ត បានប្រញាប់ធ្វើដំណើរអោយដល់ភូមិមួយកន្លែង ក្នុងទឹកដី ខេត្តបាត់ដំបង ដើម្បីធ្វើការពិនិត្យឡើងវិញ ក៏ដូចជា ពិនិត្យអោយម៉ត់ចត់ ទៅលើក្រុមមនុស្ស ជាពលរដ្ឋក្នុងស្រុក ចំពោះករណីឆ្លងមេរោគអេដស៍ ជាច្រើនរយនាក់ បន្ទាប់ពីគ្រូពេទ្យក្នុងស្រុកត្រូវបាន រកឃើញថា បានប្រើម្ជុល និងសឺរ៉ាំង តែមួយ ដោយពុំមានការផ្លាស់ប្តូរ នៅពេលចាក់ថ្នាំដល់ អ្នកជំងឺ ។ </span></p>
<p><span style="color: #000000;">អាជ្ញាធរសុខាភិបាលប្រទេសកម្ពុជា បានមានចំណាប់អារម្មណ៍ជាខ្លាំង ទៅលើការលេចឮ ព័ត៌មានមួយ នេះ បន្ទាប់ពីមានការបន្លឺពាក្យតៗគ្នា យ៉ាងលឿនជាទីបំផុត ស្តីពីករណី ពលរដ្ឋក្នុងភូមិ លើសពី ១០០ នាក់បានឆ្លងមេរោគអេដស៍ ។ ប្រភពដដែលបន្តអោយដឹងថា គ្រូពេទ្យ ប្រចាំភូមិ ឈ្មោះ យ៉ែម ជ្រិន ត្រូវបានសមត្ថកិច្ចនគរបាល ធ្វើការចាប់ឃាត់ខ្លួន និងបញ្ជូនទៅកាន់តុលាការ រង់ចាំការដោះស្រាយទៅ តាមនិតិវិធី ខណៈជនសង្ស័យរូបនេះ បានសារភាពជាមួយនឹងការធ្វេសប្រហែស របស់ខ្លួន ទាក់ទិនទៅ នឹងការប្រើម្ជុល និងសឺរ៉ាំង តែមួយ ដោយពុំមានការផ្លាស់ប្តូរ ។ ខណៈជាប់ ចោទ ពីបទ ចម្លងមេរោគ ដោយអចេនា ក៏ដូចជា ដំណើរការអាជីវកម្ម ដោយគ្មានច្បាប់អនុញ្ញាត ត្រឹម ត្រូវនោះ ជនសង្ស័យរូបនេះ បើសិនណា ការស៊ើបអង្កេត កំណត់បាននូវទោសកំហុសគាត់ជាក់ស្តែងនោះ គាត់ នឹងប្រឈមមុខក្នុង ការជាប់ពន្ធនាគារ អស់មួយជីវិត ។ មកទល់នឹងបច្ចុប្បន្នភាព ថ្ងៃអង្គារនេះ ពលរដ្ឋ ក្នុងស្រុក ប្រមាណ ១៥៤៧ នាក់ ត្រូវបានពិនិត្យដោយអ្នកជំនាញ វិភាគរក ករណីឆ្លងមេរោគអេដស៍ ក្នុង នោះ រដ្ឋាភិបាល ហាក់បីដូចជានៅស្ងៀម ជាមួយនឹងភាពស្រឡាំងកាំង ក្រុមមនុស្សរាប់រយនាក់ ឆ្លង មេរោគសាហាវ ដ៏ ច្រើនលើសលប់ទាំងនេះ ។ </span></p>
<p><span style="color: #000000;"><a class="thickbox" title="" href="/FileManager/Commons/2014/12/27/51-27-12-2014--09-47-40.jpg"><img src="/FileManager/Articles/mce/2014/12/27/51-27-12-2014--09-47-40.jpg" alt="" /></a><br /></span></p>
<p><span style="color: #000000;">កាលពីសប្តាហ៍កន្លងទៅ មន្រ្តីសុខាភិបាល បញ្ជាក់អោយដឹងថាជារួមពលរដ្ឋសរុបមានគ្នាដល់ទៅ១០៦ នាក់បានឆ្លងមេរោគអេដស៍ នៅក្នុងភូមិ រកា ។ ភ្លាមៗពួកគេ មិនទាន់បញ្ជាក់បាននៅ ឡើយ ទេ ថាអាច នឹងមានករណីកើនឡើងបន្តទៀត ឬក៏យ៉ាងណា ក៏ប៉ុន្តែ ចុងសប្តាហ៍កន្លងទៅនេះ ពោល កំឡុងថ្ងៃសៅរ៍ វិទ្យាស្ថានប៉ាស្ទ័រ បានគូសបញ្ជាក់ ដល់សារព័ត៌មានក្នុងស្រុក ភ្នំពេញប៉ុស្តិ៍ អោយដឹងថា ហោច ណាស់ មនុស្ស ១១៩ នាក់ បានឆ្លងមេរោគអេដស៍ ពីភូមិ រកា ខេត្តបាត់ដំបង ខណៈមានការធ្វើតេស្តិ៍ ជាលើកទី ៣ ។ </span></p>
<p><span style="color: #000000;">ជាការពិត ករណីឆ្លងមានការកើនឡើងជាបន្តបន្ទាប់ ខណៈខ្ញុំបាទ ពុំទាន់ អាច បញ្ជាក់ច្បាស់បាននៅ ឡើយទេ នេះជាការលើកឡើង ពីសំណាក់ ប្រធានមណ្ឌលសុខភាព ភូមិ រកា លោក Beng Sor ។ដោយ ឡែកអ្វីដែលខ្ញុំអាចគូសបញ្ជាក់បាននោះគឺ អ្នករាល់គ្នា ពិតជាបានឆ្លងមិនថាក្មេងចាស់ប្រុសស្រីនោះទេ សូម្បីតែព្រះសង្ឃក៏បានឆ្លងដូចគ្នាដែរ ៕</span></p>
<p><em><span style="color: #0000ff;"><a href="/News/Detail/89374/cambodia-orders-probe-into-hiv-village-as-more-than-100-test-positive" target="_blank"><span style="color: #0000ff;">- អាន ៖ ផ្ទុះករណី ឆ្លងអេដស៍ មួយភូមិច្រើនជាង ១០០ នាក់ លើដីបាត់ដំបង ល្បីខ្លាំង ដល់ថ្នាក់ CNN ចុះនៅលើទំព័រមុខ</span></a></span></em></p>
<p><em><span style="color: #0000ff;"><a href="/News/Detail/12604/social-news-cambodia-batambong" target="_blank"><span style="color: #0000ff;">- អាន ៖ បញ្ជូនគ្រូពេទ្យ ចម្លងមេរោគអេដស៍ នៅបាត់ដំបង ទៅតុលាការ</span></a></span></em></p>
<p style="text-align: left;"><a class="thickbox" title="" href="/FileManager/Commons/2014/12/27/50-27-12-2014--09-47-28.jpg"><img src="/FileManager/Articles/mce/2014/12/27/50-27-12-2014--09-47-28.jpg" alt="" width="493" height="315" /></a></p>
<p style="text-align: right;"><span style="color: #000000;">ប្រែសម្រួល ៖ កុសល</span><br /><span style="color: #000000;">ប្រភព ៖ អាស៊ីវ័ន ខេមញូវ<br /></span></p>