<p><span style="color: #000000;"><strong>ភ្នំពេញ៖</strong> តារាចម្រៀងរ៉េប ដែលមានឈ្មោះបោះសំឡេងល្បីគួរសម ក្នុងស្រទាប់សិល្បៈ ឌីជេ ក្តឹប បានបង្ហាញនូវមហិច្ឆតារបស់ខ្លួន ដែលមានក្តីស្រមៃ ចង់ជិះរថយន្តស៊េរីទំនើប តម្លៃថ្លៃម៉ាក Lexus 570 ដែលមានតម្លៃជិត ២០ ម៉ឺនដុល្លារ រហូតនិយាយបែបរវើរវាយ សន្សំលុយទុកទិញ រថយន្តទំនើបនេះ នៅរយៈពេល១៥០ឆ្នាំទៀត ដែលជាក្ដីស្រមៃមួយមិនអាចកើតមានឡើយ។</span></p>
<p><span style="color: #000000;">តាមរយៈសារខ្លីមួយ ដែលតារាចម្រៀងរ៉េបឌីជេ ក្តឹប បានបង្ហាញបានសរសេររៀបរាប់ ពីការតាំងចិត្ត និងក្តីស្រមៃចង់ជិះរថយន្តស៊េរីទំនើប Lexus570 ដោយលោកបានរៀបរាប់ថា «ស្រលាញ់ណាស់រថយន្ត ៥៧០ ខ្ញុំត្រូវតែសន្សំលុយ ដើម្បីទិញឲ្យបានរថយន្ត ៥៧០ តំលៃ១៨ ម៉ឺនដុល្លារ ចាប់ពីពេលនេះទៅ មួយខែខ្ញុំសន្សំ១០០ដុល្លារ អ៊ីចឹង១៨ម៉ឺនដុល្លារ គឺស្មើនឹងសន្សំ១៨០០ខែ ហើយ១៨០០ខែ បើគិតជាឆ្នាំវិញ គឺ១៥០ឆ្នាំ មានអីគិតទៅ តែ១៥០ឆ្នាំទៀត ក្ដីស្រមៃខ្ញុំ នឹងក្លាយជាការពិតហើយ ជយោ..!ៗៗៗ»។</span></p>
<p><span style="color: #000000;">ជាទូទៅសម្រាប់ទស្សនិកជន តែងតែមានការគិតសន្និដ្ឋានថា ឲ្យតែអ្នកសិល្បៈល្បីឈ្មោះ តែងតែរកបា្រក់ចំណូលបានខ្ពស់ មានជីវភាពធូរធា មានវីឡា ,រថយន្តស៊េរីទំនើបៗ និងប្រើប្រាស់សម្ភារៈស៊ីវិល័យ ខុសប្លែកពីប្រជាពលរដ្ឋទូទៅ ។ ប៉ុន្តែការពិតទៅ អ្នកសិល្បៈភាគច្រើន មិនមានជីវភាពធូរធា ដូចការលើកឡើងខ្លាំងខាងលើទេ ជាក់ស្តែងដូចឌីជេក្តឹប ដែលបង្ហាញសារខាងលើនេះអ៊ីចឹង លោកមានលទ្ធភាពសន្សំប្រាក់ មួយខែត្រឹមតែ១០០ដុល្លារប៉ុណ្ណោះ តែសម្រាប់មហិច្ឆតាវិញ គឺលោកចង់ជិះឡាន មានតម្លៃជិត២០ម៉ឺនដុល្លារឯណោះ។</span></p>
<p><span style="color: #000000;">ក្ដីស្រមៃរបស់ឌីជេ ក្ដឹប នៅពេលនេះ ត្រូវបានគេមើលឃើញថា គ្រាន់តែជាការស្រមើស្រមៃមួយ ពុំអាចចេញជាលទ្ធផលនោះទេ ព្រោះតាមរយៈការសន្សំ លុយនឹងអាយុកាលនៃការសន្សំបាន ហាក់បីដូចជាវែងហួសពីការស្មាន ហើយសារនេះ គ្រាន់តែនិយាយឲ្យធូរទ្រូងប៉ុណ្ណោះ ហើយឌីជេ ក្ដឹប ក៏បានដឹងខ្លួនឯងច្បាស់ដែរថា មធ្យោបាយសន្សំលុយទិញ Lexus570 បែបនេះ ក៏ពុំមានថ្ងៃកើតឡើងដែរ៕</span></p>
<p><span style="color: #000000;"><a class="thickbox" title="" href="/FileManager/Commons/2015/11/17/10-17-11-2015--08-58-21.jpg"><img src="/FileManager/Articles/mce/2015/11/17/10-17-11-2015--08-58-21.jpg" alt="" /></a></span></p>
<p><a class="thickbox" title="" href="/FileManager/Commons/2015/11/17/10a-17-11-2015--08-58-28.jpg"><img src="/FileManager/Articles/mce/2015/11/17/10a-17-11-2015--08-58-28.jpg" alt="" /></a></p>
<p><a class="thickbox" title="" href="/FileManager/Commons/2015/11/17/10b-17-11-2015--08-58-34.jpg"><img src="/FileManager/Articles/mce/2015/11/17/10b-17-11-2015--08-58-34.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>