<p><strong>ភ្នំពេញៈ</strong> ស្រីស្រស់វ័យក្មេង រូបស្អាតរាងតូចច្រឡឹង កញ្ញា សែម ស្រីណយ ហៅ ណយ ជាតារា<br />ចម្រៀងប្រចាំផលិតកម្ម ប៊ីកមែន បានទទួលរងការរិះគន់ ពីក្រុមអ្នកគាំទ្រ នាងយ៉ាងចាស់ដៃ <br />បន្ទាប់ពីចាប់ផ្តើម មានប្រជាប្រិយភាពមាន កេរ្តិ៍ឈ្មោះល្បីគួរសមភ្លាម នាងក៏តម្កើងឫកខ្ពស់មិន<br />អើពើ ជាមួយក្រុមអ្នកគាំទ្រ ដូចកាលដែលនាង មិនទាន់ល្បី បានធ្វើឲ្យពួកគេ មានការខកចិត្ត<br />យ៉ាងខ្លាំង នៅពេលឃើញតារា ដែលពួកគេធ្លាប់ស្រឡាញ់ និងគាំទ្រធ្វើបែបនេះ ។</p>
<p>អ្នកគាំទ្ររបស់តារាចម្រៀង ប្រចាំផលិតកម្ម ប៊ីកមែន កញ្ញា ស្រី ណយ បានធ្វើការរិះគន់ ដោយ<br />មិនសំចៃមាត់ ទៅលើនាងក្រោយពីបានបង្ហាញមុខមាត់ និងមានសន្ទុះកេរ្តិ៍ឈ្មោះ ល្បីល្បាញ<br />ដោយសារតែអ្នកគាំទ្រស្រឡាញ់ និងធ្លាប់តាមហែហមទៅគាំទ្រ នាងគ្រប់ទីកន្លែង ដោយពួកគេ<br />ចង់ឲ្យ តារាចម្រៀងរបស់គេ បានទទួលប្រជាប្រិយភាព មានកេរ្តិ៍ឈ្មោះកាន់តែល្បីថែមមួយកម្រិត<br />ទៀត ។ ប៉ុន្តែអ្វីដែលធ្វើឲ្យក្រុមអ្នកគាំទ្រនាង មានការហួសចិត្តនោះ នៅពេលដែលនាងចាប់ផ្តើម<br />មានឈ្មោះល្បី បែរជាងាកបែរខ្នង វាយឫក ធ្វើមិនស្គាល់ ពួកគេទៅវិញ ។</p>
<p>ប្រភពពីអ្នកគាំទ្រខាងលើ បានប្រាប់ឲ្យដឹងទៀតថា ចាប់តាំងពីតារាចម្រៀងរូបនេះ ផ្តើមមានប្រជា<br />ប្រិយភាព ក្រុមអ្នកគាំទ្រព្យាយាមស្កាត់ជួប សុំថតរូបណាត់នាង ទៅញុំាអីជួបអ្នកគាំទ្រ និងព្យាយាម<br />ទាក់ទង តាមបណ្តាញទំនាក់ទំនងសង្គម Facebook ជាច្រើនលើកច្រើនសារ តែនាងមិនដែលតប<br />មកវិញទេ ។ មិនតែប៉ុណ្ណោះរាល់ការ ណាត់ទៅញុំាអីម្តងៗ នាងមិនដែលទៅទេ ដោយយកលេស<br />ថា រវល់បែបនេះរវល់បែបនោះ គ្មានពេលសម្រាប់អ្នកគាំទ្រទេ ។ ទាក់ទងនឹងការលើកឡើងបែប<br />នេះ កញ្ញា ស្រីណយ បានប្រាប់ LookingTODAY ឲ្យដឹងថា កន្លងមកនាងធ្លាប់ឮព័ត៌មានថានាង<br />វាយឫកនេះដែរ ។ ដោយសារតែនាងមានការមមាញឹក ជាមួយការងារ ទើបមិនសូវមានពេលវេលា ចេញមុខបកស្រាយឲ្យច្បាស់ដល់ទស្សនិកជន ក៏ដូចជាអ្នកគាំទ្រ ។ នាងសង្ឃឹមថា ក្រោយពីនាង <br />បកស្រាយតាមរយៈ LookingTODAY ហើយទស្សនិកជន នឹងលែងយល់ច្រឡំទៀត ។</p>
