<p><span style="color: #000000;"><strong>(កណ្តាល)៖</strong> អ្នកបើករថយន្តដឹកដី ចេញពីរណ្តៅដីរបស់ឈ្មួញឈ្មោះ ដាញ់ សុផល ម្នាក់បានរត់គេចខ្លួនភ្លាមៗ ក្រោយពីបានបើករថយន្តថយក្រោយ មិនប្រយ័ត្នបណ្តាលឲ្យកិនបុរសអ្នកបើករថយន្តដឹកដីក្រុមហ៊ុនវឌ្ឍនៈ ដូចគ្នាស្លាប់ នៅល្ងាចថ្ងៃទី១៦ ខែកុម្ភ: ឆ្នាំ២០១៦ ស្ថិតក្នុងភូមិឈើទាល២ ឃុំឈើទាល ស្រុកកៀនស្វាយ ខេត្តកណ្តាល។</span></p>
<p><span style="color: #000000;">លោក ព្រំ សំណាង អធិការរងទទួលបន្ទុកសណ្តាប់ធ្នាប់ចរាចរណ៍ស្រុកកៀនស្វាយ បានឲ្យដឹងថា ជនរងគ្រោះ ឈ្មោះ យិុន ទូច អាយុ៣១ឆ្នាំ មានស្រុកកំណើត នៅភូមិខ្នាតី ឃុំអង្គសោម ស្រុកត្រាំកក់ ខេត្តតាកែវ បច្ចុប្បន្នស្នាក់នៅកន្លែងកើតហេតុ មុខរបរ បើករថយន្តដឹកដី។</span></p>
<p><span style="color: #000000;">ចំណែកអ្នករថយន្តបង្កឈ្មោះ ហៅ សិលា អាយុ៣២ឆ្នាំ មានស្រុកកំណើត ខេត្តកំពង់ឆ្នាំង បច្ចុប្បន្នស្នាក់នៅកន្លែងជីកដី របស់ក្រុមហ៊ុនវឌ្ឍន: ដូចជនរងគ្រោះដែរ ។</span></p>
<p><span style="color: #000000;">បើតាមលោកអធិការរង មុនពេលកើតហេតុ ជនរងគ្រោះបានបើករថយន្តម៉ាកហីុយ៉ាន់ដាយ ពណ៌ស ពាក់ស្លាកលេខ ភ្នំពេញ 3C-0943 ចូលមកដឹកដីនៅ ចំណុចកើតហេតុ។ ពេលនោះអ្នកបើកបររថយន្តបង្កម៉ាកហីុណូ ពណ៌ខៀវ ពាក់ស្លាកលេខ តាកែវ 3A-1254 ក៏បានបើករថយន្ត ចូលមកដល់ចំណុចកើតហេតុដើម្បីដឹកដី ដូចគ្នា។</span></p>
<p><span style="color: #000000;">ជាធម្មតារថយន្តដែលដឹកដីមក ដល់គោលដៅដឹកត្រូវបត់ នឹងបើកថយក្រោយដើម្បីឲ្យអេស្កាវើទ័រជីកដីដាក់ ពីលើរថយន្ត។ តែនៅម៉ោងកើតហេតុនោះ រថយន្តបង្កបានបើកមក នឹងថយក្រោយ ដូចរាល់ជើងដែលធ្លាប់ដឹក។ ដោយមិនដឹងថាមានមនុស្សនៅពីក្រោយរថយន្ត ហើយក៏មិនដឹងថា រថយន្តរបស់ខ្លួនបាន កិនមនុស្សដែរ ។</span></p>
<p><span style="color: #000000;">នៅពេលអេស្កាវ៉ាទ័រ ជីកដីដាក់លើរថយន្តជិតពេញហើយ អ្នកបើករថយន្តបង្កមើលទៅខាងរថយន្ត១ទៀត មិនឃើញបើកចេញក៏មានការឆ្ងល់ពេលនោះ ក៏ចុះពីលើរថយន្តរបស់ខ្លួនមក មើលស្រាប់តែឃើញមានមនុស្សដេកស្លាប់នៅក្រោមរថយន្តរបស់ខ្លួន ។ ឃើញដូច្នោះអ្នកបើករថយន្តបង្កក៏បានរត់គេចខ្លួនចេញពីកន្លែង កើតហេតុបាត់តែម្តង ។</span></p>
<p><span style="color: #000000;">ក្រោយពីកាយអាមច៍ដីដាក់ពេញរថយន្តហើយ មិនឃើញ បើកចេញដូចសព្វដងនោះ អ្នកបើកអេស្កាវ៉ាទ័រ ក៏ចុះមកមើលថា ហេតុអីរថយន្តទាំង២មិនបើកចេញ ទើបដឹងថា មាន ករណីកិនមនុស្សស្លាប់ ហើយគាត់ ក៏បានផ្ដល់ព័ត៌មានដល់សមត្ថកិច្ចប៉ុស្ដិ៍រដ្ឋបាលឈើទាល និងរាយការណ៍ដល់រូបលោក ។</span></p>
<p><span style="color: #000000;">លោកអធិការរងបានបានឲ្យដឹងទៀតថាក្រោយពីកើតហេតុសមត្ថកិច្ចជំនាញបានចុះទៅធ្វើការវាស់វែង ហើយបានទាក់ទងទៅក្រុមគ្រួសារ យកសពទៅធ្វើបុណ្យតាមប្រពៃណី ដោយឡែកមធ្យោបាយរថយន្តខាងលើទៅអធិការដ្ធាននគរបាលស្រុកបន្តនិតិវិធី កសាងសំណុំរឿងទៅសាលាដំបូង ៕</span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xfl1/v/t1.0-9/q81/s851x315/12741919_1559218207725878_2607473848870578994_n.jpg?oh=0944f50d5979e642e112d27d27904642&oe=5730B51B" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xlp1/v/t1.0-9/12742405_1559218214392544_4820406189289417732_n.jpg?oh=f979226176817b4d804d3eb2e02d917c&oe=57647FC7" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xlf1/v/t1.0-9/12741881_1559218211059211_8730458287899673706_n.jpg?oh=1043598f06ad0af584189d9788c7e221&oe=576029F2" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>