<p><span style="color: #000000;"><strong>ពេញ៖</strong> ទេព បូព្រឹក្ស ជាតារាចម្រៀងម្នាក់ ពូកែខាងក្បាច់រាំ និងតុបតែងខ្លួនបានស្អាតបាត ដូចតារា បរទេស ។ ជាពិសេសការលាបពណ៌សក់ ដ៏ស្រស់ឆើតឆាយ ហាក់គ្មានអ្នកចម្រៀងណា ធ្វើបានដូច នាងនោះឡើយ ។ នៅពីក្រោយភាពស្រស់ស្អាត និងល្បីល្បាញរបស់ ទេព បូព្រឹក្ស ត្រូវបានរុំព័ទ្ធ ទៅដោយរឿងរ៉ាវ ច្រណែនឈ្នានីស ពីសំណាក់តារាចម្រៀង រួមអាជីព ដែលព្យាយាមបំបាក់នាង ម្ដងជាពីរដង តាមរយៈបណ្ដាញសង្គម និងតាមសារព័ត៌មានផ្សេងៗ រហូតដល់នាង ស្ទើរតែគ្មាន ព័ត៌មានល្អ ទាល់តែសោះ ក្នុងការចុះផ្សាយម្ដងៗ លើទស្សនាវដ្ដី ឬកាសែតនានា ។</span></p>
<p><span style="color: #000000;">ពាក្យចាស់តែងពោលថា "អំពើអាក្រក់ ពិតជាមិនឈ្នះអំពើល្អឡើយ" ទីបំផុត ទេព បូព្រឹក្ស នៅតែ អាចរក្សាភាពល្អស្អាតស្អំ ឲ្យខ្លួនឯងបាន ទោះបីជានាងជាក្មេងស្រីវ័យទើបតែ ២០ឆ្នាំក្ដី ។ នាងហាក់ ប្រឹងប្រែង តតាំង ជាមួយអ្នកដែលត្រូវ ស៊ីសាច់ហូតឈាម មិនព្រមឲ្យនាង រស់នៅក្នុង ភាពស្ងប់ សុខឡើយ ។ រឿងដដែលៗពេក ទេព បូព្រឹក្ស ក៏បានប្រើប្រាស់បណ្ដាញ សង្គមហ្វេសប៊ុក ដើម្បី តបត ទៅអ្នកដែលប្រឆាំងនឹងនាង។</span></p>
<p><span style="color: #000000;">ទេព បូព្រឹក្ស បាននិយាយ ក្នុងបណ្ដាញសង្គមហ្វេសប៊ុក ជាភាសាអង់គ្លេសយ៉ាងវែង និងបានប្រែ សម្រួលជាភាសាខ្មែរថា "ផ្ញើរជូនចំពោះ អ្នកដែលមិនពេញខ្ញុំ (ទេព បូព្រឹក្ស) តើអ្នកទាំងអស់ ពិត ជាអ្នកគាំទ្រ ដ៏ពិតប្រាកដរបស់នាង ស៊ីអិល(CL) នៃក្រុមចម្រៀង ដ៏ល្បីល្បាញកូរ៉េ 2NE1 ? តើការ តុបតែងខ្លួនរបស់នាង ស៊ីអិល ពិតជាឡូយមែនទេ ? តើអ្នកធ្លាប់ស្រមៃថា នឹងបានធ្វើខ្លួនដូចជា នាងស៊ីអិលថ្ងៃណាមួយមិនខានឬអត់? សម្រាប់ខ្ញុំក៏ដូចគ្នា ខ្ញុំក៏ស្រមៃថា ថ្ងៃណាមួយខ្ញុំនឹង បាន លេងខ្លួន ដូចជានាង ស៊ីអិល ដែរ ព្រោះខ្ញុំក៏ជាអ្នកគាំទ្រនាងស៊ីអិល ហើយមិនមែន ទើបតែពេល ខ្ញុំក្លាយ ជាតារាចម្រៀង ប្រចាំផលិតកម្ម ហង្សមាស ទេ គឺមុនពេលខ្ញុំចូលហង្សមាសទៅទៀត ខ្ញុំបានស្លៀកពាក់តាមនាងស៊ីអិល..!"។</span></p>
<p><span style="color: #000000;">ជាការពិតណាស់ តារាចម្រៀងជាច្រើន ក្នុងស្រុកខ្មែរ មិនទាន់មានអ្នករៀបចំស្ទីល តែងខ្លួនដូចតារា បរទេសឡើយ ក្នុងនោះក៏មាន ទេព បូព្រឹក្ស ម្នាក់ដែរ ។ នៅក្នុងសារដ៏វែង របស់តារា ចម្រៀងវ័យ ក្មេង មានឈាមជ័រជាអ្នកសិល្បៈ ទេព បូព្រឹក្ស បានបន្តជាសំណួរសួរទៀតថា បើអ្នកមាន ស្ទីល រៀបចំផ្ទាល់ខ្លួន អ្នកណាមិនចង់ ? ហើយនាងនឹងព្យាយាមធ្វើវាឲ្យបានល្អបំផុត ។ ទេព បូព្រឹក្ស និយាយថា នាងគ្រាន់តែចង់ធ្វើតាមនាងស៊ីអិល ខ្លះៗប៉ុណ្ណោះ ។ សូម្បីតែនាង ស៊ីអិលខ្លួនឯង ចំឡងតាម នាង ឡេឌី ហ្គាហ្គា និង នាង ហ៊ីយូរី ដែលជាតារាចម្រៀងស្រី ល្បីរបស់កូរ៉េ ។ចុះនាង គ្រាន់តែចំឡងតិចតួច ពិតជាខុសដែរមែនទេ ?