<div class="article-content">
<p><strong>តាកែវ៖</strong> កម្លាំងសមត្ថកិច្ចកងរាជអាវុធហត្ថខេត្តតាកែវ កាលពីយប់ថ្ងៃ ព្រហស្បតិ៍ ទី៥ ខែកញ្ញា<br /> ឆ្នាំ២០១៣ បាន ចាប់ខ្លួន បុរសបាញ់បោះសេរីម្នាក់ ដែលគេដឹងថា ជាអង្គរក្សផ្ទាល់របស់លោក<br />ឧកញ៉ា ថោង សារ៉ាត់ អនុប្រធានកង ពលង៧០។</p>
<p>យោងតាមប្រភពពីមន្រ្តីសម្មតិកិច្ចបានប្រាប់ឲ្យដឹងថា អង្គរក្សរបស់លោក ថោង សារ៉ាត់ ដែល<br />ត្រូវចាប់ខ្លួននេះមាន ឈ្មោះ ង៉ែត សុភ័ក្រ ភេទប្រុស អាយុ ៣១ ឆ្នាំ មានទីលំនៅឃុំអណ្ដូងខ្មែរ <br />ស្រុកកំពង់បាយ ខេត្តកំពត ហើយការ ចាប់ខ្លួនបុរសអង្គរក្សរូបនេះ បន្ទាប់ពីគេបានយកកាំភ្លើង<br />ខ្លីបាញ់ភ្ជុចដីពីរគ្រាប់ កាលពីយប់ថ្ងៃព្រហស្បតិ៍ នៅការ ដ្ឋានធ្វើផ្លូវមួយកន្លែងនៅក្នុងឃុំបែក<br />គូសស្រុកត្រាំកក់។</p>
<p>បើតាមមន្រ្តីសមត្ថកិច្ច មូលហេតុដែលអង្គរក្សលោកឧកញ៉ា ថោង សារ៉ាត់ យកកាំភ្លើងមកបាញ់<br />លេង បន្ទាប់ពីមាន ការជួបជុំផឹកស៊ីស្រវឹងជោកជាំ ហើយក៏ចង់បង្ហាញអំណាចជាកងការពារលោក<br />ឧកញ៉ាផ្កាយពីរ ក៏យកកាំភ្លើងមក បាញ់ភ្ជុចដីដោយគ្មានខ្លាចញញើត និងសមត្ថកិច្ចនោះទេ ក៏ប៉ុន្តែ<br />ក្រោយការបាញ់បោះយ៉ាងអនាធិតេយ្យហើយនោះ កម្លាំងកងរាជអាវុធហត្ថស្រុកត្រាំកក់ បានចុះ<br />ទៅដល់កន្លែងកើតហេតុហើយ បានឃាត់ខ្លួនអង្គរក្សលោកឧកញ៉ា និងអាវុធយកមកសួរនាំនៅ<br />ស្នាក់កងរាជអាវុធហត្ថស្រុកត្រាំកក់។ លុះព្រឹកថ្ងៃសុក្រ ទី៦ ខែកញ្ញា ឆ្នាំ២០១៣ ក៏បញ្ជូនអង្គរក្ស<br />បាញ់បោះសេរីរូបនេះ មកកាន់ទីបញ្ជាការដ្ឋានកងរាជអាវុធហត្ថតាកែវ ដើម្បីចាត់ការបន្តទៀត។</p>
<p>ទៅបីជាយ៉ាងណាគេមិនដឹងថា តើអង្គរក្សរបស់លោកឧកញ៉ា ថោង សារ៉ាត់ នឹងត្រូវបញ្ជូនទៅកាន់<br />តុលាការ ដើម្បីចោទប្រកាន់ដោយប្រើអាវុធខុសច្បាប់ និងបាញ់បោះសេរី ឬក៏ត្រូវដោះលែងយ៉ាង<br />ណានោះទេ?៕</p>
<p style="text-align: center;"><img src="http://image.dap-news.com:81/dap-news/dap-images/2013/September/id-009/ST-020.jpg" alt="" width="550" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>