<p><span style="color: #000000;">ព័ត៌មានអន្តរជាតិ ៖ ទំព័រសារព័ត៌មានប៊ីប៊ីស៊ី ចេញផ្សាយសម្រង់អត្ថបទសារព័ត៌មានអោយដឹងថា វេជ្ជ បណ្ឌិត មកពីប្រទេស ស្រី លង្កា មួយរូប ត្រូវបានសម្រេចក្នុងការផ្តន្តាទោស ដោយប្រហារជីវិត ក្រោយ ពីគាត់បានរំលោភ និងសម្លាប់អ្នកជម្ងឺរបស់ខ្លួន នៅមន្ទីរពេទ្យ មួយកន្លែង ជិតទីក្រុង Colombo ។ </span></p>
<p><span style="color: #000000;">ប្រភពសារព័ត៌មានដដែល បន្តអោយដឹងថា វេជ្ជបណ្ឌិត ដែលជាជនជាប់ចោទរូបនេះ មាន ឈ្មោះថា Dr Indika Sudharsana Balage ត្រូវបានអាជ្ញាធរ បញ្ជាក់អោយដឹងថា គាត់បានសម្លាប់ យុវតី ស្រី វ័យ ក្មេងមួយរូប (ជាកម្មកររោងចក្រ) នៅឯមន្ទីរពេទ្យ មួយកន្លែង កាលពីអំឡុងឆ្នាំ ២០០៧ ។គាត់ត្រូវបាន ផ្តន្ទាទោសក្នុងការសម្លាប់ជនរងគ្រោះ វ័យ ២៣ ឆ្នាំ ដោយបានបោះនាងចុះ ពីបង្អួច នាជាន់ទី ៦ ។ </span></p>
<p><span style="color: #000000;"><a class="thickbox" title="" href="/FileManager/Commons/2014/9/4/30-04-09-2014--11-02-00.jpg"><img src="/FileManager/Articles/mce/2014/9/4/30-04-09-2014--11-02-00.jpg" alt="" /></a><br /></span></p>
<p><span style="color: #000000;">ដោយឡែក សេចក្តីរាយការណ៍ បញ្ជាក់អោយដឹងថា ជនរងគ្រោះ មានវ័យ ២៣ ឆ្នាំ នាងមានឈ្មោះថា Chamila Dissanayake បានមានវត្តមាននៅឯមន្ទីរពេទ្យ ដើម្បី ធ្វើ ការវះកាត់ ។ បុគ្គលិក ជាអ្នកយាម ប្រចាំមន្ទីរពេទ្យ បានចេញមុខ ធ្វើ ជាសាក្សី នៅក្នុងប្រព័ន្ធតុលាការ ស្តីពី អំពើ មនុស្សឃាតមួយនេះ ដោយនៅក្នុងនោះ មានការគូស បញ្ជាក់ អោយដឹងថា គេ ពិតជា បានឃើញ លោក Balage អូសសាក សពនៅជាន់ទី ៦ ពិតប្រាកដមែន ។ ផ្ទុយទៅវិញ ជាការសាទរ ពីសំណាក់ ក្រុមគ្រួសារជនរងគ្រោះពួក គេបញ្ជាក់អោយដឹងថា ពិតជាសប្បាយរីករាយជាខ្លាំង ខណៈយុត្តិធម៌ ពិតជាមាន ពិតប្រាកដមែន ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span><br /><span style="color: #000000;">ប្រភព ៖ ប៊ីប៊ីស៊ី</span></p>