</span></p>
<p><span style="color: #000000;">ទេព បូព្រឹក បានសង្កត់ធ្ងន់ទៀតថា ចំណែកឯសក់ពណ៌របស់នាង មិនបានធ្វើតាមនាងស៊ីអិលទេ គ្រាន់តែចង់ធ្វើជាមនុស្ស ដែលលាបពណ៌ហ្នឹងមុនគេ ។ ទេព បូព្រឹក្ស ក៏ប្រាថ្នា នឹងបានស្លៀក សម្លៀកបំពាក់ មានតម្លៃថ្លៃៗ រាប់ពាន់ដុល្លារដូចនាង ស៊ីអិលដែរ ។ ទេព បូព្រឹក្ស ព្យាយាម មិនតប តជាមួយ ដែលមិនពេញចិត្តនឹង នាងណាស់ តែពាក្យសម្ដីរបស់ពួកគេខ្លះ មិនបានឲ្យ តម្លៃមក លើរូបនាងទាល់តែសោះ ទើបនាង ព្យាយាមបកស្រាយ តាមរយៈបណ្ដាញ សង្គមហ្វេសប៊ុកនេះ ។ ទោះបីជាយ៉ាងណា ទេព បូព្រឹក្ស នៅតែទទួលយកការិះគន់ ក្នុងន័យស្ថាបនា ព្រោះនាងមិនអាច មើលឃើញ ខ្លួនឯងអស់នោះទេ ។</span></p>
<p><span style="color: #000000;">បន្ទាប់ពីបកស្រាយ អស់ជិតមួយទំព័រ បានបង្ហាញថា ទេព បូព្រឹក្ស ជាតារាចម្រៀងស្រីក្មេងម្នាក់ មានចរិយាមាយាទល្អ ដែលមិនយកកំហឹង ទៅទល់នឹងកំហល់ ព្រោះកន្លងមកតារាចម្រៀងខ្លះ បើមានការិះគន់ធ្ងន់ៗ បែបនេះ ច្បាស់ជាតបតវិញ ចាស់ដៃ មិនទុកមុខទុកមាត់ឲ្យទេ៕</span></p>
<p><span style="color: #000000;"><img src="http://image.lookingtoday.com:81/lookingtoday/looking-images/news/2014/May/id-098/S_0242.jpg" alt="" width="500" /></span></p>
<p><span style="color: #000000;"><img src="http://image.lookingtoday.com:81/lookingtoday/looking-images/news/2014/May/id-098/S_0243.jpg" alt="" width="500" /></span></p>
<p><span style="color: #000000;"><img src="http://image.lookingtoday.com:81/lookingtoday/looking-images/news/2014/May/id-098/S_0244.jpg" alt="" width="500" /></span></p>
<p><span style="color: #000000;"><img src="http://image.lookingtoday.com:81/lookingtoday/looking-images/news/2014/May/id-098/S_0245.jpg" alt="" width="500" /></span></p>
<p> </p>
<p style="text-align: right;"><span style="color: #000000;">ផ្តល់សិទ្ធិ ៖ ដើមអំពិល</span></p>