<p>តារាចម្រៀងស្រីវ័យជាង២០ឆ្នាំ សាច់សខ្ចីម៉ដ្ឋរលោង បានប្រាប់ឲ្យដឹងថា "ខ្ញុំពិតជាសុំទោសដល់ <br />ទស្សនិកជន និង ក្រុមអ្នកគាំទ្រខ្ញុំដែលកន្លងមក ខ្ញុំមិនសូវមានពេលវេលា សម្រាប់ពួកគាត់ រហូត<br />ដល់ធ្វើឲ្យទស្សនិកជន មានការយល់ច្រឡំថា ខ្ញុំវាយឫកពេលបានល្បី ភ្លេចអ្នកគាំទ្រ ។ តែខ្ញុំចង់<br />ប្រាប់ថា ខ្ញុំមិនដែលភ្លេច និងគិតចង់វាយឫកដាក់បងប្អូន ទស្សនិកជន ដែលជាអ្នកគាំទ្រខ្ញុំទេ ទម្រាំ<br />មានថ្ងៃនេះ គឺដោយសារការគាំទ្រស្រឡាញ់ពេញចិត្ត និងការលើកទឹកចិត្ត ពីអ្នកគាំទ្រ ទើបធ្វើឲ្យ<br />នាងទទួលបាន ជោគជ័យ ដូចសព្វថ្ងៃនេះ ..!"។</p>
<p>តារាចម្រៀងពន្លកថ្មី ស្រីណយ បានប្រាប់ឲ្យដឹងបន្ថែមទៀតថា មូលហេតុដែលមិនមានពេលទំនេរ <br />សម្រាប់អ្នកគាំទ្រនោះ គឺនាងត្រូវថតបទចម្រៀង ថតខារ៉ាអូខេជាប់ៗគ្នា មិនដាច់ ក្នុងគោលបំណង<br />ស្វែងរកបទថ្មីៗ ដើម្បីកំដរអារម្មណ៍ទស្សនិកជន និងមិត្តៗយុវវ័យក៏ដូចជា អ្នកគាំទ្រ។ ក្នុងមួយរយៈ<br />ពេល ចុងក្រោយនេះ នាងសារភាពថា នាងទំនេរពីការងារ ប៉ុន្តែនាងមានបញ្ហាឈឺភ្នែក ត្រូវសម្ងំព្យា<br />បាលនៅផ្ទះ ដោយគ្រូពេទ្យមិនឲ្យ នាងចេញក្រៅ ត្រូវកម្តៅថ្ងៃច្រើនទេ ខ្លាចប៉ះពាល់ដល់ភ្នែក ។ ដូច្នេះហើយបានជានាងមិនសូវបង្ហាញមុខជាសាធារណៈទេ។ "ចង់សុំទោសជាសាធារណៈ ទៅដល់<br />គាំទ្រមុនពេលខ្ញុំ ចូលសិល្បៈខ្ញុំមានចរិកបែបណាថ្ងៃនេះ ខ្ញុំក៏នៅតែជាខ្ញុំជាមនុស្សរួសរាយរាក់ទាក់ <br />ចូលចិត្តនិយាយលេងច្រើនដដែល គ្រាន់តែពេលវេលា មិនអំណោយផលឲ្យខ្ញុំ បានជួប និងបង្ហាញ<br />ភាពសិ្នទ្ធស្នាល និងការអរគុណទៅ ដល់អ្នកគាំទ្រខ្ញុំ តែប៉ុណ្ណោះ...!" ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-065/PISETH-0387.jpg" alt="Looking Today" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-065/PISETH-0388.jpg" alt="Looking Today" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-065/PISETH-0389.jpg" alt="Looking Today" width="600" /></p>
<p style="text-align: right;">ផ្តល់សិទ្ធិដោយ៖ <a href="http://www.lookingtoday.com/index.php/entertainment-general-news/24885-2013-11-25-10-05-18.html"><span style="color: #0000ff;">ដើមអំពិល</span></a></p>